روح الحياة
06-07-02, 01:46 PM
حجايات زواج الأوليات 1
هذي .. قصيدة لأم نادر الله يرحمها برحمته.. قصيدة
تحجي عن زمان اول ..
سمعوا ها لقصيدة وافهموا زين وشوفوا صبر أهل لول الطيبين
تحجي لكم أم نادر هلحجايات تعلمكم عن العصر الذي فات
حجايات النساء الأوليات يبنتي اتونسي ولا تستهمين
أظنش مادريتي بالجرى وصار ولا سمعتي أحاديث القديمين
عادات الأوائل دفهميها يخطبوا البنت ويسلموا ليها (يدفعون المهر)
وتتقبل اللي يجيبوا اليها ولا تشترط بشقة مثل الحين
ايدخلون الولد في حجرة أمه لو عند عمته لو بيت عمه
ولا للولد عند الأهل كلمة مايقدر ايقول هالشي مهو زين
اما الفتاة ليلة دخلتها ايجيبوا لها مرا اتزبط قصتها (تعمل لها تسربحة)
تعدلها وتلبسها زينتها اتعطرها ابعطر الفاخر الزين
مايجيبوا ليها من الأجانب لاقص شعر لاحف الحواجب
ولا يعدلونها غير الحبايب وكلها امبختره بالمشمر الزين (تلبس عباءة مزهرة)
يلبسوها الزري أشكال والوان ويخلوها مثل وردة البستان (خيط مذهّب لتزيين الملابس)
وييها حافة جملة الجيران عدوتها اتعوذها من العين
إذا من ارسلوا المرسول ليها ايطلعون الحبايب حافيها (واقفين يظللونها)
وكل انسابها متحاوليها وعليها اردى اناجر من الطيبين (يحيطون بها)
وكل اهل الفريق تمشي وراها وهي متسترة وماحد يراها
وعمتها وخالتها معاها ايعوذوها عن اعيون الشياطين
واما الذي تاخذ العيلة يعطوها حاجات القليلة
وطول انهار متلوته بالشيلة ولا تجرع تلبس مشمر الزين (ملفوفة بقماش أسود) (لا تستطيع)
واذا زعلت الوحدة ويَّا رجلها العمة والحماه يقولون خلها
خلها تنجب في بيت اهلها والعم يقول طلقها من الحين (تجلس ولا تسأل عنها)
اووحدة اتقول له مرا وحرقوا قلبها وبدال العرس عرسوه عرسين
ايخلون المرا تمشي ابقهرها وحتى لو هي حامل في شهرها
ايقولون للريَّال لاتييب خبرها وبدال المرا ابنعطيك ثنتين
استاذه للحوامه والتلابيس واستاذه لروحة المعاريس (الطلعة واللبس الجميل)
ومن تحضر حضر وياها ابليس ماهي قابلة منَّا حجي الزين
واما اللي من اعيالها تخاف ايخلوها تشوي سمج لجواف (سمك صغير كثير العظام)
وذاك البيت من الدخان ماينشاف والعمة جنها بنت السلاطين
والعم يقول هالقهوة اقليها ولمي هالفوانيس ومششيها (اجمعي المصابيح ونظفيها)
وعدليها وحطي كاز فيها وقعدي حارسينا انيي من العين (نوع من أنواع الوقود) (انتظرينا)
غذانا اليوم أبداً ماإله ذوق واما السمج سويتيه محروق
حطيته وشفت الشلبه من فوق واما العيش لين يشبه الطين (حبة رز صفراء رديئة)
اوحده اتقول اللحمة ماغلتها وحمصة البصل ماغمقتها
عفر مستعجلة على بيت ختها جنها غابَّه عنهم من اسنين (يمكن) (كأنها غائبة)
إذا اتنفّر الغذا من عندها اتحط الحرايق في ولدها (إذا سقط على الأرض)
تمشي ودمعتها اعلى خدها وتقول اييب العيش من وين (الرز)
إذا انكسرت من عندها الجره تتجيرم ولا تدخل الحجرة (تظن أنها فعلت خطيئة)
كل من يجي يعطيها زمرة واما الرجل يعطيها جمعين (يرفع صوته عليها)
انتظروا سالفة هالمرة (الحرمة)في القسم الثاني ... قريباً
مفردات :
ويسلموا ليها (يدفعون المهر)
اتزبط قصتها (تعمل لها تسريحة)
امبختره بالمشمر (تلبس عباءة مزهرة)
الزري (خيط مذهّب لتزيين الملابس)
حافيها (واقفين يظللونها)
متحاوليها (يحيطون بها)
اردى أناجر (الرِّداء الفاخر)
متلوته بالشيلة (ملفوفة بقماش أسود)
ولا تجرع (لا تستطيع)
تنجب (تجلس ولا تسأل عنها)
للحوامه والتلابيس (الطلعة واللبس الجميل)
سمج لجواف (سمك صغير كثير العظام)
ولمي هالفوانيس ومششيها (اجمعي المصابيح ونظفيها)
كاز (نوع من أنواع الوقود)
حارسينا (انتظرينا)
الشلبه (حبة رز صفراء رديئة)
العيش (الرّز)
عفر (يمكن)
جنها غابَّه (كأنها غائبة)
إذا اتنفّر (إذا سقط على الأرض)
تتجيرم (تظن أنها فعلت خطيئة)
روح الحياة
:D
هذي .. قصيدة لأم نادر الله يرحمها برحمته.. قصيدة
تحجي عن زمان اول ..
سمعوا ها لقصيدة وافهموا زين وشوفوا صبر أهل لول الطيبين
تحجي لكم أم نادر هلحجايات تعلمكم عن العصر الذي فات
حجايات النساء الأوليات يبنتي اتونسي ولا تستهمين
أظنش مادريتي بالجرى وصار ولا سمعتي أحاديث القديمين
عادات الأوائل دفهميها يخطبوا البنت ويسلموا ليها (يدفعون المهر)
وتتقبل اللي يجيبوا اليها ولا تشترط بشقة مثل الحين
ايدخلون الولد في حجرة أمه لو عند عمته لو بيت عمه
ولا للولد عند الأهل كلمة مايقدر ايقول هالشي مهو زين
اما الفتاة ليلة دخلتها ايجيبوا لها مرا اتزبط قصتها (تعمل لها تسربحة)
تعدلها وتلبسها زينتها اتعطرها ابعطر الفاخر الزين
مايجيبوا ليها من الأجانب لاقص شعر لاحف الحواجب
ولا يعدلونها غير الحبايب وكلها امبختره بالمشمر الزين (تلبس عباءة مزهرة)
يلبسوها الزري أشكال والوان ويخلوها مثل وردة البستان (خيط مذهّب لتزيين الملابس)
وييها حافة جملة الجيران عدوتها اتعوذها من العين
إذا من ارسلوا المرسول ليها ايطلعون الحبايب حافيها (واقفين يظللونها)
وكل انسابها متحاوليها وعليها اردى اناجر من الطيبين (يحيطون بها)
وكل اهل الفريق تمشي وراها وهي متسترة وماحد يراها
وعمتها وخالتها معاها ايعوذوها عن اعيون الشياطين
واما الذي تاخذ العيلة يعطوها حاجات القليلة
وطول انهار متلوته بالشيلة ولا تجرع تلبس مشمر الزين (ملفوفة بقماش أسود) (لا تستطيع)
واذا زعلت الوحدة ويَّا رجلها العمة والحماه يقولون خلها
خلها تنجب في بيت اهلها والعم يقول طلقها من الحين (تجلس ولا تسأل عنها)
اووحدة اتقول له مرا وحرقوا قلبها وبدال العرس عرسوه عرسين
ايخلون المرا تمشي ابقهرها وحتى لو هي حامل في شهرها
ايقولون للريَّال لاتييب خبرها وبدال المرا ابنعطيك ثنتين
استاذه للحوامه والتلابيس واستاذه لروحة المعاريس (الطلعة واللبس الجميل)
ومن تحضر حضر وياها ابليس ماهي قابلة منَّا حجي الزين
واما اللي من اعيالها تخاف ايخلوها تشوي سمج لجواف (سمك صغير كثير العظام)
وذاك البيت من الدخان ماينشاف والعمة جنها بنت السلاطين
والعم يقول هالقهوة اقليها ولمي هالفوانيس ومششيها (اجمعي المصابيح ونظفيها)
وعدليها وحطي كاز فيها وقعدي حارسينا انيي من العين (نوع من أنواع الوقود) (انتظرينا)
غذانا اليوم أبداً ماإله ذوق واما السمج سويتيه محروق
حطيته وشفت الشلبه من فوق واما العيش لين يشبه الطين (حبة رز صفراء رديئة)
اوحده اتقول اللحمة ماغلتها وحمصة البصل ماغمقتها
عفر مستعجلة على بيت ختها جنها غابَّه عنهم من اسنين (يمكن) (كأنها غائبة)
إذا اتنفّر الغذا من عندها اتحط الحرايق في ولدها (إذا سقط على الأرض)
تمشي ودمعتها اعلى خدها وتقول اييب العيش من وين (الرز)
إذا انكسرت من عندها الجره تتجيرم ولا تدخل الحجرة (تظن أنها فعلت خطيئة)
كل من يجي يعطيها زمرة واما الرجل يعطيها جمعين (يرفع صوته عليها)
انتظروا سالفة هالمرة (الحرمة)في القسم الثاني ... قريباً
مفردات :
ويسلموا ليها (يدفعون المهر)
اتزبط قصتها (تعمل لها تسريحة)
امبختره بالمشمر (تلبس عباءة مزهرة)
الزري (خيط مذهّب لتزيين الملابس)
حافيها (واقفين يظللونها)
متحاوليها (يحيطون بها)
اردى أناجر (الرِّداء الفاخر)
متلوته بالشيلة (ملفوفة بقماش أسود)
ولا تجرع (لا تستطيع)
تنجب (تجلس ولا تسأل عنها)
للحوامه والتلابيس (الطلعة واللبس الجميل)
سمج لجواف (سمك صغير كثير العظام)
ولمي هالفوانيس ومششيها (اجمعي المصابيح ونظفيها)
كاز (نوع من أنواع الوقود)
حارسينا (انتظرينا)
الشلبه (حبة رز صفراء رديئة)
العيش (الرّز)
عفر (يمكن)
جنها غابَّه (كأنها غائبة)
إذا اتنفّر (إذا سقط على الأرض)
تتجيرم (تظن أنها فعلت خطيئة)
روح الحياة
:D