النجمه المضيئه
19-03-03, 05:28 AM
بــنــــات الـــيــــوم
اليوم: الاربعاء
الساعه : 10 وربع صباحاً
المكان : جامعة الملك سعود ، رصيف بوابه خمسه ( شارع التخصصي )
جت وحده من البنات تطامر ومعها كروكي تقول لنا ان فيه حفلة طق طقه وصجه يسمونها بعض الناس الي مسوين فيها عيال نعمه ( دي جي ) وهذا يرجع للناس الي داجين فيها مايدرون وين ربهم حاطهم فيه ، بيسوونها مجموعة بنات .. بكره الخميس وعازمين كل من هب ودب عليها ببطاقات وبدون بطاقات وبما اننا ملاقيف ماقد شفنا خير ولا ندري وش تطلع هالدجه الي عندهم قررنا نروح نحفل معهم ونشم شم اخبارهم ونشوف وش يسوون فيها... وعشان مانتفشل ولا احد يطردنا قلنا بندخل و معنا ترامس القهوة والحلى ( مسوين فيها سنعات ) عشان ماحد يشك فينا اننا من الاقلاع وناوين على الفضايح ، ومن الصبح وحنا نخترش ونخطط شلون بنراقب الاوضاع من كل الجهات وقمنا نوزع الاعمال كل وحده والجبهه الي تستلمها عشان مايفوتنا شي ، وطبعن بعد الطقاق الي صار على الي تركب عند الباب ( سواتهم كل مره ) رحنا للحفله الموعوده وهذي العلوم ( علوم ولا رياضيات ) جبناها لكم عشان تعرفون اننا لي وعدنا بشي وفينا
الموقع عباره عن بيت اقرب ماينقال عنه انه استراحه على ثلاث شوارع بواباتها مفتوحه على الاخر ، زحمه غير طبيعيه، طابور سيارات بدون نهايه ، بنات ينزلون منها بدون عبايات ، حرس او زي مايسمونهم ( بودي قاردات ) في كل مكان ، اضائات صارخه للمكان من برا ، واصوات اغاني تردح مختلطه بصراخ للبنات !!
ريم : سوير وين حنا فيه ؟
ساره او " سوسو" : وش دراني الظاهر طلعنا على الحدود
ريم : هااااو وش حدوده انتي الثانيه الخريطه حقت البيت مهيب معك ؟
امل : لا معي انا والهقوه اننا مضيعين في المكان
ريم : الشرهه مهيب عليكم الشرهه علي الي انا معطتكم وجه وشايلتكم في الونيت حقي
ندى :ايه الي يسمعتس الحين انتي وهالبي ام .. وش ونيته انتي الثانيه هذا وقته خلينا نشوف وين شطح بنا هالسواق
سوسو : ياااااااااربيه ابي ارجع البيت <<-- تمعط في شوشتها من الحره
امل : اقول اركدي لا اصكك كف انتي الثانيه الخريطه ماشين فيها صح ماضيعنا ولاش هذا هو المكان
ريم :اقول جيبي اشوف وش يفهمك انتي في الخرايط اخبرك راسبه في الجغرافيا اصلن
ندى : ايه والله هذا هو البيت ماضيعنا .... وشذا اجل ؟؟ هو صدز الي انا اشوفه ؟
اقول يابنات وحده منكم تقلصني , اااااااي <<-- فلصوها كلهم
في الطريق إلى الـــ WC ..
الدخان مالي المكان ..زحمة بنات داخلين طالعين .. اشكال غريبه .. وملابس اغرب !!
ريم : وشذا الضباب يابنات حشى لندن مهوب بيت ذا
سوسو : واااااااااااو طالعوا يابنات فخفخينا
امل : لاتدخنين .. قصدي لاتدوخين علينا <<-- متأثره بالجو العام
سوسو : والله مروقين شكلنا في مقهى الشلال
ريم : اقول يابنات من ذي الي مرتكزه فيذاك ؟
ليلو : هذي خويتنا راعية العزيمه (نهنوه) ماعرفتيها ؟
امل : نهنوه !! وش صار فيها ورا شكلها كذا ؟ ومن الثنتين الي معها ؟!
سوسو : ذولي البودي قاردز حقاتها يالقرويه
ريم :وش بودي قارداته ياكافي !! ذولا بنات زينا يابنات .. اقول شكل نهنوهه جايبتهم ينتقمون مننا
امل : كلها بسبتك ياريم شوفي العضلات ومير اسكتي ياما هزئتيها وعكرتي لها .. استلمي شكلهن والله بيستفرطون فيتك
ريم : ( دقت اللطمه ) تراكم ماتعرفوني .. الا ورا تنورتها صايره تسذا تقولون غسلتها وشمرت لين صارت فوق ركبتها وقبل السر بشوي خخخخخخخ
امل : خلك من التنوره الا طالعي ذا الذنب الي لابسته كنه ذنب قطوه .. وين اهلها عنها مايقولون لها شي
سوسو : ماتلاحظون ان مافيه احد اخذ عباياتنا ولا حنا الوحيدين الي جايين بعبي في هالحفله !!
ليلو : اشووووف البنات ينزلون من سياراتهم بدون عبايات ، بعذر البودي قارد الي عند الباب قعد سنه يدقق في اشكالنا قبل لايدخلنا .. شاف ذا العبايات وقال اكيد عيال متنكرين يبون يدخلون !!
ندى : وين الدبليو سي بنات ...؟
سوسو : اوووف والله ندى مهيب هينه تحتسي لغات
وش تبين فيه انا ماقلت لتك تسوين شغلك بالبيت !! ولا ناويه تفضحينا
امل : ثاني مره اسألي عن الباث روم ولا ارفعي اصبعك وحنا نفهمك
** وفي الـ WC **
ليلو : بنات من ذي ؟
ريم : اتركي عنك اللقافه هذي وحدتن متضايقه من نفسها مغير تطير حواجبها في المرايه
امل : وشذااااااا عمى ..الحقوووو يابنات ... البنت قامت ترقم
ريم : ليه شايفتها جدتك بعرس في ديرتكم خخخخخخخ
ليلو : هذي ياقراوى حرررركات ذي مسوي روحها معجبه فيك ياريم عشان كذا قامت تتميلح قدامك وتحاول ترمي الرقم
سوسو: هاه ياهيوني كل ذا دبليو سي بوش الابن
امل : ندى اخلصي ولا جاز لك وماتبين تطلعين ؟ حنا جايين هنا عشان نحتريك فيذا
ندى : هاه خلصت .. مشينا
الصاله مظلمه ،الاضائه خفيفه وملونه ، والديكور على شكل ادغال وغابات، الاغاني عاليه و مزعجه بشكل عنيف .. البنات مجتمعين بوسط الحلبه ( يتكسرون ) و( يستنزلون ) من كثر اندماجهم بالرقص .. وشوفت الملابس ورقص البنات بشكل متقارب .. خلا بوهة بنات اليوم تطير ولا تعرف توقع .. وضاعت الخطط المتفقين عليها .
امل : وشذااااا .... يمه ...... يمه ....... سموا لايدخلكم سكني .... وشذا الظلمه؟!
سوسو :هاااااو امداهم قضوا ؟ ليه مطفين النور ؟؟
ندى : لحوووول ذا الخبله ليتنا ماجبناها شكلها والله بتفضحنا .. اقول مادام السواق برا خليه يرجعك
ريم : يابنات امسكو اعصابكم واسمعوا .. شكلنا بالجنقل لاند
سوسو : وش جاب الجنقل لاند بالرياض ... لاحنا بكيب تاون الظاهر
ليلو : احسن شي القراوى مايحضرون حفلات .. يقعدون يتعشون مندي ويشربون لبن ويرقدون في بيوتهم ... ذا الديكور الله يسلمكم على شكل ادغال
ندى : وش جاب طاري المندي !! ااااخ يالقهر عندي فستان جلد نمر يهبل ليتني لابسته كان صرت طقم مع الديكور
ليلو : لاحمار وحشي احسن ، ناويه تفشلينا انتي ، شفتي احد هنا لابس فستان ؟
كلهم تنانير شامره وشورتات وفنايل مشققه من كل مكان ماتستر شي !!
ريم : اجل ليتني لابسه لبس ولد اخوي بالتمهيدي مقرش ومقرش مادريت انهم كلهم لابسين لبس حيوانات
سوسو : اقول ريم وش جايبها ؟
امل : سمبا .. قصدي ريم .. البنات وش يدورون ؟ وش ضايع لهم مغير يخترشون في هالظلمه
ريم : شكل طايح لهم ريال ويدورون عليه خخخخخخخخ
ليلو : الحين يشغلون اللمبات الخافته لاتفضحونا
ريم : تدرون شكلنا احلى البنات في الدي جي ( يازين الثقه ) ليت امي تجي تشوف والله ان شعري اطول شعر هنا وكل الي هنا مقلدين قصة بيتسهام لاعب نادي النجمه
امل : اخاف معهم قشرة في روسهم وقالوا نحلق شعورنا ونفتك كود انها تخف شوي خخخخخخخخخ
ندى : طالعي هذي من جت والجوال باذنها ولاصقه بالجدار شكلها تترجى في ابوها يخليها تقعد شوي
ريم : كثري منها .. ابوها .. خخخخخخخخ
سوسو : ياحبكم للحش يمكن تكلم الماما تقولها ماراح اتاخر تعرفون الامهات هالايام قلق ×قلق
ريم : كثري منها انتي الثانيه ... قالت امها خخخخخخخخ
ما احب احتسي في الناس ولا اجيب طاريهم بس هذي حرمة اعمال شغل نظيف × نظيف ( نظافه تسحر ) توفق راسين بس بديكور جديد
سوسو : وين ليلو اختفت ؟ لاتصير ضاعت بس .. همن وش يفكنا من امها
امل :ياريم تراها امانه في رقبتك روحي دوريها
ريم : وين ابلقاها فيه الحين وسط ذا الناس الي تكافخ هنا .. حشى مهوب رقص ذا والله مابعد بعت عمري عشان امر في وسطهم ثمن يرجفوني والا انا رايحتن فيها مع هالخرشه الي يخترشونها
ندى : الحقووووو يابنات مهيب ذيك هي ... طالعوا ليلو واقفه مع ولد .. ولد !!!!
الخالق الناطق .. معقول عازمينه فيذا ؟! لا مستحيل طيب شلون دخلوه !! انا قايلة لكم محناب في الرياض
ريم : البسوا عبيكم يابنات الدعوه فيها عيال والله مانقعد
امل : اركدي هذي هي جت وجتبه معها ...وش تبي ذي الله يقطع الي ياخذ معه بزران
سوسو : والله الي معها كشخه
ندى : شف .. حنا وين وذي وين
ليلو : بنات سلموا
ريم : مابقى الا هي نسلم
امل : ( قامت تتنافض ومدت يدها مع الربشه)
صاحب الصوت الرخيم : هلا روحي ... كيفكم ؟
ريم : ......... ( طايرتن بوهتها ) .....
امل : احم .. خفي على اصابعي الله يعافيك
صاحب الصوت الرخيم : اوه اسفه عيوني عسى ما عورتك ( تبتسم وتطالع بنظرات غريبه )
سوسو : ( لصقت في ريم ) والله ما اسلم
صاحب الصوت الرخيم : اجل اخليكم تندمجون في الحفله ( تغمز ) ... باي
ندى : ليلو ووجع من ذا الي جايبته لنا انتي ووجهك
ليلو : الله يفشلكم يالمشفح هذي لينا الي في الجامعه معقول ماعرفتوها
ريم : ( لاتزال بوهتها طايره ) ليلوه ماقلت لك انك بزره على هالمشاوير وعقلك مايستوعبها مالقيتي في الدجه كلها الا ذي
ليلو : والله هي الي نادتني عشان نرقص
ريم : هي تبدا كذا ..بعدين تنتهي بـ( *** ) انتبهي على نفسك ولا رجعتك البيت
ليلو : من زينك انتي وهالفياغرا الي برا .. شاحذتها من ابوك اسبوع واخرتها سرقتيها منه وهو مسافر
ريم : لا ياللي ابوك مايطلعك الا بالرولز.. قومي ضفي وجهك ولا تحركين من جنبي
ليلو : ريم انتي شاربه شي ؟؟ شلون اضف وجهي ولا اتحرك من جنبك !!
ريم : اقول اجلسي فيذا هذي مانقدر عليها البنيه مسترجله تطق حديد وتبل ريقها على باور هورس و12 بيضه وتختم بايس شراب الطاقه ( مقابل الدعايات ) يكفي اني عاصبه راسي من هالمسجل الي يخترش وهالقرقعه والاشرطه المضروبه الي شكلهم شارينها من البطحا
ندى : هذي سي ديهات مسوينها مخصوص مكس
ريم : فكس ؟؟ ايه والله اني ابي فكس احطه على راسي كوده يخف شوي
سوسو : ريم هذي مكس ريكي اقليسيس على انريكه مارتن و جنفر ديون على شكيره لوبيز وحسين الجسمي ( ياشين الي يتفسلف :confused
ريم : ما اقول الا الله يرحم ايام زبيده وفرقة الشاطئ على الاقل كنا نعرف وش يقولون
ليلو : ياناس حنا جايين ننبسط ولا نتنكد ... خلاص فكونا
امل : وشذاااا القرف ... ريم طالعي اشكال البنات وهم يرقصون كأن ماسكهم كهرب
ريم : بلا والله من هالاغاني الي ترج الراس وربي ساعه زياده ونصير من الصم
امل: وشذا حنا داخلين مصلخ .. وشذا التمصلخ وين حنا فيه بعدين وراهم لازقين في بعض كذا .. من ضيق المكان الحين!!
ريم : شوفي ذي الله يشفيها شكل معها صرع قامت تتنافض
سوسو:خخخخخخخ الحمدلله والله ان دمك خفيف هذي اخر موديل لرقصة عطيات في الفيلم العالمي الحاصل على الاوسكار سيف ذا لاست دانس بطولة محمود يس وستيفن سبيلبيرغ وش اسوي فيكم معدومات الثقافه ماشفتوه العام في مهرجان كان ؟ ( يازينك ساكته )
ريم : كان؟؟؟ كنها ماره علي في القواعد ؟؟ مهيب هي يم الحوطه ؟؟
سوسو: ريم وش حوطته .. كان في شمال المملكه بالحفر
ريم : عطشت .. ابي شي اشربه
ليلو : بروح اجيب لتس
امل: اقول اهجدي لا اخمك بكف الحين ماصدقنا لقيناك
ندى: يابنات فيني رقص خلوني اوريهم الرقص الي هو مهوب رقصهم
ريم : اقول ارقدي انتي بعد تروحين ترقصين ثمن يجيك شي مثلهم و نبحل فيك
ان رجعتي بيتكم ارقصي لين تقولين بس
امل: صحيح ليه كنا نزعل يوم يقولون علينا ناقصات عقل ودين ؟؟ الحين عرفت اننا فعلنا ناقصات ... خلونا نمشي بس
سوسو : وش نسري الساعه توها 1.55 توهم مابدو الهبال اصلن
ليلو : استنوا ياقراوى فيهم مفاجأه
ندى: وش مفاجأته
ليلو : يقولون بينتخبون احلى وحده في الدي جي ، واشيك لبس ( يعني مقلعه ) وبست دانسر
امل :بست دانسر ؟؟ ذا ينشرب ولا وشو ؟
ريم : الا المفروض يختارون اكثر وحده متستره فيهم مهوب يقلدون مثل الي في ملكات الجمال الي في البسي واقلعي بعدين اقلبي يور فيس ... ومتى انشالله بيعلنونه ؟
ليلو : الساعه ثلاث
امل : ها ها ها ..هذا الرقم غير موجود بالخدمه
ياحبيبتي الي شايفتهم هنا ماوراهن واحدن زي ابوك وابوي اغلبهن ماعند ابوتهن عقال
ندى : وش عقاله !!
ريم : العقال شي اسود يستخدم للزينه ويوضع فوق الراس وله استخدامات تربويه اخرى لايعرفها الا من جربها
سوسو : اقول تبون نمشي مشينا ولا خلونا نقعد زي العالم من يوم جينا وانتو مافيه شين عاجبكم
ندى : ريم طالعي ... عرفتيها ذي ؟؟
ريم : وعووووووه ذي الدبا الهرشا الشرهه الي شبشبها بميتين دولار
سوسو : من الزين ماتغلطين فيها
ليلو : اول مره اشوف شورت مقاس عائلي خخخخخخخخخ والله اني راحمه الشورت
امل : تدرون انها غاثتني تقول ان في امريكا سبع انواع من الفشار ..طيب واذا صار
ريم : لا تسمعكم والله ان تقعد عليكم ولا تشيلها الا تريله ، خلونا نطلع قبل ماتقوم ترقص ثمن تطيح الممكله والفيصليه ونعرف منهو المتسبب في احداث سبتمبر خخخخخ
سوسو : مدري ليه نهنوه عازمتها .. شكلها ناطله وجهها ما انعزمت ( زيكم )
هيوني : حطو رجلكم بس لاتجي وتبربس علينا بسوالف امريكا وشبشبها الي بميتين دولار ماكن سافر الا هي
ليلو : ترى الاسبوع الجاي فيه دي جي
ريم : وش دراك ؟
ليلو : شوفي بنات الـسـ .. والمـ ... يوزعون بطاقات حفلتهم
ريم : من قال انكم بتروحون مره ثانيه بعد هالدجه الي صارت اليوم
يالله قدامي على البيت لي ساعه وانا اسحب فيكم
بنات اليوم كانوا هم الوحيدين الي طالعين هالوقت اما باقي السيارات فكانت لبنات توهم يوصلون لمكان الدي جي او انهم طلعوا من الحفله (مشوار ) وبيرجعون في وقت متأخر!! ... المنظر الخارجي للبوابه كان مزحوم مثل وقت الدخول .. لكن الفرق هذي المره انه كان مليان شباب من مختلف الاشكال والملابس والسيارات !!
امل : هااااااااو وش كل هذااااا .. فيه مباراة يابنات ؟؟
ريم : ماخبرت فيه ملعب حولهم .. ليه ؟
امل : شوفي المشجعين برى وشذا الزحمه
ندى : لا ذولا جايين ياخذون خواتهم
ليلو : لا جايين يقدمون على وظايف سعوده ومايقولون ؟! وش خواتهم .. ذولي بوي فرندز كل واحد جاي على موعد مع الي يعرفها وجالس يحتريها
ريم : وش لقفنا حنا يوم نجي لهالدجه!!!!
روحي شوفي خورشيد وينه تراه زيهم طاق الشماغ الي يشوفه يحسبه سعودي
امل : وين ابلقاه فيه .. شلون بعرفه وسط هالشباب والزحمه ؟
ريم : دوريه تلقينه اطخم واحد فيهم خخخخخخخ
سوسو : شوفيه مغتر بهالفياغرا يغاير فيها الشباب .. والله لو انها سيارته الحين
ندى : من قده لابس ثوب سعودي وكاشخ
خورشيد : ريم ماما وين انتا فيه ليش تاخر بابا بعدين فيه مشكله ماما مشكله انا مافي نوم مافي اكل انا في برد هنا
ريم : لا تعال طقني احسن
امل : شكل وحده رافعه معنوياته .. الله يهديهم مايفرقون بين السواق ولا عمه المهم وش نوع سيارته !!
ريم : خورشيد كم مره اقولك انا مافي ماما .. انزدلع برينق ذا كار كوكلي
خورشيد : اوكي مدام دقيقه في اجي
ندى : تعرفون كم الدقيقه في حسابه ؟؟
سوسو : اقول خلونا نجلس لين يجي
ليلو : وش رايكم بالمره تبسطون بطراطيع عند الباب ... وش الي تجلسون تبون تفشلونا
امل : وش تبينا نسوي يعني نقعد مرتكزين كذا عند البوابه قدام كل هالشباب مغير مطيرين عيونهم فينا بسم الله علينا
ليلو : مالقوا الا انتي مالت عليك يطالعونك انتي وخلاقينك ..كلهم لهم ربع وعارفين من يحترون مهوب على حاجتك
ندى: خلاص انتي وياها من يوم جينا وانت مغير طقاق ماصارت حفله ذي
ريم : يالله هذا خورشيد جا امشوووو .. لاعادت من حفله
** الساعه كانت 2 وقت ما طلعوا ..وماوصلو البنات لبيوتهم الا الساعه 4 من الزحمه **
-اغلاق الستاره –
-نهاية المسرحيه –
حفلات الـ DJ هي الموضه الدارجه هذي الايام بهبل بين البنات .. يمكن كانت موجوده من قبل بس على شكل خفيف ، والي نلاحظه البدع والبلاوي الي تصير في هالحفلات من ملابس وتدخين و استرجال و مواعيد ... و و و الخ واشياء كثيره ماقدرنا نتكلم عنها بالتفصيل
حنا هنا نتكلم عن فئه معينه من هالحفلات وهذا مايعني اننا نشمل لان فيه حفلات DJ يسوونها بنات وتكون محترمه جداً وتحت اشراف اهلهم المباشر .. حنا ننتقد الفئات الثانيه والاشياء الي جبنا لها طاري بشكل عام .
الموضوع .. وان كان الفلفل فيه زايد لكنه واقعي والمواقف مأخوذه من حفلات صارت ومعروفه عند اغلب البنات .
بالمختصر مافيه طريقه ثانيه لاخراج مثل هذي الحفلات ومايصير فيها الا كـ مسرحيه ابطالها بنات ؟!
الحين مابقى قدامك الا حل من ثلاثه
1/ انك تشارك في البطوله زيك زي غيرك
2/ انك تصير متفرج فقط وبمجرد انتهاء المسرحيه ترميها ورا ظهرك
3/ انك تلعب دور المخرج وتعدل في السيناريو
اليوم: الاربعاء
الساعه : 10 وربع صباحاً
المكان : جامعة الملك سعود ، رصيف بوابه خمسه ( شارع التخصصي )
جت وحده من البنات تطامر ومعها كروكي تقول لنا ان فيه حفلة طق طقه وصجه يسمونها بعض الناس الي مسوين فيها عيال نعمه ( دي جي ) وهذا يرجع للناس الي داجين فيها مايدرون وين ربهم حاطهم فيه ، بيسوونها مجموعة بنات .. بكره الخميس وعازمين كل من هب ودب عليها ببطاقات وبدون بطاقات وبما اننا ملاقيف ماقد شفنا خير ولا ندري وش تطلع هالدجه الي عندهم قررنا نروح نحفل معهم ونشم شم اخبارهم ونشوف وش يسوون فيها... وعشان مانتفشل ولا احد يطردنا قلنا بندخل و معنا ترامس القهوة والحلى ( مسوين فيها سنعات ) عشان ماحد يشك فينا اننا من الاقلاع وناوين على الفضايح ، ومن الصبح وحنا نخترش ونخطط شلون بنراقب الاوضاع من كل الجهات وقمنا نوزع الاعمال كل وحده والجبهه الي تستلمها عشان مايفوتنا شي ، وطبعن بعد الطقاق الي صار على الي تركب عند الباب ( سواتهم كل مره ) رحنا للحفله الموعوده وهذي العلوم ( علوم ولا رياضيات ) جبناها لكم عشان تعرفون اننا لي وعدنا بشي وفينا
الموقع عباره عن بيت اقرب ماينقال عنه انه استراحه على ثلاث شوارع بواباتها مفتوحه على الاخر ، زحمه غير طبيعيه، طابور سيارات بدون نهايه ، بنات ينزلون منها بدون عبايات ، حرس او زي مايسمونهم ( بودي قاردات ) في كل مكان ، اضائات صارخه للمكان من برا ، واصوات اغاني تردح مختلطه بصراخ للبنات !!
ريم : سوير وين حنا فيه ؟
ساره او " سوسو" : وش دراني الظاهر طلعنا على الحدود
ريم : هااااو وش حدوده انتي الثانيه الخريطه حقت البيت مهيب معك ؟
امل : لا معي انا والهقوه اننا مضيعين في المكان
ريم : الشرهه مهيب عليكم الشرهه علي الي انا معطتكم وجه وشايلتكم في الونيت حقي
ندى :ايه الي يسمعتس الحين انتي وهالبي ام .. وش ونيته انتي الثانيه هذا وقته خلينا نشوف وين شطح بنا هالسواق
سوسو : ياااااااااربيه ابي ارجع البيت <<-- تمعط في شوشتها من الحره
امل : اقول اركدي لا اصكك كف انتي الثانيه الخريطه ماشين فيها صح ماضيعنا ولاش هذا هو المكان
ريم :اقول جيبي اشوف وش يفهمك انتي في الخرايط اخبرك راسبه في الجغرافيا اصلن
ندى : ايه والله هذا هو البيت ماضيعنا .... وشذا اجل ؟؟ هو صدز الي انا اشوفه ؟
اقول يابنات وحده منكم تقلصني , اااااااي <<-- فلصوها كلهم
في الطريق إلى الـــ WC ..
الدخان مالي المكان ..زحمة بنات داخلين طالعين .. اشكال غريبه .. وملابس اغرب !!
ريم : وشذا الضباب يابنات حشى لندن مهوب بيت ذا
سوسو : واااااااااااو طالعوا يابنات فخفخينا
امل : لاتدخنين .. قصدي لاتدوخين علينا <<-- متأثره بالجو العام
سوسو : والله مروقين شكلنا في مقهى الشلال
ريم : اقول يابنات من ذي الي مرتكزه فيذاك ؟
ليلو : هذي خويتنا راعية العزيمه (نهنوه) ماعرفتيها ؟
امل : نهنوه !! وش صار فيها ورا شكلها كذا ؟ ومن الثنتين الي معها ؟!
سوسو : ذولي البودي قاردز حقاتها يالقرويه
ريم :وش بودي قارداته ياكافي !! ذولا بنات زينا يابنات .. اقول شكل نهنوهه جايبتهم ينتقمون مننا
امل : كلها بسبتك ياريم شوفي العضلات ومير اسكتي ياما هزئتيها وعكرتي لها .. استلمي شكلهن والله بيستفرطون فيتك
ريم : ( دقت اللطمه ) تراكم ماتعرفوني .. الا ورا تنورتها صايره تسذا تقولون غسلتها وشمرت لين صارت فوق ركبتها وقبل السر بشوي خخخخخخخ
امل : خلك من التنوره الا طالعي ذا الذنب الي لابسته كنه ذنب قطوه .. وين اهلها عنها مايقولون لها شي
سوسو : ماتلاحظون ان مافيه احد اخذ عباياتنا ولا حنا الوحيدين الي جايين بعبي في هالحفله !!
ليلو : اشووووف البنات ينزلون من سياراتهم بدون عبايات ، بعذر البودي قارد الي عند الباب قعد سنه يدقق في اشكالنا قبل لايدخلنا .. شاف ذا العبايات وقال اكيد عيال متنكرين يبون يدخلون !!
ندى : وين الدبليو سي بنات ...؟
سوسو : اوووف والله ندى مهيب هينه تحتسي لغات
وش تبين فيه انا ماقلت لتك تسوين شغلك بالبيت !! ولا ناويه تفضحينا
امل : ثاني مره اسألي عن الباث روم ولا ارفعي اصبعك وحنا نفهمك
** وفي الـ WC **
ليلو : بنات من ذي ؟
ريم : اتركي عنك اللقافه هذي وحدتن متضايقه من نفسها مغير تطير حواجبها في المرايه
امل : وشذااااااا عمى ..الحقوووو يابنات ... البنت قامت ترقم
ريم : ليه شايفتها جدتك بعرس في ديرتكم خخخخخخخ
ليلو : هذي ياقراوى حرررركات ذي مسوي روحها معجبه فيك ياريم عشان كذا قامت تتميلح قدامك وتحاول ترمي الرقم
سوسو: هاه ياهيوني كل ذا دبليو سي بوش الابن
امل : ندى اخلصي ولا جاز لك وماتبين تطلعين ؟ حنا جايين هنا عشان نحتريك فيذا
ندى : هاه خلصت .. مشينا
الصاله مظلمه ،الاضائه خفيفه وملونه ، والديكور على شكل ادغال وغابات، الاغاني عاليه و مزعجه بشكل عنيف .. البنات مجتمعين بوسط الحلبه ( يتكسرون ) و( يستنزلون ) من كثر اندماجهم بالرقص .. وشوفت الملابس ورقص البنات بشكل متقارب .. خلا بوهة بنات اليوم تطير ولا تعرف توقع .. وضاعت الخطط المتفقين عليها .
امل : وشذااااا .... يمه ...... يمه ....... سموا لايدخلكم سكني .... وشذا الظلمه؟!
سوسو :هاااااو امداهم قضوا ؟ ليه مطفين النور ؟؟
ندى : لحوووول ذا الخبله ليتنا ماجبناها شكلها والله بتفضحنا .. اقول مادام السواق برا خليه يرجعك
ريم : يابنات امسكو اعصابكم واسمعوا .. شكلنا بالجنقل لاند
سوسو : وش جاب الجنقل لاند بالرياض ... لاحنا بكيب تاون الظاهر
ليلو : احسن شي القراوى مايحضرون حفلات .. يقعدون يتعشون مندي ويشربون لبن ويرقدون في بيوتهم ... ذا الديكور الله يسلمكم على شكل ادغال
ندى : وش جاب طاري المندي !! ااااخ يالقهر عندي فستان جلد نمر يهبل ليتني لابسته كان صرت طقم مع الديكور
ليلو : لاحمار وحشي احسن ، ناويه تفشلينا انتي ، شفتي احد هنا لابس فستان ؟
كلهم تنانير شامره وشورتات وفنايل مشققه من كل مكان ماتستر شي !!
ريم : اجل ليتني لابسه لبس ولد اخوي بالتمهيدي مقرش ومقرش مادريت انهم كلهم لابسين لبس حيوانات
سوسو : اقول ريم وش جايبها ؟
امل : سمبا .. قصدي ريم .. البنات وش يدورون ؟ وش ضايع لهم مغير يخترشون في هالظلمه
ريم : شكل طايح لهم ريال ويدورون عليه خخخخخخخخ
ليلو : الحين يشغلون اللمبات الخافته لاتفضحونا
ريم : تدرون شكلنا احلى البنات في الدي جي ( يازين الثقه ) ليت امي تجي تشوف والله ان شعري اطول شعر هنا وكل الي هنا مقلدين قصة بيتسهام لاعب نادي النجمه
امل : اخاف معهم قشرة في روسهم وقالوا نحلق شعورنا ونفتك كود انها تخف شوي خخخخخخخخخ
ندى : طالعي هذي من جت والجوال باذنها ولاصقه بالجدار شكلها تترجى في ابوها يخليها تقعد شوي
ريم : كثري منها .. ابوها .. خخخخخخخخ
سوسو : ياحبكم للحش يمكن تكلم الماما تقولها ماراح اتاخر تعرفون الامهات هالايام قلق ×قلق
ريم : كثري منها انتي الثانيه ... قالت امها خخخخخخخخ
ما احب احتسي في الناس ولا اجيب طاريهم بس هذي حرمة اعمال شغل نظيف × نظيف ( نظافه تسحر ) توفق راسين بس بديكور جديد
سوسو : وين ليلو اختفت ؟ لاتصير ضاعت بس .. همن وش يفكنا من امها
امل :ياريم تراها امانه في رقبتك روحي دوريها
ريم : وين ابلقاها فيه الحين وسط ذا الناس الي تكافخ هنا .. حشى مهوب رقص ذا والله مابعد بعت عمري عشان امر في وسطهم ثمن يرجفوني والا انا رايحتن فيها مع هالخرشه الي يخترشونها
ندى : الحقووووو يابنات مهيب ذيك هي ... طالعوا ليلو واقفه مع ولد .. ولد !!!!
الخالق الناطق .. معقول عازمينه فيذا ؟! لا مستحيل طيب شلون دخلوه !! انا قايلة لكم محناب في الرياض
ريم : البسوا عبيكم يابنات الدعوه فيها عيال والله مانقعد
امل : اركدي هذي هي جت وجتبه معها ...وش تبي ذي الله يقطع الي ياخذ معه بزران
سوسو : والله الي معها كشخه
ندى : شف .. حنا وين وذي وين
ليلو : بنات سلموا
ريم : مابقى الا هي نسلم
امل : ( قامت تتنافض ومدت يدها مع الربشه)
صاحب الصوت الرخيم : هلا روحي ... كيفكم ؟
ريم : ......... ( طايرتن بوهتها ) .....
امل : احم .. خفي على اصابعي الله يعافيك
صاحب الصوت الرخيم : اوه اسفه عيوني عسى ما عورتك ( تبتسم وتطالع بنظرات غريبه )
سوسو : ( لصقت في ريم ) والله ما اسلم
صاحب الصوت الرخيم : اجل اخليكم تندمجون في الحفله ( تغمز ) ... باي
ندى : ليلو ووجع من ذا الي جايبته لنا انتي ووجهك
ليلو : الله يفشلكم يالمشفح هذي لينا الي في الجامعه معقول ماعرفتوها
ريم : ( لاتزال بوهتها طايره ) ليلوه ماقلت لك انك بزره على هالمشاوير وعقلك مايستوعبها مالقيتي في الدجه كلها الا ذي
ليلو : والله هي الي نادتني عشان نرقص
ريم : هي تبدا كذا ..بعدين تنتهي بـ( *** ) انتبهي على نفسك ولا رجعتك البيت
ليلو : من زينك انتي وهالفياغرا الي برا .. شاحذتها من ابوك اسبوع واخرتها سرقتيها منه وهو مسافر
ريم : لا ياللي ابوك مايطلعك الا بالرولز.. قومي ضفي وجهك ولا تحركين من جنبي
ليلو : ريم انتي شاربه شي ؟؟ شلون اضف وجهي ولا اتحرك من جنبك !!
ريم : اقول اجلسي فيذا هذي مانقدر عليها البنيه مسترجله تطق حديد وتبل ريقها على باور هورس و12 بيضه وتختم بايس شراب الطاقه ( مقابل الدعايات ) يكفي اني عاصبه راسي من هالمسجل الي يخترش وهالقرقعه والاشرطه المضروبه الي شكلهم شارينها من البطحا
ندى : هذي سي ديهات مسوينها مخصوص مكس
ريم : فكس ؟؟ ايه والله اني ابي فكس احطه على راسي كوده يخف شوي
سوسو : ريم هذي مكس ريكي اقليسيس على انريكه مارتن و جنفر ديون على شكيره لوبيز وحسين الجسمي ( ياشين الي يتفسلف :confused
ريم : ما اقول الا الله يرحم ايام زبيده وفرقة الشاطئ على الاقل كنا نعرف وش يقولون
ليلو : ياناس حنا جايين ننبسط ولا نتنكد ... خلاص فكونا
امل : وشذاااا القرف ... ريم طالعي اشكال البنات وهم يرقصون كأن ماسكهم كهرب
ريم : بلا والله من هالاغاني الي ترج الراس وربي ساعه زياده ونصير من الصم
امل: وشذا حنا داخلين مصلخ .. وشذا التمصلخ وين حنا فيه بعدين وراهم لازقين في بعض كذا .. من ضيق المكان الحين!!
ريم : شوفي ذي الله يشفيها شكل معها صرع قامت تتنافض
سوسو:خخخخخخخ الحمدلله والله ان دمك خفيف هذي اخر موديل لرقصة عطيات في الفيلم العالمي الحاصل على الاوسكار سيف ذا لاست دانس بطولة محمود يس وستيفن سبيلبيرغ وش اسوي فيكم معدومات الثقافه ماشفتوه العام في مهرجان كان ؟ ( يازينك ساكته )
ريم : كان؟؟؟ كنها ماره علي في القواعد ؟؟ مهيب هي يم الحوطه ؟؟
سوسو: ريم وش حوطته .. كان في شمال المملكه بالحفر
ريم : عطشت .. ابي شي اشربه
ليلو : بروح اجيب لتس
امل: اقول اهجدي لا اخمك بكف الحين ماصدقنا لقيناك
ندى: يابنات فيني رقص خلوني اوريهم الرقص الي هو مهوب رقصهم
ريم : اقول ارقدي انتي بعد تروحين ترقصين ثمن يجيك شي مثلهم و نبحل فيك
ان رجعتي بيتكم ارقصي لين تقولين بس
امل: صحيح ليه كنا نزعل يوم يقولون علينا ناقصات عقل ودين ؟؟ الحين عرفت اننا فعلنا ناقصات ... خلونا نمشي بس
سوسو : وش نسري الساعه توها 1.55 توهم مابدو الهبال اصلن
ليلو : استنوا ياقراوى فيهم مفاجأه
ندى: وش مفاجأته
ليلو : يقولون بينتخبون احلى وحده في الدي جي ، واشيك لبس ( يعني مقلعه ) وبست دانسر
امل :بست دانسر ؟؟ ذا ينشرب ولا وشو ؟
ريم : الا المفروض يختارون اكثر وحده متستره فيهم مهوب يقلدون مثل الي في ملكات الجمال الي في البسي واقلعي بعدين اقلبي يور فيس ... ومتى انشالله بيعلنونه ؟
ليلو : الساعه ثلاث
امل : ها ها ها ..هذا الرقم غير موجود بالخدمه
ياحبيبتي الي شايفتهم هنا ماوراهن واحدن زي ابوك وابوي اغلبهن ماعند ابوتهن عقال
ندى : وش عقاله !!
ريم : العقال شي اسود يستخدم للزينه ويوضع فوق الراس وله استخدامات تربويه اخرى لايعرفها الا من جربها
سوسو : اقول تبون نمشي مشينا ولا خلونا نقعد زي العالم من يوم جينا وانتو مافيه شين عاجبكم
ندى : ريم طالعي ... عرفتيها ذي ؟؟
ريم : وعووووووه ذي الدبا الهرشا الشرهه الي شبشبها بميتين دولار
سوسو : من الزين ماتغلطين فيها
ليلو : اول مره اشوف شورت مقاس عائلي خخخخخخخخخ والله اني راحمه الشورت
امل : تدرون انها غاثتني تقول ان في امريكا سبع انواع من الفشار ..طيب واذا صار
ريم : لا تسمعكم والله ان تقعد عليكم ولا تشيلها الا تريله ، خلونا نطلع قبل ماتقوم ترقص ثمن تطيح الممكله والفيصليه ونعرف منهو المتسبب في احداث سبتمبر خخخخخ
سوسو : مدري ليه نهنوه عازمتها .. شكلها ناطله وجهها ما انعزمت ( زيكم )
هيوني : حطو رجلكم بس لاتجي وتبربس علينا بسوالف امريكا وشبشبها الي بميتين دولار ماكن سافر الا هي
ليلو : ترى الاسبوع الجاي فيه دي جي
ريم : وش دراك ؟
ليلو : شوفي بنات الـسـ .. والمـ ... يوزعون بطاقات حفلتهم
ريم : من قال انكم بتروحون مره ثانيه بعد هالدجه الي صارت اليوم
يالله قدامي على البيت لي ساعه وانا اسحب فيكم
بنات اليوم كانوا هم الوحيدين الي طالعين هالوقت اما باقي السيارات فكانت لبنات توهم يوصلون لمكان الدي جي او انهم طلعوا من الحفله (مشوار ) وبيرجعون في وقت متأخر!! ... المنظر الخارجي للبوابه كان مزحوم مثل وقت الدخول .. لكن الفرق هذي المره انه كان مليان شباب من مختلف الاشكال والملابس والسيارات !!
امل : هااااااااو وش كل هذااااا .. فيه مباراة يابنات ؟؟
ريم : ماخبرت فيه ملعب حولهم .. ليه ؟
امل : شوفي المشجعين برى وشذا الزحمه
ندى : لا ذولا جايين ياخذون خواتهم
ليلو : لا جايين يقدمون على وظايف سعوده ومايقولون ؟! وش خواتهم .. ذولي بوي فرندز كل واحد جاي على موعد مع الي يعرفها وجالس يحتريها
ريم : وش لقفنا حنا يوم نجي لهالدجه!!!!
روحي شوفي خورشيد وينه تراه زيهم طاق الشماغ الي يشوفه يحسبه سعودي
امل : وين ابلقاه فيه .. شلون بعرفه وسط هالشباب والزحمه ؟
ريم : دوريه تلقينه اطخم واحد فيهم خخخخخخخ
سوسو : شوفيه مغتر بهالفياغرا يغاير فيها الشباب .. والله لو انها سيارته الحين
ندى : من قده لابس ثوب سعودي وكاشخ
خورشيد : ريم ماما وين انتا فيه ليش تاخر بابا بعدين فيه مشكله ماما مشكله انا مافي نوم مافي اكل انا في برد هنا
ريم : لا تعال طقني احسن
امل : شكل وحده رافعه معنوياته .. الله يهديهم مايفرقون بين السواق ولا عمه المهم وش نوع سيارته !!
ريم : خورشيد كم مره اقولك انا مافي ماما .. انزدلع برينق ذا كار كوكلي
خورشيد : اوكي مدام دقيقه في اجي
ندى : تعرفون كم الدقيقه في حسابه ؟؟
سوسو : اقول خلونا نجلس لين يجي
ليلو : وش رايكم بالمره تبسطون بطراطيع عند الباب ... وش الي تجلسون تبون تفشلونا
امل : وش تبينا نسوي يعني نقعد مرتكزين كذا عند البوابه قدام كل هالشباب مغير مطيرين عيونهم فينا بسم الله علينا
ليلو : مالقوا الا انتي مالت عليك يطالعونك انتي وخلاقينك ..كلهم لهم ربع وعارفين من يحترون مهوب على حاجتك
ندى: خلاص انتي وياها من يوم جينا وانت مغير طقاق ماصارت حفله ذي
ريم : يالله هذا خورشيد جا امشوووو .. لاعادت من حفله
** الساعه كانت 2 وقت ما طلعوا ..وماوصلو البنات لبيوتهم الا الساعه 4 من الزحمه **
-اغلاق الستاره –
-نهاية المسرحيه –
حفلات الـ DJ هي الموضه الدارجه هذي الايام بهبل بين البنات .. يمكن كانت موجوده من قبل بس على شكل خفيف ، والي نلاحظه البدع والبلاوي الي تصير في هالحفلات من ملابس وتدخين و استرجال و مواعيد ... و و و الخ واشياء كثيره ماقدرنا نتكلم عنها بالتفصيل
حنا هنا نتكلم عن فئه معينه من هالحفلات وهذا مايعني اننا نشمل لان فيه حفلات DJ يسوونها بنات وتكون محترمه جداً وتحت اشراف اهلهم المباشر .. حنا ننتقد الفئات الثانيه والاشياء الي جبنا لها طاري بشكل عام .
الموضوع .. وان كان الفلفل فيه زايد لكنه واقعي والمواقف مأخوذه من حفلات صارت ومعروفه عند اغلب البنات .
بالمختصر مافيه طريقه ثانيه لاخراج مثل هذي الحفلات ومايصير فيها الا كـ مسرحيه ابطالها بنات ؟!
الحين مابقى قدامك الا حل من ثلاثه
1/ انك تشارك في البطوله زيك زي غيرك
2/ انك تصير متفرج فقط وبمجرد انتهاء المسرحيه ترميها ورا ظهرك
3/ انك تلعب دور المخرج وتعدل في السيناريو