IRAQ
21-11-06, 05:27 PM
يلتبچين خد وعين
دمعاتچ فشكَ من لامسن صدري
صاحن آخ من شافن جروح البين
واصبر بالكَلب والكَلب بيه يجور
يكول شحصلت مو صار چومه سنين
تحصد بالمغمه تلملم بعاكَول
ومن تسمع حجي الوادم تكول شمحله طعم التين
ولچ يا تين هذا الشفته يا رمان
انا بفركَاچ دلالي انجسم نصين
كل الناس من يهجم حزن عاشور
يتكَابل عليه الزين ويه الشين
هذا اليلطم وذاك اليدمي الراس
وفه لحسين اذا ما چان بس للدين
وانه الما شفت ضحچة چذب منچ
ولا دمعه التواسي فكَد المعزين
اريد انذر نذر لو لحظة وافيتي
واشكَ الزيج واتعنه لبو الحسنين
اباتن ليله وحده وما اثنيها
ومن طرة الفجر اتحزم حزامين
واحط ايدي بخوانيج الصبر لمن
يتوب وما يرد يعلب على الحبلين
واكَص ايد المحنه وانسه عمري الراح
خله يروح ما اريدن عمر ميتين
عظم سمچة الكَلب واكَفلي بالزردوم
لا خطار لا هو ويه المعزبين
شحجيلچ بعد يا ريحة التابوت
يا لمة مصايب يا غدر سجين
ـــــــــ
شرح لبعض الكلمات
چ هو حرف يستخدم في العراقيه مكان حرف ال ك في خطاب الانثى وقد يستخدم في غير هذا
فشكَ حرف الكاف مع فتحه هو حرف G في الانجليزيه ومثله كلمة كَلب اي قلب Galob
فشكَ = كلمة عراقيه تستخدم في الارياف كثيرا ومعناها الطلقه او الرصاصه ــ أسلحة
چومة= كثير متراكم
عاكَول = نوع من الزرع كله اشواك ـ غير مثمر ـ عاقول
وادم = ناس ـ آدميين
ولچ= خطاب للانثى يستخدم كثيرا ـ في بعض الاحيان سلبي وآخر ايجابي ـ خطاب نداء
دلالي = الدَّلال هو القلب ـ الياء للمتكلم
انجسم = انقسمَ ـ انشطر َ
يتكَابل= يتقابل ـ هنا ـ يتعاون
وفه = وفاء
چان = كان
ضحچة = ضحكة ـ تستخدم في الشعر او في جنوب العراق خاصة
فكَد = فقد
المعزّين = من اصابتهم مصيبة
اشكَ = امزق
الزيج = هو الثوب او القميص ـ ملابس
اشكَ الزيج = عبارة تستخدم كثيرة في العراق في مرحلة الحزن والغطب معاً
طرةْ الفجر = عند الفجر
خوانيج = البلعوم ـ تعبير مجازي هنا ـ من خنق يخنق
اكَص = اقص ـ اقطع
المحنـَّه = الحنيه والعطف
سمچه = سمكه
زردوم = المريء ـ ما يلي الحلق عند مضغ الطعام
معزبين = مفرد ـ معـزِّب ـ كلمة معروفه في الخليج كلهِ
لمـَّـه = جـَـمْــعه ـ مجموعه
اخيراً ــ خد وعين ـ يعني بينَِ بين ـ
تحياتي لكم
من كتابات
اخوكم
عراقــ
دمعاتچ فشكَ من لامسن صدري
صاحن آخ من شافن جروح البين
واصبر بالكَلب والكَلب بيه يجور
يكول شحصلت مو صار چومه سنين
تحصد بالمغمه تلملم بعاكَول
ومن تسمع حجي الوادم تكول شمحله طعم التين
ولچ يا تين هذا الشفته يا رمان
انا بفركَاچ دلالي انجسم نصين
كل الناس من يهجم حزن عاشور
يتكَابل عليه الزين ويه الشين
هذا اليلطم وذاك اليدمي الراس
وفه لحسين اذا ما چان بس للدين
وانه الما شفت ضحچة چذب منچ
ولا دمعه التواسي فكَد المعزين
اريد انذر نذر لو لحظة وافيتي
واشكَ الزيج واتعنه لبو الحسنين
اباتن ليله وحده وما اثنيها
ومن طرة الفجر اتحزم حزامين
واحط ايدي بخوانيج الصبر لمن
يتوب وما يرد يعلب على الحبلين
واكَص ايد المحنه وانسه عمري الراح
خله يروح ما اريدن عمر ميتين
عظم سمچة الكَلب واكَفلي بالزردوم
لا خطار لا هو ويه المعزبين
شحجيلچ بعد يا ريحة التابوت
يا لمة مصايب يا غدر سجين
ـــــــــ
شرح لبعض الكلمات
چ هو حرف يستخدم في العراقيه مكان حرف ال ك في خطاب الانثى وقد يستخدم في غير هذا
فشكَ حرف الكاف مع فتحه هو حرف G في الانجليزيه ومثله كلمة كَلب اي قلب Galob
فشكَ = كلمة عراقيه تستخدم في الارياف كثيرا ومعناها الطلقه او الرصاصه ــ أسلحة
چومة= كثير متراكم
عاكَول = نوع من الزرع كله اشواك ـ غير مثمر ـ عاقول
وادم = ناس ـ آدميين
ولچ= خطاب للانثى يستخدم كثيرا ـ في بعض الاحيان سلبي وآخر ايجابي ـ خطاب نداء
دلالي = الدَّلال هو القلب ـ الياء للمتكلم
انجسم = انقسمَ ـ انشطر َ
يتكَابل= يتقابل ـ هنا ـ يتعاون
وفه = وفاء
چان = كان
ضحچة = ضحكة ـ تستخدم في الشعر او في جنوب العراق خاصة
فكَد = فقد
المعزّين = من اصابتهم مصيبة
اشكَ = امزق
الزيج = هو الثوب او القميص ـ ملابس
اشكَ الزيج = عبارة تستخدم كثيرة في العراق في مرحلة الحزن والغطب معاً
طرةْ الفجر = عند الفجر
خوانيج = البلعوم ـ تعبير مجازي هنا ـ من خنق يخنق
اكَص = اقص ـ اقطع
المحنـَّه = الحنيه والعطف
سمچه = سمكه
زردوم = المريء ـ ما يلي الحلق عند مضغ الطعام
معزبين = مفرد ـ معـزِّب ـ كلمة معروفه في الخليج كلهِ
لمـَّـه = جـَـمْــعه ـ مجموعه
اخيراً ــ خد وعين ـ يعني بينَِ بين ـ
تحياتي لكم
من كتابات
اخوكم
عراقــ