من مذكرات جدتي

[باب العين]

في الخمسينات ميلادي ظهرت جدتي مع بنت عمها علشان ايجيبو حليب للسحور من احد النخايل وبما انهم يسكنون في الديرة لازم يمروا على زرانيق وسوابيط ولا عندهم فانوس ولا لمبة گاز :)
لأن بطبيعة الحال لم تكن الكهربة قد وصلت الى تاروت :o
وكانوا مامنين لان كان في شهر رمضان المبارك كما قلنا خرجت من زرنوق لزرنوق حتى وصلوا الى ساباط بيت ابو شملة شوي والا يشوفوا واحد عملاق محبچ (يعني مربط بالحبال والليف من اكتافه حتى قدميه ) فأخذته بصوت مزعج مخيف :ملاكمه: كصوت الحمار او البگرة فاترتعدت من الخوف جاهم عقر وبقر وبعد ما راح عنهم الخوف قاموا يهاوشوه ويقولوا له ندري عنك انت المجنون :eek: (كان في واحد مجنون في زمانهم ويخوف الناس بس ماطلع هو )بنقول لابو العيال يشتشكي عند الصيرفي صديقه (الصيرفي عمدة البلاد او المختار في تلك الايام) وعبروا وطافوا بسرعة بعدها بايام مرضت جدتي مرض شديد كادت ان تفقد الحياة بعدين جاها وهي على فراش المرض سنور كبيييييييييير ويختلف عن بقية السنانير وقال ليها اذا تبغي تبري من مرضش تحطوا ليي مكان ماشفتوني في الساباط خبز متين ودهنة بقر وسكر في طاسة :eek: وسوو الي قال به هذا السنور وبريت جدتي من مرضها :)

هني صورة الساباط
تصوروا تجو هذا الساباط في الليل والدنيا خرمس بدون كهرب تقدروا تطوفوا :ظروس باين

[مدون حر]

باب ... العين

شكرا على هذه المواضيع المتميزه ... والى الأمام


ننتظر ... مشاركاتك

[محرر الإتصالات]

الديرة الول تخوف في النهار كيف في الليل بعد:( :(
بس شخبار جدتك الحين والسنو الي طلع ليها باي لغة كلمها;)

[باب العين]

شكرا جزيلا للأخ المشرف العام نضال , وتشجيعكم هذا هو الماي والسماد اللي يروي ويغذي الزرع. وابشر يا طيب القلب .

************************************************

وشكرا أيضا للاخ عبودي , وانت صادق ياعيوني , أمّا المرحوخة جدتي فأسالك قراءة القاتحة لروحها وللمؤمنين والمؤمنات.

***********************************************

واليكم واحدة أخرى من مذمرات المرحومة .

كانت المرحومة في أيام الگيض تنام في المربعة تحت السنطوانة على حصير خصافي متوسدة ملفعها النغدة.

وسنين وهي تنام تحت ها السنطوانة , ولا صار ليها لا شر ولا ضر. وفي يوم من الأيام وهي غاطة في النوم , جاءتها وحدة لا تدري أهي جنية أم انسية , و دلدلت شعرها برفق على وجه جدتي , وگالت ليها أم علي أم علي أجلسي وتنحي جانبا , فجلست جدتي وما ان تنحت جانبا حتى سقطت من السقف حجرة ليست صغيرة ولا كبيرة , ولو بقيت جدتي في مكانها لأصابنها على رأسها.

لا تفولوا هراء , أقسم أني رأيت الحجرة وبقي أثرها في السقف حتى تهدم البيت.

[باب العين]

سالفة أيضا من سوالف جدتي :

كانت المرحومة تمبى تنام , ماهي گادرة , من شدة الحر , والگرص اللي يجي على الگماري، يا لله يا لله نامت ، في داك العريش بعد ما تباعد الگمر , وراح الگرص, شافت في المنام حلم مزعج ، وكأن چلبة رگطة ناطة عليها تمبى تنهشها .

گعدت جدتي من النوم مرعوبة وسمت باارحمن الرحيم , وراحت للبرنية , وزخت ليها گلاس ماي بردت على أفادها. ولما جت الضحى راحت جدتي العين , تتسبح وتفسل فيابها ومواعينها وتروي ماي من العين.

ومن عادت النسوان يگعدوا ويسولفوا ويفضفضوا عن نفسهم , وين ما جوا. صارت جدتي رحمها الله تعلم بحلمتها ، وتوها مخلصة چلامها والا هدي حية رگطة طلعت من شگوگ جدار العين ونطت على المرحومة وهي فاچة بوزها تمبى تعض جدتي ، طاحت جدتي مغشي عليها , وجوا النسوان , وياهم معلمة جدتي الصادقية زي ما گالت , وگرت عليها قرآن , و بعد شوي أوتعت من غشوتها وهي ترتعش من الخوف ، والحية خافت من القرآن وشردت .

وگامت المرحومة ولا كأنه صار ليها شي. وراحت بيتهم وكملت مسيرة الحياة .

[باب العين]

جدتي الله يرحمها گالت ليي المرة من زمان تشتغل مو بس بنات ها الأيام.

كانت المرة تشتغل في المزرعة والنخل ، كانت تخيط فياب نسوان مفلات الصراولة والنفانيف ، والدراريع وفياب يسموهم هاشمي.

ويسفوا من خوص لنخيل گفيف وحصر وسفر وبعد زبلان وضروف مال تمر
وبعد شي مفلات الحصر بس اسمهم سميم هدولا يحطوه على بيوت العشيش اللي على شكل جملون .

وهدي سالفة حليوة عن الصرام : تعرفوا الصرام لو ما تعرفوا بعد ؟

في واحد من النخلاوية عنده صرام ، بس دور على شواغيل ، ماحصل ، گال الى مرته ، شوفي لينا چم وحدة من الجيران تشتغل ويانا .

تجمعوا النسوان يوم فاني وراحوا النخل . وكل وحدة عندها زبيل ترگط فيه التمر اللي يتنفر في الأرض من بعد ما يگص الرجال العدوگ ، وتالي يودوه الفدة ( محل تجميع التمر) .

الرجال ركب نخلة والثانية ، وفي مرة من المرات وهو ينزل الحدرة بلحبل من فوق تشربكت في وزاره ونسرد وزاره لعند ساگه ، وهو مو لابس تحت شي ---

گام ورفع حسه وبأعلى ما أعطاه الله وگال لا حد يطلع فوووووووووگ.

ولا كان من النسوان اللي لاهيين في رگاط التمر الا يرفعوا روسهم من الدهشة وبسرعة نكسوا روسهم مستحيين وفي نفس الوقت ضاحكين.

بكل تأكيد الرجال ما كان يقصد أن أحد يطلع فوگ.

[القرمبع]

بسم الله

والله يباب العين لوجدتك موجوده في هالزمن چان اتشابگو عليه المخرجين والصحف ماشا الله عليك والله أخاف كل هالقصص من چيسك ترى أعرفك زين صدگني .

عندي طلب كيلوين حواسين شرط من خور دارين :D ههههههههههه

والله باجيب لك لجنون يالردي


الگرمبع :ملاكمه:

:D

[باب العين]

والله يا قرمبع ، الله يحيي ، أيامك في هنا وسرور مفل ما أحييت مواضيعي ، ودايم تخليني أبتسم ، ومسرور الله يسرك دنيا وآخرة.

خليك معي خليك ، وبلاش تفارق.

[القرمبع]

بسم الله

وين اتروح مني امغير اسمك وشارد ها ؟

بس والله باالله تاالله إذا ما اترد بيتك الگديم اللي اتربيت فيه لانا الگرمبع ولا أعرفك وباهون موليه من هالواحه ياچنديف :D


الگرمبع :mad:

:D

[قلب أبيض..]

السلام
رحم الله جدتك يا أخي باب العين

ننتظر مزيد دكريات المرحومة

[نور اليقين]

السلام

مشكور على قصصك الجميله
التى تعيد الينا ايام لول ...

ورحم الله جدتك وجميع المؤمنين والمؤمنات ...

[المعتوق]

انا الصراحة خفت من الساباط , الله ساعد جدتك .


المعتوق

[elctron]

السلام عليكم ورحمة الله وبركاته
حليوه السولف مره
وهذى السالفه الا طاح فيها السقف صارت بالضبط لناس من اهل الربيعيه
بعد ..بعد سولف

[dewberry]

وااااااااااااااااو قصص رهيبه جان زين تكمل الله يخليك واااايد حليوه

والي في النخله عجيبه

دول الجدات والله بلاش ...

كمل اخوي كمل

[أحــ حور ــلام]

حياة لول في هالمشاركات الروعه

كمل والله وناسه

مشكوور

ورحم الله موتى المؤمنين والمؤمنات
تحياتي
أحـــ حور ـــلام

[باب العين]

شكراً لكم فرداً فرداً .

حملتوني جميل على راسي أيها الأعزة .


هذه قصة كانت تحكيها جدتي .

الحين عرفت يا ولدي ويش تفسير حلمتي واني كل هالمده حسبالي أباموت !

لا عاد جدتي اسم الله عليش -- ان شاء الله تعيشي ويانا -- لكن ويش اللا خلاش تقولي جديه ؟

ويش اقول لك يا ولدي : صار ليي جم ليلة واني احلم كانه واحد يقول ليي سوي لش تدكرة يم علي -- واني قلت في نفسي عفر يمباني اسوي وصيتي .

والحين يا حبابه ويش صار ؟

الحسين يا غناتي - سيد الشهداء ابو علي يمباني - يعني اباروح الزياره و هداكوه اخوك اليوم
اخد باصي بيسويه -- باصي يعني جوازي .

يعني بتسافري عني جدتي !!

جان زين غناتي يسووا لك جواز وتروح ويايي .

للاسف ما سووا ليي جواز وراحت جدتي بروحها .

سافرت شهر وانا حسبالي سنة صرت مفلات اليتيم .

لما رجعت من السفر قالت : لي قصة عن ابو فاضل حامل لواء الحسين قمر العشيرة سلام الله عليه .

قالت : جابوا وحدة غتمة لا تسمع ولا تتكلم وربطوها عند العباس ومن الصباح ما شفنا اللا الناس كل واحد يمبى يا خد منها نتفة وهي تقول للناس : نطقني باب الحوايج نطقني باب المراد نطقني ابو فاضل .

هذه الشابة المؤمنة الخرساء بعد أن ربطت عند السباك ونامت رأت كأن عموداً من نور خرج من داخل الضريح وضرب تلك الشابة على شفافها فاذا بها تنطق أعذب الكلام في مديح أبي الفضل العباس (سلام الله عليه) .

[dewberry]

ماشاء الله
اتحفتنا بالفعل بقصص باهرة وجميل اخي العزيز

ليتك تكمل وليت جدتك عندنا الله يرحمها


كمل خيي

[أبو عباس]

احب في البدايه

اقراء الفاتحه على جدتك الله يرحمها واموتنا والمؤمنين والمؤمنات عامه

وتالي احب اقول لك وربي هذول لكبار هم الخير والبركه

وبعد وعزت من كسرو ضلعه اسلوبك لحليو وطريقتك في التعبير وكلامك التاروتي

هم اللي يخلوني وربي مااطلع من الموضوع ترى سولفك احليوه مره

واتمنى تكمل سوالفك اللي تجنن وتونس والله كشخه قصصك

وعساك على القوه وترى فكرة مره حليوه ولا تقطعنا

حنا زوارك ونحارسك ونحارس سوالفك وعاد لا تتخر علينا

تراى الصبر ياولد الحلال ماميش منه الان كل واحد يركض

ومستعجل ماادري لاويه

هههههههههههههههههههه

احارسك مو تبطي

علينا يرحم والديك