باب العين
01-05-04, 12:04 PM
هو ابو عبد الأمير الحاج حسن الفارس من أهالي تاروت .
نراك تتعكز ، وتمشي بصعوبة وعلى اقل من مهلك ، لكنك لا تستلم الى الركون الجلوس يا حاج حسن .
ايه والله يا ولا دي ، الكبر شين ، گبل كم سنة أمشي هرولة ، والحين عدبت المية ، وأخويي ابو رضا أكبر مني .
من هو أكبر أنت أم ابو حسن غنام ( الخباز )
لا والله يا ولادي ، الحگيگة أنا أكبر منه .
ما هي المهن التي كنتم تعملون بها ؟
المهن ما هي خافية على أحد ، والى اليوم والى باچر : البحر – الفلاحة – البني – صناعة الفخار – المگلع : وهو اخراج الصخور من البحر . وغيرها .
وانت يا حاج حسن أين اشتغلت ؟
اشتغلت في البحر واحد ، بعدين كتبت في ارامكو وتقاعدت ورديت اشتغلت في البحر ويا اولاد أحمد رحمهم الله ، وانا الحين متقاعد ويمشوا لي معاش من ارامكو .
سمعنا أن الجنانوة يطلعوا للناس الأول ، صحيح ؟
في الحگيگة كانوا يطلعوا بس ما نشوفهم ، الا على هيئة عافور نار أو دخان ، أويتشكلوا على هيئة سنور أو چلب أو عوى .
وانا في يوم من الأيام طلع ليي واحد اسمع صوته بس ما اشوفه ، ونا امشي بين النخايل وهو من مسگى لمسگى واسمعه يبربگ في المسگى ، وانا حاط منجلي على چتفي واگول له ادا فيك خير اطلع خلني اشوفك .
زين وانت ما خفت منه ؟
اسكت بس ، انا اگول له چديه وانا راشگ في فيابي .
زين ليش ما تخلينا نجلس معاك جلسة ، وناخد وياك مقابلة ؟
انا ما اگعد في البيت ، دوم اطلع من البيت للسوگ ، ومن البيت للسموعة ، حتى في يوم جوني ناس من الكويت على ما اظن ، وگالوا انهم من التلفزيون يبغوا يعكسوني .
تحفظ اشعار مال اهل لول ؟
ايه ، ومواويل بعد واعرف انهم .
زين يا حاج حسن ونستنا ، خسارة ما هي حزة لقاء الحين بس مرة ثانية ان شاء الله ناخد اياك مقابلة .
والله اتنون اللي ونستوني ، الله يحفظكم
نراك تتعكز ، وتمشي بصعوبة وعلى اقل من مهلك ، لكنك لا تستلم الى الركون الجلوس يا حاج حسن .
ايه والله يا ولا دي ، الكبر شين ، گبل كم سنة أمشي هرولة ، والحين عدبت المية ، وأخويي ابو رضا أكبر مني .
من هو أكبر أنت أم ابو حسن غنام ( الخباز )
لا والله يا ولادي ، الحگيگة أنا أكبر منه .
ما هي المهن التي كنتم تعملون بها ؟
المهن ما هي خافية على أحد ، والى اليوم والى باچر : البحر – الفلاحة – البني – صناعة الفخار – المگلع : وهو اخراج الصخور من البحر . وغيرها .
وانت يا حاج حسن أين اشتغلت ؟
اشتغلت في البحر واحد ، بعدين كتبت في ارامكو وتقاعدت ورديت اشتغلت في البحر ويا اولاد أحمد رحمهم الله ، وانا الحين متقاعد ويمشوا لي معاش من ارامكو .
سمعنا أن الجنانوة يطلعوا للناس الأول ، صحيح ؟
في الحگيگة كانوا يطلعوا بس ما نشوفهم ، الا على هيئة عافور نار أو دخان ، أويتشكلوا على هيئة سنور أو چلب أو عوى .
وانا في يوم من الأيام طلع ليي واحد اسمع صوته بس ما اشوفه ، ونا امشي بين النخايل وهو من مسگى لمسگى واسمعه يبربگ في المسگى ، وانا حاط منجلي على چتفي واگول له ادا فيك خير اطلع خلني اشوفك .
زين وانت ما خفت منه ؟
اسكت بس ، انا اگول له چديه وانا راشگ في فيابي .
زين ليش ما تخلينا نجلس معاك جلسة ، وناخد وياك مقابلة ؟
انا ما اگعد في البيت ، دوم اطلع من البيت للسوگ ، ومن البيت للسموعة ، حتى في يوم جوني ناس من الكويت على ما اظن ، وگالوا انهم من التلفزيون يبغوا يعكسوني .
تحفظ اشعار مال اهل لول ؟
ايه ، ومواويل بعد واعرف انهم .
زين يا حاج حسن ونستنا ، خسارة ما هي حزة لقاء الحين بس مرة ثانية ان شاء الله ناخد اياك مقابلة .
والله اتنون اللي ونستوني ، الله يحفظكم