كوآليس جوالات المنتدى مع روعه بكلمتي

[ليث الديرة]

مساء الخير يا حلوين
. .
بدايةً
أشكر صاحبة الموضوع الجميل ( روعة بكلمتي )
و صاحبة الدعوة ( Special )

يلا بينا

آسمً جوآلكً المتعآرفَ عليهً ؟ ونوعهً ؟
جوالي القديم نوكيا 2630 طبعاً لحد الآن أستخدمه

و هذا جوالي الجديد .. صار عندي من يوم الإثنين
سامسونج ( Omnia 2 )

جآكَ هديهً آو انتَ آشتريتهً اوَ كيفَ جبتهً ؟

اثنينهم هدية من عند أختي الكبيرة الله لا يخليني منها يا رب

هلَ تهتمَ بتغيرَ جوآلكَ كلَ سنهً ومعَ كل موديلَ جديدَ ؟

لا و الله ما عندي هالإهتمام .. بس أحس إنّي استهلكت الجوال أبدله .

رقمكَ مميزً آو لاً ؟ وهلَ تهتمَ فيَ تميزً رقمكً ؟

امممـ .. يعني نص مميّز فيه أرقام متكررة .

الحينً صآرَ الاغلبً منَ الشبآبَ معهمَ شريحتينً آو رقمينً ، هلً انتَ منهمً ؟ ولمآذآ ؟
( للمغآزلَ ، للكشخهَ ، واحدً عام واحدَ شحنً ... الخً )

اللوّل كان عندي شريحتين .. مخصّص وحدة حق الشباب و الثانية للأهل
و حالياً أستخدم شريحة وحدة للجميع .

شخصً لاتمسحَ رسآلهً منَ البريدً ؟ شخصهً كمانً :$

أساساً أنا ما أمسح رسايل .. بس إذا في أحد مستحيل أمسح رسايله هي أمّي
قسماً رسايلها وناسة
جيب وياك خبز .. جيب وياك لبن .. متى بترجع باجر عندك دوام
أستانس و أنا أقراهم

شخصً تنتظرَ مكآلمتهً ؟ وكمآنَ شخصهَ آذآ فيهً يعنيً : $

no body

رقمكَ هلَ تعطيهً آيَ حدَ يطلبكً حتىً لوَ كآنَ من النتً ؟

لا طبعاً .. مو أي أحد
مطعم أنا عفر

مينً الليً يعرفَ رقمكً منً المنتدى ؟

أغلب الشباب
( ألماس - الخيال - الخنفروش - أنجلو - ميت غرام - بلا قيود - كلّي إحساس ) .. إلخ

هلَ صآدفكً فترةَ آزعاجً منَ رقمً غريبً ؟ " قولً القصهً كآملهُ "

لا مو لدرجة إزعاج .. بس كانت أصوات ما أعرفها و لا حبيتها
آخرها كان في رقم يشبه رقمي من الأخير
كانوا عن حساب يبغوا يشتروا رقمي بس سالفتهم كانت أكبر يمكن
المهم إنّي عرفت أصحاب الرقم عن طريق بنت أختي .. و بنت أختي ما قصّرت وصّلت لأهلهم السالفة
و الحمد لله الحين ماكو لا إزعاجات .

آحدً قدً سوىَ فيكً مقلبَ عنً طريقَ الجوالَ ؟ معَ ذكرُ المقلبً

لا الحمد لله .. أصلاً من أحس إنّي مو مرتاح من المكالمة أقفّل على طول
لا يستوي عليي تسجيل بعد

انتَ قدَ سويتَ مقلبَ فيَ آحدَ عنَ طريقَ الجوالَ ؟

هههههههـ .. سويت مقالب واجد .. بس في مقلب ما أنساه
مرّة اتصلت حق سبايسي ميل و طلبت طلبية بـ 80 ريال
باسم واحد من الشباب .. و عطيتهم عنوان بيته و رقم بيتهم
بعدين سألته يوم ثاني ويش صار وياك البارحة ..؟
قال على ويه .. قلت له كيف التورتيلّا وياك
قعد يلاحقني و أنا ميّت ضحك عليه

آذآ عندكَ خوآتَ آيشَ تتدلعهمَ بجوالً ؟ وآذآ ماعندكَ تخيلَ آن عندكَ خوآتَ ، آذآ كنتَ تعرفَ الدلعً يعنيً

طبعاً نعرف ندلّع خواتنا
مدلعنهم على حسب أول حرف من أساميهم
يعني اللي يبتدي اسمها بحرف ( ن ) مسمينها ( نانا )
و اللي يبتدي بحرف ( م ) مسمينها ( ميمو )
و اللي بحرف ( ك ) ( كارمينا ) .. و هكذا يعنو

آسمً الوآلدَ والوآلدهَ فيَ جوالكً ؟ يآ برَ الوالدينً

أبويي لو كان عنده جوال كنت سميته ( بابي ) بس ما يبغى يقتني هذي التقنية الوالد
و أمّي مسمينها ( أحلى ماما )

هلَ لكلً شخصً فيَ جوالكً نغمهَ محددهَ أو لاً ؟ معّ ذكرَ السببً ?

لا .. بس أمي مخصص ليها نغمة ( أمي يا أول حب عشته بدنياي )

هلَ بـ آمكآنكً الاستغنآءَ عنَ جوالكَ لمدة يومَ كآملً ?

لا .. ما أقدر أستغني عنّه و لا ساعة .

الجوآلُ الليَ يعجبكً شكلهً ؟

سوني أريكسون الأخير .. يا لبّى قلبه .. فديت كيبورده أنا

برنآمجَ تحبهً فيَ جوآلكً ؟

بما أني من هواة التصوير .. أحب يكون في جوالي
برنامج ( صانع الأفلام )

آغنيهً تهديهآ لجوآلكً ؟

ما علينا يا حبيبي ما علينا .. من كلام الناس ما كنّا درينا
لو يقولوا عنّنا مهما يقولوا .. انتهينا عاد احنا إلّا بدينا

. .

ختاماً .. أشكر مُشرفتينا المعطاءتين ~ روعة بكلمتي ~ & ~ Special ~

و باقة نسرين لكل من تعطّر اسمي بين أنامله
تحيتي لكم.

[Zain Ali]

عجبني جهازك الثاني ،،

تتهنى !

[نـور الدنيا]

ما رشحت أحد بعدك ليث ؟


بإنتظار العضو الجديد ..

[أجمل إحساس]

حركت أبو الليوث الماما ترسل لك رسايل
يبغالي أعلم الماما كان ترسل لي

[الخيال]

حركتكات ليث

طلعت مو هين هع

بس ما ذكرت المقلب اللي سويته فيي قبل بداية الاختبار

[ليث الديرة]

بنت العلي/ تعجبش العافية يا رب .. و الله يعطيش مثله و أحسن
نور الدنيا/ على راسي يا نور الدنيا .. الحين أفكّر ليكم في عضو و أرشحه
أجمل إحساس/ إي و الله .. ضروري تكلم مامتك ترسّل لك .. حتى لو قالت لك جيب .. ودّي .. قسماً إنهم أحلى رسايل
الخيال/ هههههههـ .. المقالب واجد يالخوي .. ويش أذكر فيهم

. .
امممـ .. أرشّح بعدي ( شذى~ )
يلا أشوفكم على خيرات
و تصبحوا على ألف خير يا خلف خنافري.

[{..شذى~]

اقتباس: المشاركة الأصلية كتبت بواسطة ليث الديرة   امممـ .. أرشّح بعدي ( شذى~ )

ياعلي ألمني بطني
ليث ياحبيب ماما حسابنا بعدين
أممم,,عن اذنكم..بكره بجاوب على الأسئلة
,,
{..شذى~

[Zain Ali]

شـذى : يلا عجلي ..

[ساكن قلبي]

شذى ويش غنآتي ورطوش .. ؟!

زين آجآزهـ ..

ننتظرش ..

[special]

تسلم خيو ليث على المشاركة الحلوة و أحلى شي رسايل الوالدة الله يحفظها ..
بأنتظار عزيزتنا شذى و ما اوصيك ترشحي احد بعدك ..

[نـور الدنيا]

شذى يالله لا تطولي علينا ..
بإنتظاركـَ ..

[أجمل إحساس]

شذى هربت عن الموضوع

[الخيال]

نستنى شذوه

[special]

اقتباس: المشاركة الأصلية كتبت بواسطة أجمل إحساس  شذى هربت عن الموضوع

لا تلومها خيو متورطة بموضوع ثاني:d
بأنتظارك شذى

[ليث الديرة]

اقتباس: المشاركة الأصلية كتبت بواسطة {..شذى~   ياعلي ألمني بطني ليث ياحبيب ماما حسابنا بعدين أممم,,عن اذنكم..بكره بجاوب على الأسئلة ,, {..شذى~

لا شدعوة .. ما بيننا حساب .. الجيب واحد
. .
يلا جاوبي له .. داهي جت بكرة و لا شفنا شي