من بشاركنا في تأثيث بيت أبوي العود..

[عنابه]

سلام
توه أبوي العود مخلص من بناي بيته هو لي بناه مع أخوته وأولاد أخوته والحين يبينا نأثث بيته
يالله كل واحد يكتب لينا مما يتكون أثاث بيته مع شرح وظيفته كل قطعه فيه؟:)
عنوبه

[فارس حزن]

أذكر الصندوق الحديدي .. واللي يعبر عن الشنطة حالياً
وعادة كان يستخدم في السفر للعراق ..

ويعتبر صندوق تجوري في البيت أيضاً ..

لكم تحياتنا .، وشكراً

[الأيــــام]

بسم الله-1

إذا كان جدك الله يخليه يا أختي عنابه قديم واااااجد..
أكيد سيحتاج إلى الكرفاية !!!

الكرفاية هو السرير :o


* الموضوع روعة يا أختي عنابه
ربي يخليك،،،



أخوكم: الأيام

[فارس حزن]

أهم شيء الأكل ..

أكيد تذكرون السفرة اللي كنا نتعشى عليها ونتغذى ..
واللي خوص النخل .. " السعف " !!

انا لحقت عليها فترة وطبعاً بعد الوجبة تغسل وتنشر يومياً ..

امي العودة بعدهي تسوي .. السفرة للي يطلبوا منها ..

[ميثاق]

خيوه عنابة لاتنسوا الشربة او الحب..
عشان تشربوا الماي بارد في ايام الصيف الحارة ;)

[عنابه]

فارس حزن
الصندوق الحديدي او الخشبي
الخشبي المنحوت والمطرز با المسامير الذهبي او الفضيه او الملونه
وهو ما يدخل البيت مع أغراض العروس وهو مثابة كبت الملابس الحالي
أما الحديد وهو ما يسمى با تجوري وكان يحتفض فيه المال وايضا كل ثمين
وشكراً الإطالتك ونتظر مزيدك
الأيام
الله يرحمه
الكرفاية!!!
هل هي الكرسي التي تشبه السرير؟
ونتظر أطالتك من جديد

فارس حزن
أجل السفرة وهي دائرة الشكل وتأتي باالونين العنابي والاصفر
ومن يحب يحتفض با التراث يقصد فارس حزن:انت كذا:
ميثاق
أجل كنت على وشك نسيانها وهي عباره عن جرة كبيرة الحجم يضع فيها الماء وتغطى با قطعة من الخشب التحتفظ ببرودة الماء
ما زال امامنا الكثير التأثيث فمن يشاركنا:)
عنوبه

[باب العين]

موضوعش عنابة فيه ريحة تراث ، فشكراً لك .

ما دام رجعنا الى بيت ابونا وامنا العودين ، فأكيد ساكن اياهم ابونا وامنا وعمنا وعمتنا .

و لا يخلى البيت من مولود جدبد (دادو) وهذ الدادو يحتاج الى منز وهو سرير مصنوع من جريد النخل ينوموا في الجحاهل وينزوه اذا صاح على شان يسكت وينام .

ما يخلى البيت العود من الكنب بس الكنب القديم عبارة عن گواعيد ويحتاج البيت القديم الى دواشگ سواء للنوم أو للمجلس والدواشگ ما ينفرشوا على التراب ، بل نحتاج الى الحصر جمع حصير أو مديد جمع مدة .

طبعاً لم يكتمل الأثاث بعد ، يا الله كملوه وفرحوا أبونا وأمنا العودة .

[عنابه]

والمجالس والحوش نحتاج الى مخمت عسق

[شمعة تاروت]

هلا
موضوع حلو
بعديبغي لبيت أبوكِ العود " المهفه" عشان يتمروحوا حر الجو " والغوري الاصفر الكبير "عشان الشاي..

شمعة تاروت

[شروفه]

توني جايه خيوه عنابه صبري عليي شوي وأئفف بيت ابوش

[عاشقة الليل]

هلا خيتو عنابة

يحتاج بتكم إلى قفة من خوص ملونة بالوان جميلة لوضع الأشياء بها

بكرة بسال جدتي وبقول لها

جد عنابة يبغي ياثث من القديم ونشوف ذاكرتها لوين

محبتي يامن تعبقين بالتراث

عاشقة الليل

[عنابه]

شروفة
ونحنوا بنتظاركِ
عاشقة الليل
قفة الوضع الإغراض
شكرا لكِ
نتنظركم
عنوبه

[عنابه]

ونحتاج الى ((دافور)) الطبخ ..

[باب العين]

يحتاج بيت ابونا العود الى الملاّلة .

لا تقولوا ويش هي الملاّلة ؟

هادي يربطوها في السقف واذا عندهم أغراض يبغوا يبعدوها عن الجهال أو عن السنانير مؤقتاً يعلقوها في الملاّلة مثل سمچ مصفط أو رطب توهم جايبينه من النخل في قفته .

[ميثاق]

ونحتاج الى ((دافور)) الطبخ ..

عزيزتي عنابه ..في زمن اجدادنا وقبل وجود الدافور كانوا يستخدموا (كرب النخيل) لاشعال النار والطبخ فوقه وللان مازال بعض الناس يستخدمون الكرب او الخشب للطبخ في رحلاتهم..
صدقيني يصبح للطعام مذاق خاص رائع ..حتى الشاي يتغير طعمه للاحلى.. :انا الحر:

عذرا على تدخلي..
وشكرا لك..

اختك ميثاق :زهره:

[شمعة تاروت]

هلا
عنوبه ماتفكري تخطبي الى ابونا العود ويش الحجه بيت وعنده بس ناقصتن مره خلاص مافي حجه بنت عمه اول به..
خلاص نبي نكمل عرس أبونا العود على الطريقه القديمه يالله ساعدونا..


تحياتى
شمعة تاروت

[شيعيه]

ويه بتعرسوا العود والبيت ماجهز اول نأثث البيت وبعدين جيبوا العروس ..

,إلا ويش رايكم ؟؟

ها ... اني أبي أعطيه (قدور ) جمع قدر وهي عباره عن صفاري (طناجر ) للطبخ لو بتموتوه من الجوع !!!
وبعطيه الميمجه وهي الصحن اللي يحطون فيه الأكل وعليه زخارف ملونه وتكون عباره عن الورد وتكون دائريه ..

[شمعة تاروت]

شحوالكم
هو رايكِ اختى شيعيه صحيح.. بس لازم نزوج العود وبعدين العروس تكمل الأثاث معه ..
ولا وشنوا رايكم؟؟؟

شمعة تاروت