بــراءتــنا بــيــن جــيــل الأمــس والـيــوم

[فارس حزن]

رجع أخوي من المدرسة ونسيت والدتي أعطاءه المصروف (الخرجية) وسألته يعني ما فطرت اليوم قال فطرت، قلت له كيف قال تسلفت (ريال) من ولد فلان.
فعندها تذكر لما كنا صغار نتسلف ريال ونعتبره دين علينا كبير.

وتذكرت لما نبغى ما نكلم شخص نجيب يده ونتخاصم معاه بالاصبع الاصبع من اليد اليمنى من اليسار وهو البنصر اذا مو انا غلطان في تسمية الصبع، واذا بغينا نتكلم معاه نجيب الصبع الثاني من اليد من جهة اليسار وهو السبابه وبهذا يحدث الصلح.

وش رايكم في مثل هذه براءة 00 أدعوكم لذكر بعض المواقف الأولية من براءة الطفولة والسجية في تصرفات الجيل السابق.

وأتمنى الفكرة عجبتكم 000 مع أفضل تحية
فارس حزن

[قطرات الندى]

السلام عليكم ورحمة الله وبركاته

اخي العزيز / فارس حزن

مشكور على الموضوع الجميل بصراحه

الله يعطيك

صحيح احنااا متبرين من جيل امس واليوم

الله يجازيك


مشكور حيوه

سلملم

[فارس حزن]

مشكور أخوي المبدع/قطرات الندى
على ان الموضوع عجبك

بس شكله ما عجب الأعضاء :confused:

مع أفضل تحية
فارس حزن

[..صاحبة السمو..]

تحياتي لك يا فارس بس ذكرتنا أيام ابتدائي:)

رجعتنا 6 سنوات ورى.. كيف يالله أيام ولا أحلى

وضحكت من قلب على طريقة التخاصم هذي:D

لأني مجربتها مره في ثالث ابتدائي.. سوالف يهال طبعا

ُ..بس بقول أخ فارس ترى الصبع للتخاصم هو الخنصر :rolleyes:

صاحبة السمو

[فارس حزن]

فعلا أختي صاحبة السمو الموقف هذا جلست ايام زمان
لما كنت صغيرون :D
وكيف براءتنا والسجية اللي كنا نعيش فيها

ويا ليت الأعضاء يذكروا لينا مواقف البراءة في الصغر

مع أفضل تحية
فارس حزن

[عنابه]

السلام عليكم ورحمة الله وبركاته
اخ فارس حزن ذكرتنا بل لذي مضىء
ههههههههههههههههههههههههههههه
مواقف الطفوله حلوه
اذكر مره كنت متزاعله مع نسيبتي وكنت بعدني ماعرف كيف نتخاصم او كيف نتراضى
ما شفتها لا ما سكه صبعي وعلى قولتها تزعلنا هههههههههههههه وبعدين قالت لي كذا يعني ما تكلميني ولا كلمه :D ولمه راضيتهااخد يدك وحطت صبعها على صبعي ههههههههههههههههه وبعدين ولا كانه صاير شيء والله حركاااااااااات:D

[الأيــــام]

فارس حزن ...
عزيزي تبي تعرف براءة طفولتي
ولكن اصدقني!!!

أنا يا عزيزي كنت شري في صغري
فلازم أضرب هذا وكسر ذاك وخاصة
إللي اشطر مني في الصف .
الغريب في الأمر ان أغلبهم يصبحـوا
بعـد وجبـات الضـرب أعـز الأصدقــاء
طبعا بعد ما يعاهدوني بالمساعـدة إذا
بغيت شيء .
شفـت إشلــون انا طــيب وحبــوب .
الله يخليهم ويحفظهم ،،،


أخوك
الأيام

[شروفه]

والله اني يوم اني صغيره كله ألعب ويا الصبيان :D كنا أذكر نروح البستان ونصيد حراسين :D والي يصيد أكثر هو الفائز ونحطهم في أغراش وتتلخبط أغراشنا ويالله تقوم الحرب كل واحد يقول هذي حقته وبعدين أني احسم المسأله باعتباري الزعيمه :D
واخد اني الغرشه الي فيها اكثر والباقي ارميه :mobakek: وبعدين كلهم يخاصموني
((( أحب أبين نقطة : كنا الاول نلعب ويا الصبيان بكل براءه علي الرغم أنهم غريبين عنا عكس اليوم الي حتي ماتامني تخلي أخو ويا أخت لحالهم ))) مو تاخدوني عني فكره مو حليوه باعتباري ألعب ايا الصبيان تيل :D :D:D
عن جد خليتني أبكي أخي فارس حزن لاني أحب طفولتي بشكل كبير :(:(

[فارس حزن]

أختي عنابة أشكر لك مشاركتك والحمد لله الموضوع لقى القبول لديك.[HR]
أخوي الأيام طلعت منت سهل 00 طلعت راعيها يعني.[HR]

أختي شروفه ما شاء الله عليك ذكرتي موقف جداً جميل وكنا فعلاً نروح العين ونصيد الحراسين :D.
أما في ذكرك للصبيان فاللي بياخذ على كلامك يأخذ دام واثقة من حالك 00 نعم السنوات السابقة جداً الاطفال بجميع اجناسهم يلعبون مع بعض في سن معينة ولا زالو حتى يومنا ولكن يجب ايقافه في سن معينة.

بس فعلاً ذكرتينا بالعين بس بقول لكم ذكرتينا بويش بعد 00[HR]

تذكروني يا شباب بالعناقيش طبعا البنات ما يعرفوهم العناقيش هذولا حشرات في الارض ايام (المساقي :D - المجاري حالياً :p) وهذول العناقيش يصيدوا بهم لطيور بواسطة (الفخ) مثل اللي تصيد الفيران بس تختلف :confused:.
اعرف زالت جبدك :confused::ظروس باين

اشوف الموضوع احلو نبي بعد مشاركات :rolleyes:[HR]
مع أفضل تحية
فارس حزن

[عنابه]

هههههههههههههههههههههه غربلك الله فارس حزن
دكرتني كانت عندي علبه من زجاج اجمع فيها العناقيش وامي كانت تموت من الخوف منهم ههههههههههههههههههه شروفه حتى اني كنت العب مع الصبيان كانت طفوله برأيه مو مثل االحين ذكرت مو قف كنت اصيد ضفادع ونجمعهم في كيس وروح على طرف الشارع ونتركهم يتسابقوا وتجي السيارات ودوس عليهم تفشخم مساكين
والله طفوله مليانه مشاغبات وحركات هههههههههههههه;)

[شروفه]

:D:D:D
يوم أني صغير أحب أتسلق حتي كانو يسموني القرده :D مره ركبت صدح بيتنا واشلبيت علي الطوف واني متعوده وكان ويايي أخوي الصغير مسكين علي عمري وتورط مايعرف يتشلبا وقام يصيح ويصيح واني ميته عليه من الضحك وجاءت أمي وتسحرقت فيي وحاولت تخليه ينزل ماهو عارف ميت من الصياح واني رايحه جايي وامي تقول لا تطحي :D:D ومن كثر ماأحب أتشلبي مره في المدرسة تسالني المعلمة وش معناة اتسلق قلت ليها أتشلبى ( ههههههههههههههه) :D

[عنابه]

ههههههههههههههههههههههه غربلش الله شروفه
اني كنت احب اركب القضب زي احنا ما نسميه كلام تراثه هذا اتح لوز :Dههههههههههههههههههههههههههه والله مسخره حركات الول مره كنت راكبه على القضب كان تطلع لي وزغه ونطيت من فوق على الخزان ههههههههههههه :D
ترى اني مو مشاغبه واجد بس حركيه نوعا ما;)

[زهرة الحب]

مشكور اخي فارس على موضوع الرائع

شروفة وعنابه غربلكم الله :confused:

[فارس حزن]

فقدت الأمل في مشاركة أحد في هذا الموضوع لما ظل الموضوع يوم او اقل ما احد رد عليه 00 ولكن أرى له بعض الحماس من قبل الاخت عنابة والأخت شروفه فشكراً لكما 00 وأتمنى لا يخرج أحد الأعضاء القادمين عن مسار الموضوع..

واشكرك أختي زهرة الحب على أنه الموضوع نال القبول لديك..

مع أفضل تحية
فارس حزن

[باب العين]

السلام عليكم ورحمة الله وبركاته.

أشكركم أيها الأبناء الأعزاء ، يامن لا أشك في حبكم وولائكم والدليل هو دعمكم لهذا المنتدى بالرغم من غياب المشرف عنكم ، وأتمنى لو تنتخبوا مشرفا آخر يشرفكم .

لا أزال أعتذر لكم بسبب شغلي ، ولا أخفي عليكم ففي الثلاثة الأشهر الأخيرة صارت عندي دراسة من قبل العمل وهو من الساعة السابعة حتى الثالثة والنصف ، بالاضافة الى الساعة الأولى من الصباح والساعة الأخيرة من الدوام وهاتين الساعتين أقضيها في الطريق.

ما شاء الله عليكم كلكم متميزون بمواضيعكم وهذا فارس حزن المتألق يواصل مع خوفه وحذره.

أشاركم في هذا الموضوع من مذكرات الصبا .

مرة من المرات ، طفشني أخويي اللي أصغر مني ، گمت من القهر وضربته ، واخويي من واحد يضربه خلاص ما يهدّه ، گمت أنا أركض وهو ورايي ، يعني من صادني بيعضني وبيگور لحمي ، وصرت أركض وهو يصرخ وأنا أضحك هو عوره بطنه من الصريخ وانا عورني بطني من الضحك ، آخر شي وگفت عن الضحك وطفته في زرانيگ الديرة لزين طفت ساباط بيتنا ودشيت دار الظلمية وهذي الدار خرابة ومهجورة والكل يخاف يدش فيها حتى أنا أخاف بس خوفي من أخويي خلاني أدش فيها ، وأشوى هو ما شافني يوم أدش وطاف وراح البيت وهو بصريخه وانا ما نا گادر أجود نفسي من الضحك، مع اني خايف حدي من ديك الظلمية .

هو من دش البيت أنا تنفست الصعداء وطلعت من ديك الدار الغبرة وهجيت على الطريق.

[فارس حزن]

شرفني تواجدك أخوي المشرف باب العين اتاريك طلعت منت سهل بعد 00 تضرب اخوك ليه :mad::D.

وأشكرك للمشاركة والإطراء من قبلكم 00

مع أفضل تحية
فارس حزن

[محررة أبجد]

ما فى احلى من برائة الطفوله.....كنت مره شيطانه فى صغرى وكنت احب اللوز
وبيت جيرانا عندهم قضب{شجرة اللوز}
اجلس من الصبح قبل ما اروح المدرسه واتعلق على الجدار واقطعه واكله بدون ما اغسله..وبسرعه انزل قبل ما احد يشوفى.....:D

واذكر اول سنه لبست العبايه..كنت فى ثالث ابتدائى

وبعد الهده {الطلعه من المدرسه}وصلت البيت وقالت لى امى وين العبايه....؟؟؟؟؟
اوه..نسيتها فى درج الطاوله فى الفصل
ورجعت المدرسه ولا ادا هى سكرت مافى الا الحارس قلت له عباتى فى الفصل...رفع عصاته وقال يالله روح بيتكوم....وش ليها بعد حاجه عباتش الحين ...خليها لبكره.....وضليت هذاك اليوم ...مضايقه الى بكره..ولما رحت المدرسه....اول شىء رحت اركض الفصل وحضنت عباتى...:D


هديــــــــــــــل

[فارس حزن]

ومن قال لش تنسي عباتش ها :mad::D

يا حلو البراءة 00 اختي هديل وكثير يتمنى انها تعود
لأنها لا تحمل النفاق ولا الرياء وعفوية جداً


وين اللي عنده براءة الطفولة يجي نشوفها :rolleyes:;)

مع أفضل تحية
فارس حزن

[معاني]

اني من يوم اني صغيرة كنت العب تيل مع اخواني لاني ما فيه غيري بنت في البيت وساعات تجي صديقاتي يقولو لي و ش فيش انتين صبيوة تلعبي تيل :D
تعرفو ليش لاني لعبتها حتى سادس ابتدائي :D

وش رايكم بنات نلعب تيل :rolleyes:

مشكور اخوي فارس حزن على مواضيعك القيمة

تحياتي
معاني

[شروفه]

مشاء الله عليش يا معاني زيي مافي بنت الا اني في بيتنا وصرحت عن جد صبيو اللعب كوره وتيل غير النخله اذا نتمرجح عليها وغيرها وغيرها ....

يالله يالله :(:( والله صيحتوني ماني ماني أبغا ارجع جاهله :mobakek:

[عنابه]

على فكره خواتي اني بعد البنت الوحيده بين اصبيان وكنت اصبيوه بعد :D
واعرف العب تيل وبعد الدوامه وبعد اسوق سيكل وكنت كل البس دراعه الهي ثوب ما حب البس البنات:D حركات ايام الطفوله ياليت ارجع صغير ;)

[فارس حزن]

الأخت معاني كم جميل هي البراءة
وأشكرك لدخول صفحتي 00

الأخت شروفه وعنابة
اشرك لكم التواصل منكم
وأشكر روح الشافية التامة
لديكم 00

وأتمنى مشاركة بقية الأعضاء 00
فارس حزن

[باب العين]

السلام عليكم ورحمة الله وبركاته.

اخدوا هادي السالفة من زمن النخايل وبالضبط من نخل سودة اللي بعدني للحين متأسف عليها وعلى لوزها السكندري . يا ما آذينا بيت من جمعان الله يسامحنا مفل ما سامحونا .

طلعنا يوم من الايام چف صبيان ، ويش ورانا ؟ صنفنا نطيح لنخيل الميتين اللي ما فيهم روس ، وكل مرة يصير على واحد يركب النخلة الى گريب راسها ويربط لحبال وينزل ويسحب ويانا على شان نطيح النخلة .

وفي واحد من للي ويانا سوينا فيه مقلب ، فمن بعد ماركب النخلة وربط لحبال ما حارسناه ينزل لا لا---

سحبنا لحبال گبل لا ينزل ورمينا النخلة وهو فوگها في الكدير وداك الكدير مشحون سلالي ، ولا طلع الا هو متنتف مسكين .

ها ويش رايك يا فارس حزن ؟؟

[miss ward]

السلام عليكم ورحمة الله وبركاته
اذكر يوم كنا اصغار اني وثنتين من بنات خالتي كنا اروح الديره اظن كلكم تعرفونها
كنا انسوي روحنا اكتشافييين كنا انحب نكتشف التراث الي في الديره نركب فوق البيوت المهد مه (الخرابه) وروح قصر تاروت بس انخاااااف اروح بدون اذن احد لان هم مايرضون يقولون بعدكم اصغارر لا تروحون كانو يخوفونا باشياء ما ليها وجود في الحياه اصلا نتمنى زمان اول يعود لحظه من الوقت
لاكن حسافه كنا نتمنى لو لحقنا على العين العوده كنا اصغااااااااار واجد
بس نسمع امهاتنا يتكلمون عنها شكلها كانت تحمل كل طفولتهم

[أم حُسين]

مرحبا جميع.. انا قريت هالموضوع من زمان و الله يا خوك قعدت أعصر هالمخ ابغى اتضكر سويلفة من زمان لول.. و لول تحول.. لين يت هالسالفة على بالي..

مرة في العيد يوم كنت ياهلة محراة عمري 6 أو 5 سنين حصلت عيدية عودة (50) و الله وكيلكم من زود فرحتي بالخمسين مت من الفرح و طاوعت عمتي يوم قالت لي نامي من وقت..و لكن من الغبشة قعدت و رحت نبهتها :
ريمي: عماه يبي خمسيني ابغاها
عمتي: يو..ولا ويش تبغيها؟
ريمي : ما عليش أبغاها..
المهم و راحت تدور على مفتاح الكبت و لا حصلته و طلعت من مكينتها خمسين و عطتني وياها..
يوم شفتها يديدة تتقرطع مو مفل خمسيني العتيقة المتهرهرة صرخت و صحت و حزنت- على قولة عمتي - حزن عجم- لأني ما ابغى إلا الخمسين الي حصلتها..:D

[شوق العيون]

اتذكر في العطلة الكبيره

كنا نسهر لصبح ونطلع برى البيت ونلعب لعب
ونزعج العالم مع بنات خالتي واخواني

هههههههه والله ما اتذكر الا ذاك الموقف يوم تطلع أمي معصبه حدها

وتطلع لينا بعصا خشب من الصبح :D...هذا تهديد بس

يما حصلنا تلطيخ من رباشتنا بس كانت احلى ايام كانت ايام براءة

ليتها تعود ;)

[عنابه]

ههههههههههههههه من ايام الطفوله
كان في مزرعة ابوي العود حمار ويوم اخوي قال خلنا نروح نركب عليه
وحنا ما صدقنا خبر استنينه ابوي العود ينام ورحنا بسكته الى الزريبه
ومسكين ذالك الحمار واحد يضرب واحد يشدخ واحد راكب عليه
وتالي قال اخوي نسوي تحدي من الي يزحف من تحت بطنه
طبعا اني خفت 00 ابن عمي اجتاز التجربه
ولمه صار دور اخوي كان توه يزحف كان لحمار يرفع ارجوله ويدوس عليه
ههههههههههههههههههه والله انتقم منه الحمار;)
وابوي العود بعد انتقم منا وحصنا الينا ذيك الضربات
حركات هههههههههه;)

[فارس حزن]

بمن أبدء ومن أنتهي أحترت مشرف يشاركني مرتين
<<< بصدق روحه
أخوي باب العين انت كلك حركات في مشاركاتك بس عاد سلالي
أنا رحت البر قبل محرم وجلست السلالي في يدي لمدة سبوع
لأنه جدبنا ( يعني قطع النخيل من رأسها واستخراج ما بداخله)
وتعرف انت الجدب وما يسوي.
<<< يسوي روحه يجدب وهو بس حده يشيل كربه:D.

المكتشفة الوردة الصغيرة انتبهي ترى فيه قسم تراث في الجامعة لا يسمعو فيك ويسجلوك وياهم بس حلوة البراءة ;).

الأخت ريمي غنية من صغرها ما شاء الله عليها
بس عاد عتيقة او جديدة عاد هذي نكته عليك
وين عاد ننساها حتى لو موضوع جدي بقول لك
الموضوع تبيه جديد او عتيق.

الأخت شوق العيون بس انا ابي اعرف وش صاير في
العصاية والا انتي لو تتبلحي من هنا لين الصبح ما لنا
شغل :D .

الأخت عنابة نصابة نصبت على أخوها وخلت لحمار
ابن لحمار يدوس على اخوها :D

حلوة براءتنا يا ليت تعود
فارس حزن يشكر كل من ساهم في الموضوع والذي سيساهم مستقبلاً وأتمنى للجميع طيب القراءة من مواقف الأخوان والأخوات.

[شروفه]

هلا
اذكر مره من المرات رحت أزور صديقتي وصدفه كان جنبهم سنوره ولادنه أني أحب السنانير شفت السنوره واستجنيت عليها أخذتها وهربت وصديقتي تعيط عليي واني اركض خفت تاخذها ورحت فيها البيت وحترت فيها عدل ماني عارفه ويش اأكلها حطيت ليها جبن وحليب زي الكراتين المهم حبيت ديك السنوره من كل قلبي وسميتها توتو
كانو أخواني خشنين واياها عشان كذا ماكانت تحبهم بس اني اعيط عليها علي طول تجي
وظليت ايايي فتره طويله كله اتكلم واياها اذا اني متضايقة وظلينا علي هالحال الي زين يوم من الأيام مرضت واصر ابويي الا يغوها واني ماني راضيه وظلو يحنو عليي الي زين غوها صارت عندي زي العقده كل مااشوف سنوره صفره كله اعيط عليها توتو يمكن تكون هذي سنورتي الضايعه وزعلت من ابويي وامي واخواني وصرت كله اصيح

هذي ذكرى حزينة علي قلبي الي حد الحين والله :(:(

[زهرة الحب]

هلا

صحيح ان هذي ذكرى حزينه عندك
بس موتني من ضحك:D:D

لكن عندي سؤال بعدك اذا شفتي سنوره صفره تقولي ليها توتو ؟:rolleyes:

ودمتم

[شروفه]

الله يسامحش عن جد أحرجتيني :(

يووووم أني صغيره مو كبيره تخيلي الي هالدرجه عاااااااد :(:(

[هايدي]

يو قصتش يا شروفه تشبه قصتي ( عن السنوره )

اني عاد ما كنت رايحه بيت صديقتي..... كان عمري اربع سنين ولا نسيت هالسالفه :o
كان احنا ساكنين في الديره وكان في خرابه داخلها سنانير صغار توهم يمكن والدتنهم لمهم رحت اني واخذت ليي واحد واركض وينك يالبيت وكانت عمتي معايي: هايدي رجعيه لامه لايموت واني ولا كأني اسمعها... المهم رحت البيت وسويت لسنوري بيت:D (كرتون داخله ابيزه) وامي حاولت فيي ارجعه واني مو راضيه بيموت ياهايدي واني اقول ليها ماني هذا سنوري ما احد بياخذه من عندي واقعد اصيح تالي خلوه عندي وسوو له رضاعه :D وشربوه حليب نيدو هههههههه المهم وكبر وصار يلعب معايي وزي ما قالت شروفه من انادي عليه يجي بسرعه بس بعدين لما انتقلنا لبينا الجديد ضاع اتغوى بس ما صحت عليه زي شروفه بس ازعلت لان امي من حست اله ختفى وهي تمهد ليي : يمكن خلاص مايجي راح الى امه وما ادري ايش وعدت السالفه على خير بدووووون صياح لاكن ذكريات معاه حلوه ماتنسى وسنوري اصفر زي سنورش يا شروفه وسميته اسم يضحك ( سكسك) :p

ايام الطفوله حليوه ليتها تجي لو ثواني:o

[..صاحبة السمو..]

مرحبا بأخواني من جديد

تذكرت سالفه حلوه وقديمه بس تموت ضحك..بس عيش مع الموقف;)..

هذي مره من المرات خالتي كانت مشغولة بالطبخ وبنتها صغيره مره

يعني يادوب تجلس على الأرض( بنت شهور) يعني..

وهم أهل الأول كانوا العيال يجلسوا مع بعض في بيت واحد

فعطت بنتها مرت حميها عشان تنتبه لها وهي تكمل شغلها ..

وكان في عندهم قوطي حليب نيدو فاضي ..قالت لها خليها تلعب فيه

قامت هذي مرت الحمي بحسن نية لبسته الصغيرة ( القوطي ) مثل القبعه..

هنا النكته ..انه القوطي حق الحليب تغصغص داخل رأسها :Dيعني تغطه

ويه الياهل كله.. وما رضى يطلع ذاك القوطي ...

جت الام تبي تطل على بنتها ما شافت الا أريل الياهله تتحرك

و مرت الحمي تحاول تطلعه من راس الياهله مو راضي يطلع :D

والام تشوف البنت ما في الا ارايلها تحركها والياهله ماليها صوت :confused:

على طول جت تركض تقول بنتي وش فيها ..

شافت الوضع الي صاير خلاص الام مو قادره قامت تصيح ..

قاموا يحاولوا و يحاولوا الا بجيت جارتهم ..

وهذي بعد ما قصرت قامت تحاول تطلع القوطي مافي فايده ..

قالوا بودوها المستشفى خافوا ما يلحقوا يوصلوا المستشفى

الا ختنقت الياهله ..فكروا يفتحوا القوطي من فوق مايقدروا

لانه لو حاولوا يفتحوه راح فيها راس الياهله

لأنه الأول مافي مفاتيح خاصه مثل الحين (المفك) حق فتح المعلبات كانوا لول

يفتحوا بسكين القواطي.. وهذا الي زاد المصيبه انه مو متساوي فتحت القوطي

.. يعني لو يسحبوا لها بقوه ينشق ويه الياهله ..

المهم الام قامت تصيح أحتارت شنو تسوي قامت تندب حلال المشاكل .:o.

وتدعي وتستغيث بأهل البيت وفعلا ما خيبوها وطلع القوطي ...

ووصل إلى جبينها (بس ما نتهى الامر)الحين يبو يطلعوه

الباقي من رأسها وخايفين يسحبوه بقوه

وتتعور الياهله وينشق جبينها وقالوا يبو يودوها المستشفى بس

ما تقدر الأم تحملها وفي نفس الوقت تتغطه

و تمسك القوطي عشان مايطيح مره ثانيه فقعدو يحاولوا فيه..

المهم الأم قامت بتنادي على أبو البنت وقالت لجارتها انتبهي لا يزلق من عندش

القوطي قالت لها ما عليه... شوي الا يرد القوطي يطيح و يتغصغص مره ثانيه:D:D..

والأم قامت تصيح ياربي خلاص بنتي بتموت .. وردت تتوسل بحلال المشاكل

وبعد عدت محاولات باتت بالفشل طلع هالقوطي بعد عناء

طويل وطبعاً بعد ما نشق جبين البنت لانه مافي حل غيره...

والحين هالبنت صارت ماشاء الله مره ولما يذكروها بسالفه


تضحك من قلب ...;)وسلامتكم.;).صاحبة السمو

[زهرة الحب]

السلام

اختي شروفه موقصدي احرجش اسمحي لي:(

هذا موقف يدل على عنادي مو برأتي يوم اني صغيرة
كان يوم من ايام الدراسة امي مشطت اختي الكبيرة قبلي وكان ازعل اني يادافع البلاء لو شفتوني كيف اصيح كان قلتوا احد متوفي طول الله بااعمار الاهل
ومارضيت اروح المدرسة وتعرفوني عنيدة كان امي اخذتني طلعتني برة البيت(الشارع)
اني بشنطتي ووقفت امي ورى الباب تشوفني رحت ولا لا واستسلمت ورحت المدرسة:D
*
وهذا شئ صار لي واني صغيرة مرة
ذاك اليوم مشترين لي لحاف جديد وتعرفوا ذاك الوقت مو متوفرين مثل الحين يعني البنت مصفعة:D
وجدتي عطتني هدية دشداشة حمرة وكان انام ذيك الليلة من قدي لحاف جديد ودشداشة جديدة وكان انتون بكرامه اعملها(بللت فراشي):خجلان: :خجلان:
كان يصير اللحاف احمر على لون الدشداشة تخيلوا خسرت اللحاف : اه ها ها

ودمتم

[عنابه]

ههههههههههههههههههههههههه غربلش الله زهرة الحب
فلقعتني من الضحك :D

[شروفه]

أختي زهرة عااااااااااااااااااادي والله أمزح وياش :p


أذكر مره من المرات قلت الي ابوي ابغي ريال مارضا وقمت ويش سويت
كان توه جايب مطارات الماي قمت وكتيت فيهم كلهم بيبسي الأغراش وميراندا ههههههههههههههههههههههههه (( أنتقم من ابويي )) :)

[عنابه]

مره من المرت مخططين اني واخوتي وولادعمي نروح العين نصيد ضفاضع

كشفونا اهلنا وقفلوا علينا الباب ما خلونا نطلع وبعدين جلسنا من قهري

وكل واحد منا جاب مطرقه ههههههههههههههه وكسرنا عتبت الدرج الاوله ودرنا على الثانيه بس سمعنا صوت ابوي العود جه كان نترك كل شيء ونشرد هههههههههههههههه مسكين ابوي العود عصبا علينا يقول اكسرتوا شقى عمري:(

[زهرة الحب]

هلا

باقول لكم قصة عن عاشقة ال البيت يوم هي صغيرة
كانت ماتترك التيل تلعب فيهم مو زي لعبكم طبعا تسوي عائلة متكاملة الكبيرة الابو والباقي الزوجة والعيال ههههههههههههههههههه وتقعد تتكلم عنهم يعني كانهم هم اللى يتكلموا ومرة كانت تحبهم وماترضى عليهم وتخيلوا مرة اخوها وخواتها اخذو التيل ودفنوهم كل تيله في مكان في ذيك الزراعه تخيلوا وش صار ليها وهي تحبهم سوت الحريقة وراحت تحفر تدور عنهم طبعا ماشافت الاكم نفر من عائلة التيل
صار ليها اكثر من 14 سنه تقريبا وللحين مابين فترة وفترة يطلعوا ليهم وحدة:)

اسمحي لي خيوه عاشقة ال البيت على اللقافه:D

غربلش الله شروفه على هالموقف طلعتي مو هينة (شريرة)
ودمتم

[عاشقة ال البيت]

فشلتيني زهور:o:o

[فارس حزن]

الأخت شرروفة أشكر لك حضورك الدائم لهذا الصفحة.
كما أشكر الأخت هايدي للمشاركة أيضاً.
وأشكر الأخت صاحبة السمو اللي فعلاً موقف يبكي مو يضحك.

وأِشكر الأخوات 00 زهرة الحب وعنابة 00 وعاشقة آل البيت عليهم السلام.
للمشاركة الدائمة.
ولكن لي ملاحظة لكم تحملوني فيها 00 رجاء خاص جداً إذا أحد وضع مواقف له لا يعلق عليه في الموقف ولكن يوضع لكم موقف فقط.
وأتمنى قبول الملاحظة 000 والمشاركة القادمة لكم وللأعضاء.

مع أفضل تحية
فارس حزن

[شروفه]

تسلم أخي الكريم للملاحظه

مره من المرات في الناصفه (( الكريكشون )) رحنا مكان بعيد عدل عن بيت جدي اني وبنات خالي وخالاتي وخافو عدل وضيعنا شوي الطريق اني اقول منا وهم يقولو مناك المهم صدفه سيارة شرطة ماره من هناك والاول عنا الشرطة شي كبير نموت من الخوف ووقامو بنات خالي يصيحو وش سويت رحت الي وو قفت السيارة واني ميته من الخوف اقول عاد رحم الله والديك وينا بيت ابويي العود وعشان اخليه يوافق عطيته ربيان نسمه وقم يضحك ويضحك واني باقي شوي واموت من الخوف وقال اركبي وبسرغة عيطت عليهم ووصلنا :D:D

[فارس حزن]

أختي الكريمة شروفه
ما شاء الله عليك
ربيان نسمة :p

أتمنى تواصلك أختي وأتمنى مواصلة بقية الأعضاء
فارس حزن

[زهرة الحب]

هلاا

انتي شروفه بنت غير شكل :انت كذا:

يؤ نسيت ان فارس حزن قال لا نعلق :ظروس باين



ودمتم

[زهرة الحب]

هلا

وينكم شروفه وعنابه والله سؤالفكم تونس
والله ادخل هذا الموضوع علشان اشوف قصصكم المغبره:D

اتمنى منكم الاستمرار عزيزتي :)


اختكم زهرة

[عنابه]

هلا خيوه
ويش نسوي نفكر ناحول نذكر ديك الايام مو خبرش الذاكره جيمة:D

مره من المرات كانت امي العوده مسافره وجت بسلامه
وتعرفوا احنا جهلا صغار اهم شيء عندنا الالعاب مو مهم السلامه:D المهم من جت امي علطول رحنا ليها وسالناها جبتي لينا العاب ولا لا 0
وقالت لينا جبت ذاكم في شنطه الفلانيه بس مو الحين اذا راحوا اناس الطلعهم ليكم زين
احنا نستنى الناس يروحوا مافي فايده ناس طالعين وناس جاين ملينا :)
خططة العصابه بغزو الغرفه التي تحتوي على الشنط:D وعدينا الخطه واحد يجيب سكين من المطبخ 2_ يراقب المكان 3_ يتسلق النافده ونط داخل الغرفه
كانت مهمتي مراقبة المكان وخطه نفدة باحكام :cool: ابن عمي نط داخل الغرفه وشاف الشنطه مقفله بقفل جاب السكينه ودبحها يا ويلي لا تخافوا الشنطه اقصد:D
وتلايمنه احنا نشوف العابنه بصراحه ما عجبتني العبه كان ارفع صوتي واقول ليهم حرام خربتوا شنطة امي با علم عليكم :( وقاموا وضربوني وجلست اصيح لزين ما سمعوا اصواتنا وفتحوا الباب ما يحتاج اقول ليكم امي العوده ايش سوت:D
ويسلموا

[زهرة الحب]

هلا

عنابه ماعليش شره
اذا اللى على عمرك كلهم صبيان اكيد بتكوني انتي بهذي الشطانه
:D:D

اوهو كله انسى ان الاخ فارس حزن قال لا نعلق خلاص
بحاول ان ما انسى مرة ثانيه:rolleyes::rolleyes:

ودمتم في حفظ الباري

[فارس حزن]

تسلم أختي عنابة لمشاركتها للموقف الأخير الجميل000


اختي زهرة الحب :مولع نار:
همسة في اذنك الكبيرة :
لا توجد روضة أطفال هنا فإذا وددتِ الخلط بين الجد والهزل والسذاجة
فيوجد أماكن كثيرة لك.

احتراماتي
فارس حزن

[زهرة الحب]

هلااا

فارس حزن مايحتاج ترفع صوتك اني مو صمخه:confused:
ادري ان اهني مو روضه لاتخاف اعرف وين روضه طفل السعيد:D
( فيوجد أماكن كثيرة لك ) ممكن تقول لي وين ها الاماكن علشان اطلع
السذاجتي فيها :mobakek:

ودمت

[عنابه]

اهلين
زهرة الحب صلي على النبي
فارس حزن نصيحه مني لك ابتعد عن زهرة الحب
ولا تخربوا الموضوع اثنينكم:mad:

[باب العين]

السلام عليكم ورحمة الله وبركاته .

صلوا على النبي يا ولادي .

فارس حزن شوفتك زعول وحار ، مع هذا التألق والمواضيع الممتازة خليك على طول حبيب .

أقول ليكم : نحتاج أحيانا الى بعض الترفيه بدل من الكتمة .

والحين لا زم يطيح الحطب واعتدروا من بعض أو أنا أعتذر عنكم .

[زهرة الحب]

السلام

مشكور المشرف باب العين على رد هذا يدل على اهتمامك ;)

عمومنا اني اسفه اخ فارس حزن اذا غلط عليك رغم اني متاكده
ان ماغلط :rolleyes:


اختكم
زهرة

[شروفه]

أخزووو أبليس سود الله وجهه

خلونا في مواقف الهواش :D:D
يوم أني صغيرة اذا اتهاوش ايا واحد من اخواني اروح الي امي واقول ليها وديني الي امي الحقيقة أنتين مو امي وهذلين مو اخواني واموت من الصياح الا ابغي امي :D:D

[فارس حزن]

تسلم أخوي باب العين وهذا إشراف يستحق التقدير 00

وأشكرك أختي شروفه للمشاركة الدائمة في الموضوع
واعتقد المشرف باب العين بهديك حرسون من عين تاروت
هذا اذا فيه عين :D.

مرحباً بجديد مشاركتكم الطيبة 000

احتراماتي
فارس حزن

[ام مهدي]

:D:D:D

خليتوني اذكر احلى الأيااااااااااام

بقول لكم سوالفي بس مو تضحكوا علي صحيح يوم اني ياهله كنت ساذجة

تدروا اني كنت اخاف اجلس تحت التلفزيون او اطلع فيه او حتى اضحك

تدرووا ليش؟؟


كنت اتوقع الي بالتلفزيون يشوفوني

ولما كبرت جلست اضححححك على حالي


................
هذه سالفة ثانيه

شفتوا الماي مو مكتوب عليه مياة الشفاء

كنت اقراءها النننفاء
كانت صدمة وموقف محرج بالنسبة لي :D


وسلامتكم

[عنابه]

عادي خيوه
اني لمه كنت صغيره واذا عصبني احد اقول ليهم باروح اجيب ليكم حيره اكيد ما عرفتوا يعني ايش حيره هي(حجره):D

[ملكة الزهور]

السلام عليكم جميعاً ورحمة الله وبركاته

بصراحه الموضوع فلته حلوووووو مرررررره والأحلى برائتنا وطفولتنا

والسوالف ماتنمل وظريفه خصوصاً سوالف الخوات عنابه وشروفه و زهرة الحب حلوين ويموتوا من الضحك

إذا تذكرت سالفه عن أيام أول ماراح نبخل عليكم

تحيــــــاتي لصاحب الموضوع / فارس حزن

أختك : ملكة الزهور

[فارس حزن]

تسلمي اختي غرام لمشاركتك وننتظر مشاركتك القادمة ايضا
فجديدك مميز 00

اختي عنابة ما عساي القول فإنتِ تجديدي الصفحة كل يوم وفي كل ساعة فشكري الجزيل لك 00

اختي ملكة الزهور شكراً لك وسعدت بأن الموضوع نال القبول لديك 00 كما اتمنى مشاركتك اختي الكريمة ملكة الزهور.

احتراماتي
فارس حزن

[ام مهدي]

ااالله يدوم البراءة علينا يا رب

ويرجع الأيام التي لا تعوض ابداً ابداً

راحت عليكم يا صبايا ما زرتوا مزرعتنا :D

يوم اني صغيره كأني الهندي الي يشتغل هناك كل اسبوع لازم اروح مع الوالد

كان هناك في خلايا نحل ...ونحنا ولا ندري عن الدنيا رحت اني مع اخواني ونفتح الغطى تبع الخلايا ويطلع لنا النحل ويقرصون فينا

لو تشوفوا شكلي كأن معاي جدري من كثر ما قرصوني والله توبة من ذاك اليوم ولا اتقرب من النحل مره ثانيه

خسارة يا بنوتات ما كنتوا واياي عشان تجربوا كيف التقريص

بس يا الله ما في شي بلاش عطونا عسل بعد الويل

[احلى تاروتية]

السلام

شروفة وعنابه غربلكم الله شريرن من يوم انتون جهال كيف الحين؟;)
وزهرة الحب وش هالعناد اللي عليش الى الحين عنيدة ولا تادبتي:rolleyes:
غرام الله ستر انا ماكنا معاش :D

يوم اني في صف ثاني ابتدائي كنت لزقة الوالد مايطلع بدوني :D
كنت اتغطى واذا رحنا بيت واحد من اصدقاء ابوي افتح ويهي عن حساب محتشمة الضاهر كان في نظري اصدقاء ابوي عن عمومي:cool:


باي[/COLOR]

[شروفه]

حرررررررررام عليش أني شريره :mobakek:

بقولش موقف بخليش تتأكدي انه في ناس اشر مني

يوم أني صغيرة كله العب ايا بنت جيرانه وكانت نحيسه وشيطانه حدها يوم رحت العب وياها تخيلي أستقبلتي بويش تخيلي ضربتني بساطور مال الخروف تخيلي علي راسي
وسال الدمامين ورحت البيت واني ميته من الصياح والدم ينزل وعلي طول ودني المستشفي والي حد الحين الجرح في راسي :( ولافيه شعر :D

صدقتي أنه فيه ناس شررين أكثر مني

[معاني]

اني من يوم اني صغيرة عند اخوي فلاته نباله يعني :D
صرت اخذها من اخوي وهو ما يدري واصيد عصافير
في زراعة بيتنا بس مره ضربت يدي الفلاته وقعدت اصيح
واخوي يضحك علي :confused:
كان اقول له عساك حريقة :p:rolleyes:

ومشكور اخوي فارس حزن على الموضوع الحلو ،،،

تحياتي
معاني

[فارس حزن]

أشكر الجميع للتفاعل مع هذا الموضوع

واتمنى المواصلة الدائمة اعزائي


احترامي وتقديري لكم
فارس حزن

[زهرة الحب]

(واتمنى المواصلة الدائمة اعزائي )
اني من ناحيتي لن اشارك وانت تعرف السبب:D

[ام مهدي]

:D:D:D

تضحكوا ..

يا الله يا اعضاء وينكم لا تستحوا ما بنسخر عليكم

بالعكس

[أحــ حور ــلام]

اني اذكر مرة في ثالث ابتدائي
كانت المعلمة قبل لاتطلع لازم تخلي (عريفة) هههههههه
وداك اليوم صارت العريفة صديقتي المهم
>>>> طلعت شجاعتها علينا وقالت ماابغى ولا وحدة تتكلم ولابحرف
الا هي تقول لي احلام اذا تبغي تتكلمي اعطيني ريال
عاد اني:confused: قلت ليها ماني متكلمة
قالت انزين اعطيني بعد اقول ليها ماني
مااشوف الا الكف على ويهي :confused: خلتني للحين متعقدة من رقم 3

الله يسامحها..

على فكرة مواقفكم تينن ولا انتين شروفة فلتة:ظروس باين
وعنابة وزهرة الحب كلكم :انت كذا:

[شروفه]

الله يسامحكم خجلتوني :)

[فارس حزن]

اختي زهرة الحب يداي بيضاء دائماً
واتمنى مشاركتك الآن في الموضوع

اختي غرام اتمنى مشاركتك الدائمة

اختي احلام الحور وعطتك كف وسكتي عنها
لو انا منها بوكس احسن :confused:
اشكر تفضلك بالمشاركة واتطلع بالمزيد بالمشاركات

اختي شروفة وينك غايبة صار لك فترة
عن الموضوع ما يصير كذا اتطلع للمزيد
منك اختي الكريمة


احتراماتي الدائمة لكم
اخوكم فارس حزن

[باب العين]

السلام عليكم ورحمة الله وبركاته

براءة خوش براءة

من زمان مررة كان في الديرة عائلة فقيرة ، تعيش على مساعدة الأجاويد ، وكان من تلك العائلة صبيان افنين ، يحبوا المرح والضحك والمزاح مع السخرية .

في يوم من الأيام ، جابت احدى امهاتهم مشكاب عصيد ، وحطته ليهم ، گال واحد منهم للفاني ، حارسني ولد خالتي با روح الحمام أطير شراب .

بس يا خسارة ما رجع من الطهارة الا ولد خالته خلص المشكاب وگحصه بعد.

تدروا ويش سوى هذا : گام وشال المشكاب وتباعد بعيد ويطير المشكاب في الهوا ويصك ولد خالته على براطمه والى اليوم بعدها الضربة شاهدة .

[فارس حزن]

الحين باب العين وش صار في المشكاب اهم
شيء عندي انا :D:انت كذا:

تسلم على المشاركة الحلوة منك ومثلك
يقدم الأفضل دائماً


احتراماتي
فارس حزن

[القلم المتأمل]

أخي العزيز فارس حزن
بطيوف التحايا والذكرى الحبيبة أنثرها لمقامكم الكريم
كلما أقرأ رد من الردود الجميلة أتمثل بقول الشاعر أبي القاسم الشابي :
إنا لفي زمن الطفولة والسذاجة والطهور
نحيا كما تحيا البلابل الجداول والزهور
إذ نحن لم نعرف عن الدنيا سوى مرح السرور
وبناء أكواخ الطفولة تحت أعشاش الطيور
نبني فتهدمها الرياح فلا نضج ولا نثور ..

إثارة تعبق بالماضي السعيد :

كنا نتذكر ماضينا وبين نخيل اليواني الطوال نربط حبلين مزدوجين ونعمل مرجحانتين ، فاجلس أو يجلس قريبي أو جاري على مرجحانة ، وتجلس قبالنا بنت ترتدي البخنق ، وعادة تكون أكبر منا سنا لتعلمنا فن الركل البعيد التي تأخذنا إلى عنان السماء وهي تقول ( يورمانة العيد ودي فلان إلى بوه ابعيد ... ) .. وهكذا في لعبة السكونة ..

لقد أشعلت فيّ طقوس ماضينا السعيد فمن يطفي لهيبها ..
تقبل تحيات أخيك : القلم المتأمل / الدراز

[عنابه]

مرحبا
تذكر موقف مع اخوي على الشبقات....
هذا اخوي اذا في كوره في تلفزيون خلاص يندمج موت ولا يخلي احد يشاهد غيره
واني انقهر ومره كانوا جايبن كوره ليلة الخميس واني كنت ابي اشاهد فلم هندي
وقامت الشبقه اني ما سكه الرموت وهو مطفي التلفزيون ...
وبعدين ارتفعت لاصوات ولحلت انوايب وصلت الى اسطار والجع والبكس وبعد ختمنها برفسه ......... وجت امي وحلت المشكله بانها طفت التلفزيون واخد الفيش معها
وكل واحد يتهم الثاني انه السبب:(

[فارس حزن]

اخي الكريم القلم المتأمل
اسعدني تواجدك في صفحتي المواضعة
وشكراً لك عزيزي لمشاركة الجميلة
وننتظر منك الجديد


اختي عنابة
اشكر تفضلك الدائم لهذه الصفحة
وشكلك ام هواش
وننتظر منك الجديد


البعض يقول انت بس تشوف براءة الجميع ليه ما تضع لك مواقف وهذا انا الحين بوضع لكم موقف يمكن كثير من الشباب مر فيه :

الأول كان تحت بيتنا رمل كثير وكنا صغار نسوي حفر ونغطيها بكرتون ورق ولما ننادي على احد نخليه يطيح فيها :D عاد هذاك اليوم سويناها وجت المغرب وكل واحد راح بيتهم المهم البيت طلبو مني اروح اجيب شيء من البقالة وانا رايح طحت فيها :confused::p.

سمعتو بذاك اللي يقول من حفر حفرة لأخية وقع فيها هذا انا صرت ;).

الموقف الثاني :
كنا نلعب انقاض مدري عاد من الجيل الجديد احد يعرفها والا لا، المهم هذي اللعبة يا عيال تفلت الكورة من بين ثلاثه او مجموعة من طرفين ولازم يضرب المجموعة اللي في النصف واذا ضرب واحد منهم يطلع بره ولازم اللي يدخل لازم المجموعة اللي في النصف يضرب الكورة براسه المهم الكورة جت في الارض جيت اضربها براسي واحد من المجموعة الثانية شالها وانا ضربت الرصيف وطبعا الدمامين تسبل من فارس حزن :D.

تحياتي لكم
فارس حزن

[شروفه]

هلا أخواني وأخواتي
تذكرت موقف بس مو تسيئو التفكير فيي

اللول اذا نروح بيت جدي في بيت جيرانهم في بنات من سني كانو مساكين علي قد حالهم
كنت اني أستحي اطلع فلوسي وهم ماعندهم صرت وشي اسويي ابوي :D يحط الفلوس في شنطة سودا في كبتهم رحت وأخذت أربعة ريال الي البنتين مساكين ورحت اياهم نشتري شاورما من الريحانه عفر:D:D وصرت كل اسبوع خميس اخذ اربعة ريال
وأعطيهم اياها وصار ليي فترة اليي علي هالحال بعدين شوي كبرت رحت علي طول
قلت لي أمي وأني أصيح وماتت علي من الضحك :D:D:D

[طائر سلام]

أنا عندي براءة طفولية من الصغر أخاف اقولها وتموتو ضحك ..:D

خلها على الله..

[شروفه]

أخي الكريم الفرض من هذا الموضوع أولا نذكر مواقفنا المضحكة ونضحك عليها
وثانيا نشوف الأشطن بيينا :)
فادا عندك مواقف أذكرها :D

[باب العين]

من الماضي : أيام النخيل والكدران والمساگي ، بين نخيل سودة وگضبة والخضاري ، وغيرها ، كان واحد من الأصدقاء حظه نحيس مسكين .

ومن حظه النحيس : كنا يوم نحبل في نخل گضبة اللي هو الحين محل سباق الخيل في تاروت .

وكان في داك اليوم طبة طيور وكان في سمن وقبل يوم جيت أنا بوحدي وصدت بعض الأصارد والسمن ، أما في اليوم الثاني خبرت اثنين من اصدقائي واحد منهم صاحب الحظ العثر.

ثلاثتنا حطينا أفخاخنا ورحنا نحد ، بعد شوي رجعنا ندور على الأفخاخ ، أنا لقيت فخي في المسگى صايد سمنة ، ورفيقي الثاني صايد أيضا سمنة ، لكن أخونا هذا يعور بلفّاد راح يدور فخه ، بس ويش صايد عاد .

أم سلمون ( سحلية نخيل )

[القلم المتأمل]

مسكين نحيسكم هذا ، بعد ، حظه يفلق الصخر ، مثلي ،،
بس أريد أعرف ما هو الأصارد الذي ذكرته ..
السمن نعرفه لكن قل لي ماذا عملتم بالسمنة ، لو انا صدتها لعملت عليها مجبوس بحريني وعزمتكم عليه ، لكن الحين ما عندنا بر للحبال للمداقية والفكاك وغيرها ..

اذكر رحنا مع ابن عمتي نصيد طيور وبحثنا عن الزندات وملأنا غرشة كاملة من الزندات لكنها زندات مال الخرايب ليست قوية بسرعة تنقطع إذا نقد عليها الطير ، وبينما كنا نحد فقاقه عياره كان أحد الأشخاص يراقبنا ويتحين فينا فرصة الغفلة عن غرشة الزندات التي نوضعها جانبا عندما نحد الطير .. بينما الفقاقة تفارش على الحقة ونحن نترقب ان تطفر الحقة عليها ، ثار الغبار لأن الحقة طفرت على الفقاقة جرينا بسرعة لكن الحقة لم تفلح في صيد الفقاقة ، رحنا إلى علق الحقة مرة أخرى ودفنها في الأرض فما وجدنا إلا الزنده لأنها أكلت من قبل الفقاقة المتفلته ، والولد يتحين فينا الفرصة فعندما {ىنا نركض للحقة انتزع الغرشة وطار بها بعيدا ، ألتفت إليه فهجت وراءه ولكنه أسرع مني بكثير ، ابن عمتي لم يدرك الموقف جاء نحوي بسرعة يستكشف الخبر ، أعلمته إن ذلك الولد سرق الغرشة ودخل قريته ابن عمتي حمق علي لأني لم أخبره من أول وهله ليقوم بمطاردته وصيده لأنه سريع جدا ،، على كل حال رجعنا فيما بعد بخفي حنين ، لا الزندات لدينا ولا الفقاقة العيارة في يدينا ، وتلاشى أملنا في ذلك اليوم من الصيد الوفير .. وسلامتكم

[ام مهدي]

قصتي مع الحرامية :D

في يوم من الأيام لما كنت في الروضة طفلة برئية جداً ..

كان ذالك اليوم عيد وانا من قدي كاشخة ومتشيكة الحين بطلع وبجون الأهل والأصدقاء
ونفرفش في اللعب والضحك

المهم لما تجمعنا نحنا اليهال
قررنا نروح البقالة نشتري لنا ملاليس وحلاوة و..و الى آخره

المهم ونحنا طالعين جماعة كذا كل واحد ما سك يد الثاني الي يشوفنا الحين بنضيع
ومع هذا ..ما فيهم خير ..تدروا ليش؟؟

يا حسافة في ذالك الوقت انقلبت بي الدنيا وصارت سودا وما دريت انا الناس كذا حتى اليهال بسرقوهم ...

من هنا بدأت القصة ونحنا نمشي ..وانا افكر واعد الأشياء الي بشتريهم توني بقول ايه وعصير كمان اطلع يمين يسار اشوف الحبايب راحو عني ما اشوف وراي الا عجوزة تطلع فيني من تحت لين فوق وتمسكني من يدي وانا ابكي ...

وكان علي اسوار ذهب وخاتم...اشوف العجوزة ماخد بالها الأسوار وهي تسحبه من يدي تبي تسرقه ..

المهم انا شنو سويت فيها عظيتها في يدها لين ما تركتني :D

مسكينه شكلها لحد الحين ما راحت العظه ههه
لكن تستاهل...

(يا فرحة ما تمت)
رجعت بيتنا وانا متكدره والتحقيق الصحفي ما خلاني في حالي :p

والجماعة خاصمتهم راجعين فرحانين بعد
ها وين رحتي ...؟

والباقيي عليكم :cool:

[فارس حزن]

اختي شروفة على الرغم ما ذكرتِ من موقف
ولكن ذكرتِ موقف نتعلم منك فيه الشيء الكثير
وهو مراعاة مشاعر الآخرين
دمتِ بحفظ الله 00

طائر سلام
اخي العزيز ننتظر مشاركتك فمثلك
يقدم المميز ويقدم السمو في الخلق

باب العين
وين اوديك انت احطك في فخ
واصيد فيك المحبة والا كيف مدري

القلم المتأمل
تسلم اخي الكريم لمشاكتك الطييبة
ونتطلع للمزيد منك من أرض دلمون
الحبيبة 000

اختي غرام تبكي مسكينة
احد قال له تبتعدِ عن بيتكم
وعضيتها ما شاء الله عليك :انت كذا:

أريد مشاركات أكثر من اعضاء أيضا جدد
فارس حزن

[باب العين]

شكراً لك اخي الكريم على هذا المقال


اسمع يا فارس حزن هذه القصة القصيرة القديمة التي تدل على البراءة الحقيقية والنية الصادقة والطيب المبيت في القلوب الى جانب انها تدل على حب العمل والكفاح مع الصعوبة وقلة الزق مخلوط بالبركة بحب محمد وآل محمد صلوا عليهم أجمعين.

في أيام جدي وأجدادكم : الله يرحمه جدي كان عنده شغل في النخل ، بالتحديد عندهم صرام في آخر الرطب بالنسبة للخنيزي يتحول الى تمر فلا يصلح أكله رطبا بل يصرموه حتى يحولوه الى دبس وتمر .

جدي قال لجدتي يا أم علي لخنيزي يمبى له صرام ودورت على شواغيل ما حصلت ، فويش رايش تشوفي لينا كم من حرمة تشتغل ويا نا والرزاق الله .

جدتي : دارت على أهل فريقهم وشافت ليها كم من حرمة يشتغلوا اياهم .

من صباح الله خير تجعوا النسوان وياهم جدتي وكل وحدة عندها زبيل وراحوا النخل ، وجدي زهب نفسه ، منجله وكره وحدرته .

سموا بسم الله : بدوا يشتغلوا ، وركب جدي أول نخلة وينزل ديك العذوق اللي ما يشيلها نفر واحد --- نخلة بعد نخلة .

وفي نخلة من لنخيل حصل ما هو طريف بلا تعمد للطرفة ، حيث كان جدي راكب النخلة يقطع في العذوق واذا بوزاره ينسرد ولا عليه شي من تحت لوزار ، ومن حسن نية الجد الله يرحمه رفع صوته : لا حد يطلع فوووووووووووق .

النسوان مساكين ما يدروا أصلا ويش صاير لأنهم قاعدين يرقطوا التمر المتناثر هنا وهناك ، بعد هم من سمعوا لا حد يطلع فوق ، من غير شعور وسابق انذار صاروا يطلعوا فوق ، لكن ما كان منهم الا بسرعة نزلوا روسهم حياء وسترا على ما واجهوا.

[القلم المتأمل]

ويههه ويه ويه يو يوي يو ،،، انا ياخوك استحي ، يا ألله عليك ياباب العين ، عاد مادور جدك إلا هذا الموقف كأنه من بحاحيرنا الأوليين اللي يخرجون في ذاك الزمان كما ذكرت - اقول عاد كأنه يوم المحشر - ربنا كما خلقتنا .. أصلا ولا حد حولهم ، بس احنا نسبح في الخور ونستغرب من هلمنظر .. عاد احنا يهال وبس انطامس ..

[فارس حزن]

اخي العزيز باب العين
والله ضحكت ضحك من وين تجيب المواقف
مدري 00 واصل يا عزيزي


القلم المتأمل وش نسوي لباب العين بعد
ما يفيد فيه 00 حجينا كبر في السن
ما عليه دائماً نتحمل ابونا العود احنا بعد


احترامي وتقديري لكم
فارس حزن

[شروفه]

هلا :)

أذكر أبوي العود اذا رحنا ليه نقوله نبغي ريال كان يقول أبضربكم بواير التلفون ولا ماتقول آه بيعطيها ريال وكنا الأول نموت علي الريال :D:D فكان يضرب بنات خالي وخالاتي أول وكله أقوله أني في الاخير وكانو يصيحو مافي الأ أني يضربني عدل ولا أقول اه وأفوز وغصبا عنه يعطيني ريال وكان يقول الوكيحه ماتقول اه :D:D

[فارس حزن]

شكراً لك شروفة لتفاعلك الدائم
مع الموضوع ونتمنى التواصل


فارس حزن

[منهاج علي]

:) مراحب
يا حسافه على أيام أول نتمنى لوترجع ولو دقيقه
يالله أذكر اليكم سالفه يوم احنا جهال اني وبنات خالتي
كنا لازم مايمر علينا يوم ما نتشاجر مع احد في الطريق
(في الديره) واذا مر علينا يوم وماتشاجرنا نقول فج علينا
المشاجر والله كأنه لعبه عندنا بنات الناس .......
اذكر مره طلعنا من بيت ابوي العود وكان في شهر رمضان
واحنا زهقانين قلنا وشي نسوي راحت وحده من بنات خالتي
أقترحت علينا أقتراح وهو انا احنا نروح بيت >>>اللان شفنا
كل بابهم مفتوح المهم انا انروح ونسكره ونعودنفتح وبعدين نقول
اليهم شحوالكم ونشارد وهذا حالتنا كل ليله اذا رحنا بيت ابوي العود .....:D:D


تحياتي ..نورعلي

[باب العين]

هذه براءة صدق:

في يوم من الايام , طايف بسيارتي من صوب المزارع شمال تاروت , وشفت بنات حجي أحد المزارعين الله يستر عليهم , بالصدفة لمّا مريت من صوبهم كنت مشغل المساحات , ما أشوف الا البنات مساكين رايحين يتراكضوا , وهم يتصارخوا , أنا بصراحة خفت عليهم وتابعتهم لين وصلت المزرعة ودشيت الى ابوهم , وسايلته ها ويش عسى ماشر ويش فيهم البنيات خايفين وتيصارخوا .

قال ابوهم : شافوا واحد في الطريق مشغل ليهم سيوفه .

أنا بعدها ضحكت ضحك , أتاريهم مساكين يفكروا المساحات سيوف :p:D

[فارس حزن]

اخي العزيز باب العين

بصراحة ضحكت ضحك خاصة على شيء اسمه
بنات استانس عليهم، كثر من المواقف هذه :D

وين اللي مسوين الموضوع حماس :p



تحياتي المعطرة للجميع
فارس حزن

[فارس حزن]

ذكريات .. يا فارس حزن:rolleyes:

شكراً لكاتب الموضوع .. فارس حزن العضو


وتحية من إنسان

[شروفه]

الشكر الجزيل لكاتب الموضوع فارس حزن

وللمشاركين في الموضوع;);)

[عنابه]

وشكراً لكِ ما عليكِ زود وما قصرتي ابداً في الموضوع الرائع ذكريات حلوه
ودوم تحلى ايامك وايام كل عضو في منتدى تاروت الثقافي

عنوبه

[منهاج علي]

شكراًالجزيل لكاتب الموضوع .. فارس حزن
والله يعطيكم العافيه جميعا

تحياتي:نورعلــــــي

[سعــيد!]

فعلاً هي براءة وما أحلى البراءة

ولا أقول بين جيل الأمس واليوم

بل أقول فقط بين الأمس واليوم

فبين ليلة وضحاها .......


سيد

[فارس حزن]

" كلمة "

هل باستطاع احد تجديد الموضوع

ونكون له من الشاكرين ;)

[شروفه]

أني الحمد لله لساني طويل قول وفعل

بذكر ليكم الموقف الفعل وبعدين القول

الاول خالي الله يرحمه كان كله يقول لينا الي توصل لسانها الي خشمها بعطيها 20 ريال والاول هذي كانت ثروة تقريبا

وكلهم يحاولو ويحاولو ولا أحد يأخد 20 الا اني كل مرة أخدها لاني الوحيده الا .................... خجلان: خجلان: خجلان: خجلان:

مابقول أفهموها أنتون :خخخخخ: :ضحكتني:

طبعا كنت صغيره مو ماتاخدو فكرة غلط

[شروفه]

مرة من المرات رايحة أني وبت خالتي الي سوق الأحد كان عمري ديك الحزه يمكن عشر سنين بس كنت طويلة فكان يبين علي أكبر من عشر ولابسه عباه وحجاب المهم
وصلنا الي عند بصطة الشبابيص ( البكل ) وكان الرجال يبيع البروش الدبوس الي ينحط علي الثياب عرفتووه لو لا ؟؟؟
وكان في البروش قلب وعلي القلب محطوط قلب فيه حرف أخترت حرفي وجينا بنحاسب
قام الرجال يطلع فيي يحسب أني أكبر من بت خالتي باعتبار اني طويلة ويسوي ليي حركات:عين زايغه :قليل حيا أني ماحطيت في بالي بريئة ماادري وشو يسوي ..
سألني هذا الحرف حرف منو ؟؟؟
ومابغا السلامة علي عمره الرجال : ر:ملاكمه: اوريك:: ديت عليه قلت صدق ماتستحي علي وجهك وش لك شغل حرف منو هذا انت قاعد تبيع ل و تتلقف علي الناس ياملقوف ياقليل الحيا ويا ويا ويا ..... وهو يطلع في ومستغرب وكما أذكر كيف كان يطلع في واني هاجمه عليه أموت من الضحك .. قال أنزين شوي شوي علي روحش لاتنفجري . وأنت وش لك شغل أنفجرت لو أنفقعت مالك شغل أنت تبيع وأنت ساكت .. قال والله يساعد الي بياخدش كلبه أكنارو . وأعود من جديد وانت وش لك شغل في الي بيعرس علي والله قليل حيا وذا امك ماربتك أحنا بنربيك وبت خالتي تجرجر في ولا في حول مشتغل عندي الحمو ..خجلان: خجلان:
وصرت كلما أروح السوق يطلع في البياع ويضحك واني أخنفس في وجهه ..
هههههههههههههههههههه :D

[احلى تاروتية]

السلام عليكم


غربلش الله ياشرفو شباقه حدش
بعد ماتستحي تطلع فيه :mad:


احلوه:rolleyes:

[شروفه]

وش أسوي لساني طويل :mobakek:

ولويه أستحي اذا هو الي بدا :D:D

[فارس حزن]

شكراً لك اختي شروفة .. لمساهمتك
وطلعتِ مو بسهله ..:mobakek:

الله يستر كان ما تطلخي لك بياع بقبقاب امج العودة :D

[شروفه]

وين الأعضاء يعني تبو تبينو اني بس اني الوكيحة (( شيطانة

[نوري]

السلام عليكم ورحمة الله وبركاته
هههههههههههه خووش سالفة
طلعتي شروفه قوووية ولا اتخافي:D
بصراحه زين سويتي فيه يستاهل :mad:

[فارس حزن]

أعود معكم من جديد ..

- اتذكر عندما كان الوالد يدرس في أميريكا .. كنت صغيرون :D

-ولما يروح ابوي يدرس واخواني يروحوا يدرسوا دراسية صيفية .. فكانوا يودوني لبيت ابقى طول يومي عند الدريشة استنى ابوي يجي ياخذني .. :).

- اذكر كنا نسكن في شقة سميناها ( ام الدود ) من كثر الدود اللي نشوفه فيها بس دود صغير حجمة ..
قرصت اخوي نحلة .. جيت انا بالنعال واضرب فيها ضرب واسبها << قال مسوي روحه قوي بعد ما قرصت اخوه :D:p

[منهاج علي]

اتذكر يوم اني صغيره كنت رايحه بيت ابوي العود الله يرحمه
وخالتي كانوا متجمعين احين اني ويابنات خالتي
جالسين مستملين احين عاد وحده من بنات
خالتي قامت اقترحت علينا فكره وشرايكم نروح
سوبرماركيت تدرو لول سوبرماركيت فيه اكل
عجيب موللي في البقالات:D واحنا جهال
نستانس عليه احين احنا امهاتنا عادمايرضوا
نروح يخافواعلينامن الشارع العام قمنا وقلنا
اليهم بنروح البقاله مشينا واحنا يوم احنا جهال
مانتغطى عاد تدروا بنات خالتي مخترعات
قالوالينا كل وحده تتغطى بعباتها المهم وصلنا
السوبرماركيت واشترينا الينا واحنا نمشي كان
اشوف رجال يشبه ابوي :mobakek: تدرواخفت
وطلعت من السوبرماركيت واني اركض ركض
حتى بنات خالتي قامو يضحكوا عليي :D:D

ياليت الطفولت تعود يوم **لنخبره بمافعل الشبابٌ

[شروفه]

:rolleyes: