ززوج يؤدب زوجته بطريقه غريبه....!!!! ,,‏

[زهراء الصفار]

عيب الشووم على هيك رجااال ..... وهي الاخت يعني مرة لاحس ولاخبر قال اليها روحي كذا وراااحت (خوش وحده عليه بالعافية فيها عجينة )

المرة الجاية تحرق ثوبه وشماغة وتخش الكبك حقه ..وتخليه يروح بسروال وفانيلة الى زواج احد عزيز عليه هههههههههههه ...... هذا اذا عنده ثوب وشماغ اشك فيه لان لو عنده ماسوا كذا :d:d
(استجابة لحملة ابو سروال وفانيلة )
قمة التعذيب ................

[القلب السليم]

اقتباس: المشاركة الأصلية كتبت بواسطة زهراء الصفار   عيب الشووم على هيك رجااال ..... وهي الاخت يعني مرة لاحس ولاخبر قال اليها روحي كذا وراااحت (خوش وحده عليه بالعافية فيها عجينة ) المرة الجاية تحرق ثوبه وشماغة وتخش الكبك حقه ..وتخليه يروح بسروال وفانيلة الى زواج احد عزيز عليه هههههههههههه ...... هذا اذا عنده ثوب وشماغ اشك فيه لان لو عنده ماسوا كذا :d:d (استجابة لحملة ابو سروال وفانيلة ) قمة التعذيب ................

هههههههه .....

[أم أحمد]

وفي رجال العكس مهماتسوي الزوجه بشكلها مايهتموو ابد
اني اعرف وحده تصيح بسبب هالموضوع تقول ابغى احس اني عآجبتنه ..وكلا شباق على هالسالفه ..
ولو الفستآن تلبسه الف مره لا تعليق عنده..

[ابوحامد الدشه]

لو خليت لخربت

[شمعة]

أمممم ....

الزوج والزوجة .. كلاهما على خطأ ..

الزوجة ... مع احترامي الشديد لجميع المتزوجات ..

أغلبهن كذا .. وإذا ما كانوا كذا دايم فهم في الغالب كذا ...

عندها طلعة ، جمعة بنات ، عزيمة عشاء ، زواج ، تلبس أحسن ماعندهم وتحط ما وراها و قدامها لاجل تطلع السوبر ستار الحفل ..

تعال شوفها .. وبعد 3 شهور من زواجها ، او وقت الحمل و وقت تربية الطفل بعد الولاة .. وربي أنها تكون جدا عادية
أغلب الحريم كذا .. ولا وحدة تقعد تتفلسف وتقول غير هالكلام .. <<<< شمعة بره !!!

يمكن تتعدل ليلة في الاسبوع او ليلة في الشهر .. لكنها تمل كل يوم تتزين .. وكل يوم ميك أب ..
و شرط .. وأجزم بالعشرة .. اللي تشوفها بكامل زينتها ..
تشوف بيتها أعوذ بالله !! مو نظيف .. تهتم بنظافة نفسها
وبشكلها وتهمل بيتها وعيالها ..



والزوج .. مع أحترامي الشديد لجميع المتزوجين ..
الله يهديه .. يبي زوجته تتعدل له .. هو بعد الله لا يهينه يتعدل و يغير عن هالسروال و الفانيلا أبو رحلة !!
لو على راسه ريشة مثلا !!

يبي أهتمام !!! الله لا يهينه يهتم بزوجته أول ..

يبي دلع !!! الله يهينه يدلع زوجته اول لانها أولى !!

يبي رومانسية !!! يالله إذا فيك خير أدخل ليلة بوردة ، فاجأها بخاتم ، بعطر ....

وشوفها شلون بتهتم فيك .. وشوف شلون بتسويك يا دهينة لا تنكتين ..

أي والله ..

[شمعة]

أي صج .. نسيت أقول ..

هذي المرأة .. ماعندها شخصية .. ولا عندها أسلوب سياسة التعامل في مثل هالمواقف ..

خير إن شاء الله !! قال لها روحي كذا أو بطلقك !!

زمن السيد والجارية مثلاً !!!

في أسلوب للحوار و التفاهم ..

في حيّل .. بذكاء ودهاء .. وإلا وين راح مكر الحريم

ذاك الوقت ؟؟؟

والزوج .. يسمح لي يعني .... لو بقول عنه (( غبي ))

لأن زوجته تمثله قبل كل شيء ..

لأن إذا بيتكلموا عنها ، ما بيقولوا فلانة بنت فلان !! راح يقولوا فلانة زوجة فلان ..