طبخات قديمه

[..صاحبة السمو..]

مطبوخ الكرورو.....الطريقه:يوضع السمك في قدر به ماء على النار ثم يضاف له بصل وليمون عماني كرورو وبهارات ويترك حتى ينضج ثم يقدم مع الرز الأبيض...................



بصراحه هاطبخه اكرها ما احبها بس كتبتها اللى الي يبي يتعلم الطبخ يبدي في هذي سهله صح معني ولا مره جربت اسويها

اختكم صاحبة السمو

[أرض الغري]

اذا انت ما تحب هذي الطبخه سويها واطبخها واكلها لا واكل اصابيعي وراها بعد وغصبا عنك لددددددديده
واللعاب يتحرك في الفم وانت تاكل تاكل بالخمس هممممممم
واللي ما يحب الاكله رجاءا يبتعد
ههههههههههههههه

[باب العين]

شكرا جزيلا يا صاحبة السمو . طبخة من أروع الطبخات الشعبية ، وانا أحبها واجد خصوصا اذا كانت على هامور وفيه راس أخ يا با .

وفي طبخات شعبية واجد مثل حدر القدر ومطبن وبحاري .

ياريتش توصفيها ، وهل لا زالت تقدم أم طغت عليها الهم والغم برقر.

[DIAMOND]

طبخه حلوه واجد

[DIAMOND]

المقادير هامور او سواده عيش منقوع بصل بزار (كركم فلفل اسود بهارات مشكله ليمون عماني كمون اعواد دارسين مسمارهيل )
زيت
الطريقه نصفط السمش ونقطعه شرايح .نحمر البصل بالزيت ونحط عليه البهارات ونقلى البهارات معا البصل زين مازين ونحط السمش ونحمره ويا نغطى الجدر لزين ماينضج السمش نشيل السمش نصفى العيش من الماى ونحط العيش ونحمره معا البصل والبهارات وخلاصه السمش وبعدين نحط الماى والملح لزين يترسا العيش ونحط السمش ياجدا يانقليه وبعدين انشبوا العيش وحطو الدهنه تقدم معا الرويد والبقل والجرجير والدقوس
والقرمبع معزوم وبقيه الاعضاء

;) ;) ;) ;)
;) ;) ;)
;) ;)
;)

[ريناد]

اهلين بي الماس


حلوة منك من الي معلمك الطبخة

اكيد الماما


تحياتي ريناد:انت كذا: :انت كذا:

[الوردي]

المهم بعد ماناكل المطبوخ الذييييييييييذ وهو يسيل على ايادينا الين مايوصل الى كيعانا ونلحس المرقه السايله على الكيعان الى الأصابيع

نحتاج الى حاجه حلوة نسويها وناكلها ... ويشي ياربي ويشي ...

اي ويش رايكم اقول ليكم طريقة المنفورة ...

المهم انا ما اعرف اسويها لكن بقول ليكم الطريقة والله يستر ...

اول شي نجيب الطحين .. وننخله ونطير الي نقدر عليه من السوس

والي مانقدر عليه نطبخه وياه مو مشكلة بيموت بعدين عادي ...

وبعدين نسخن الماي في صفرية الأفضل انها تكون معوجه لغرض في نفسي بعدين بتعرفوه ..

الى حد ما يسخن ويوصل الى درجة الغليان واذا نسيته الى حد انه يقرح مو مشكلة بعد زيد الماي وهالمره حط بالك زين علشان مو كل مرة

تزيد الماي مي حالة هذي .. المهم بعدين نخلط الطحين بالسكر .. ولو نزيد السكر يكون افضل ..

ومن ثم نحطه في الصفرية المعوجة ونحركه لحد مايشرب الماي كله

وتصير ديك الخلطه كأنها صبية ابو يمن الي بنى بيت القرمبع ...

بعدين تشيل الصفرية بالي فيها من على الجوله ( الفرن بالمصطلح الجديد) وتنزلها على الأرض وتجيب لك داك الملاس وتطيح فيها ضرب لحد ماتقول اتوب ..

واذا مانفع الملاس حجارة .. او الطوف شادخ بها لحد ماتتنتف تنتيف ..

وبعدين قدمها على السفرة وبالهناء والعافية ....

هذا الي يسموه هالأيام بالحلا ....:D

الشيف ... الوردي

;)

[DIAMOND]

الرسالة الأصلية كتبت بواسطة الوردي
المهم بعد ماناكل المطبوخ الذييييييييييذ وهو يسيل على ايادينا الين مايوصل الى كيعانا ونلحس المرقه السايله على الكيعان الى الأصابيع

نحتاج الى حاجه حلوة نسويها وناكلها ... ويشي ياربي ويشي ...

اي ويش رايكم اقول ليكم طريقة المنفورة ...

المهم انا ما اعرف اسويها لكن بقول ليكم الطريقة والله يستر ...

اول شي نجيب الطحين .. وننخله ونطير الي نقدر عليه من السوس

والي مانقدر عليه نطبخه وياه مو مشكلة بيموت بعدين عادي ...

وبعدين نسخن الماي في صفرية الأفضل انها تكون معوجه لغرض في نفسي بعدين بتعرفوه ..

الى حد ما يسخن ويوصل الى درجة الغليان واذا نسيته الى حد انه يقرح مو مشكلة بعد زيد الماي وهالمره حط بالك زين علشان مو كل مرة

تزيد الماي مي حالة هذي .. المهم بعدين نخلط الطحين بالسكر .. ولو نزيد السكر يكون افضل ..

ومن ثم نحطه في الصفرية المعوجة ونحركه لحد مايشرب الماي كله

وتصير ديك الخلطه كأنها صبية ابو يمن الي بنى بيت القرمبع ...

بعدين تشيل الصفرية بالي فيها من على الجوله ( الفرن بالمصطلح الجديد) وتنزلها على الأرض وتجيب لك داك الملاس وتطيح فيها ضرب لحد ماتقول اتوب ..

واذا مانفع الملاس حجارة .. او الطوف شادخ بها لحد ماتتنتف تنتيف ..

وبعدين قدمها على السفرة وبالهناء والعافية ....

هذا الي يسموه هالأيام بالحلا ....:D

الشيف ... الوردي

;)


مافى على تعليم القرمبع فالطبخ القرمبع عنده خبره خمسين سنه ببلاش:eek:

[فتى تاروت]

:D

:انت كذا:

[ichtar]

السلام عليكم جميعا

من الطبخات اللي كانو اهل اللول ايسووها ولاازالت للحين: البرنجوش "المحمر"...هادي الطبخه ما على الضن احد مايعرفها....اهل اللول ايسووها على كل وكت, الحين لا صارت من ضروب التراث ... ايسووها بس في المعاريس..."عيش ودبس أو شكر مع السمچ المگلي -- صافي أو شحاديد...

ومن الطبخات بعد اكو طبخه ايسموها المسمر....هادي عيش وربيان وبالمصطلح الحديث - كبسة الربيان...وانا اللول ادا سوتها الوالده اجي من لدواره في النخايل جوعان اگول لأمي: اماه وشو الغدا, اترد عليي: الغدا اليوم يولدي ربيان امسمر...عاد انا مافهم وشو يعني امسمر, اگعد انصنص وافزع البيت من الصريخ علمبالي امي سمرت الربيان في العين وغدانا بيصير عيش موملح من غير اودام.

يالله انشوفكم على خير :حيو:

[DIAMOND]

الرسالة الأصلية كتبت بواسطة ichtar
السلام عليكم جميعا

من الطبخات اللي كانو اهل اللول ايسووها ولاازالت للحين: البرنجوش "المحمر"...هادي الطبخه ما على الضن احد مايعرفها....اهل اللول ايسووها على كل وكت, الحين لا صارت من ضروب التراث ... ايسووها بس في المعاريس..."عيش ودبس أو شكر مع السمچ المگلي -- صافي أو شحاديد...

ومن الطبخات بعد اكو طبخه ايسموها المسمر....هادي عيش وربيان وبالمصطلح الحديث - كبسة الربيان...وانا اللول ادا سوتها الوالده اجي من لدواره في النخايل جوعان اگول لأمي: اماه وشو الغدا, اترد عليي: الغدا اليوم يولدي ربيان امسمر...عاد انا مافهم وشو يعني امسمر, اگعد انصنص وافزع البيت من الصريخ علمبالي امي سمرت الربيان في العين وغدانا بيصير عيش موملح من غير اودام.

يالله انشوفكم على خير :حيو:
مشكورياichtar i

[طيف]

:( :( :(

[حسين الرويعي]

موضوعك حلو

ونبي الاكثر;)

[فتى تاروت]

أقول شباب وش رايكم

عيش ويا لبن :D :D :D

يعني الرز الأبيض الساخن أو البارد مع اللبن البارد

قديمه مره مره مره هذه يوم كان عندي 6 سنوات كنت اتسحر

عيش ويا لبن راحت أيام أول

رمضان الجاي لازم آكل عيش ويا لبن ;) ضروري

فتى تاروت

[أرض الغري]

صدقت يافتى تاروت ما في على العيش واللبن
ويلي عليه لذيذ لكن ويش تدري افادي في ويش
افادي في بشميل جان احد يسوي ليي اكون له ممتن والله

[..صاحبة السمو..]

تسلمو على التجاوب

وشكلهم الشباب متواضعين مرره

ويوعنين مره مره يالله بالعافيه على قلبكم

وذكرونا عاد :انت كذا:

[باب العين]

أنا ما أعرف أطبخ ، بس أعرف أسوي سندويش.

سندويشة بالموز : وهي سهلة ولا يمبى ليها شرح ، صمولة من المخابز الوطنية ، مع موز بلدي بس ما أدري موجود أو لا ، هذا الموز أحسن من الموز الصومالي والفلبيني.


والسندويشة الثانية بالرطب ، صدقوني تهبل ، جربوها ، مع رطب خلاص ولا تنسوا تشيلوا الطعام .

أما ادا بغيتوا فطور خوش فطور ، خبز تنور مع حب رمان ، أخ يا باي.:p :p

[زنجبيل]

مشكورة اختي صاحبة السمو على هلموضوع :فرفشه:

[..صاحبة السمو..]

أخوي باب العين من جد انت تتكلم :(

صاحبة السمو :(

[فتى تاروت]

:eek: :eek: :eek: :eek: :eek:

باب العين

هذا أكل ولا شرب ؟؟

ههههههه أول مرة أسمع بها عطنا تفاصيل موز ويا صمول

يمكن يسووها في البوفية

فتى تاروت

:انت كذا:

[أم حُسين]

في طبخة حلوة و خفيفة اسمها المبصل بس مو متأكدةمن المقادير راح أسأل و أعطيكم الوصفة أكيد هي لذيذة مررررررررررررة

[باب العين]

معاكم في الطبخات :

في طبخة وليست طبخة ، كانت الوالدة تسويها زمان ( الفتيت )

المقادير : طحين ، دهن بقر ، تمر خنيزي منزوع منه الطعام أو النواة ، فلفل هنود.

الطريفة : يحمص الطحين حتى يحمر ، و يمرس التمر حتى يكون مثل العجين ، ثم يخلط مع الطحين والدهن والفلفل ويمرس حتى يكون لا يعف التمر من الطحين وكنا نحن نشكله على شكل كور .

وهذه الأكلة تصلح في الشتاء ، ربما هي تشبه المعمول.


وهناك طبخة ترافية تسمى العقيلي .

المقادير طحين من عند الخباز من النوع الممتاز واللي يووا به عصيد ، بيض حسب مقدار الطحين ، سكر ، مع دهن بقر.

تخلط هذه المقادير ببعضها البعض وتمزج جيدا حتى يكون كخليط الكعك ،

ثم يصب هذا المزيج في كاس معدني متوسط ودائري ، ويوضع تحت جمر المنقلة ، ويراقب حتى ينضح أو يحمر ، وهذا ما يسمى الكيك في أيامنا هذه.

[..صاحبة السمو..]

ماشاء الله عليك ياباب العين مأخذ الدكتوراه في الطبخات القديمه :انت كذا:

[فتى تاروت]

:انت كذا: :انت كذا: :انت كذا: :انت كذا:

أخوي باب العين ممتاز جداً

على فكرة فيه ناس تحب تأكل أشياء ما مرت علي من قبل

مثل ربيان نسمه ويا صمول

أو صمول فيه صاص بس

أو صمول ويا عدس

يعني حاجات غريبة

أقول لك شيء مضحك ما قدرت أمسك نفسي من الضحك لما شفته

شفته واحد من الشباب تعشينا وياه

وعلى العشاء فيه أشياء كثيرة يعني فقال ألحين أنا أجلس آكل هذا

وبعدين هذا وبعدين هذا ليش يا ولد الحلال

أخذ الطاسه وخلط الثلاثة أنواع ويا بعض وأكلهم مرة وحدة

ويوم قلنا له يروح الطعم مال الأكل ؟؟ قال أحسن من أني آكل ثلاث مرات شغله هي ؟؟

بالفعل شيء غريب أول مرة أشوفه :)

فتى تاروت

[..صاحبة السمو..]

مشكور اخوي فتى

انا اسمعت بالحركه هذي (انك تخلط الاكل)

بس شرايك تجربها انت:rolleyes: وتقول لنا رايك فيها

باب العين وين الطبخات ننتظر منك شي جديد

[باب العين]

نمسيكم بالخير ، شحالكم شحال جهالكم .

ويش عفر ، يصاحبة السمو ، لا يكون سويتوا من طبخاتي وعجبتكم ؟

يا الله ما يخالف اولادنا وبناتنا ما يجوز ليهم طبخات الأول ، غير الحين ما يمبوا الا هم بقر اه ؟ حتى لو هم غنم يمبوه ، وبعضهم طايحين في صنم بوسه ، جعل الصنم شاروم ينشرم نصافين.


ما علينا تمبوا طبخة ، عندي ونا بو حمدي , ( بيض مقضض )

بيضتين كفاية لنفر , بس بيض دياج عربي وياريت من عند بت حجي صالح .

يسلق البيض ثم يقشر ، وبعد ما ينضج العيش ويصير جاهز حطوا البيض تحت الصفرية مع شوية دهنة وشوية فلفل ، وعودوا حطوه على الضو على شان يتحمر كلها مايجي خمس أو عشر دقايق ويصير ويش حلاوته.

هدي الطبخة زينة للوالد ( النفساء)

[..صاحبة السمو..]

مشكور بابا باب العين ولا تبخل علينا عاد

عطينا من الطبخات الحلوه

:انت كذا::انت كذا:

بنتك ...صاحبة السمو...

[باب العين]

العفوسة :


المقادير : كوب رطب اخلاص وكوب طحين ، نص كاس دهنة بقر

طريفة عمل العفوسة سهلة وهي : نزع قشر الرطب مع النواة .

يحمص الطحين قليلا أو حسب الرغبة . ثم يخلط الرطب مع الطحين والدهن ، و يحرك الخليط حتى يتماسك الخليط ويكون مثل العصيد , ثم يوضع في صحون ويزبط كا لعصيد.

[حسون الحنون]

هلا بيكٍ اختي صاحبة السمو على هاذي الطبخة القديمة الرائعة وتسلم يمناكٍ ولكن ليش ما تحبيها سألت امي قالت لي انها طبخة لذبذة واجد وكانوا يعملوها بكثرة انتي جربيها وشوفي بس يمكن تقولي كل يوم راح اسويها من حلاوتها
تحياتي

اخوكم حســــــــــــــــــــــــــــــــــــــــــــــــ ـــــــــــــــــــــــــــــــــــــن

[..صاحبة السمو..]

اسفه اخوي لا استطيع :confused:

صاحبة السمو