مساء & صباح الورد للجميع
امممواح سوت لي على طول خقيت ** ياذا الشعور اللي ملا الجو نشوات
أرخيت نفســي منتشي فعلاً ارخيت ** حتى حـــزام الثقل مــابـه مشدات
حـــــاولت امثل متزن لكن اخطيت ** بادلتها لشعور في كـــــوم نظرات
لا ناظرتني مني لشفــــاه عضيت ** وتفيض مني لآخر الوقت آهـــات
كلما بغيت أخفي الهيام استلجيت ** وصارت عيوني تفضح المستخباة
مقويت أخبي الشوق و الود مقويت ** قمت وشرحت الحال باحلى العبارات
الله ياثغــرٍ على الشمس غطيت ** حمرة غروب وحزمة الورد مــلآة
كل الطبيعة في مزايـــاه لاقيت ** البحــر عينه و الندى فيه دمعـات
و الصدر تلة بوسطها التوت شفيت ** والخصر اعصارٍ يموت و لامات
والشعر شــــــلالٍ مصبه يا ملفيت ** حوضٍ جميلٍ جاريٍ وسطه فرات
و الجسم كله شـدني يـــوم شديت ** بـه جأاذبية فــوق كل الخيـــالات
كل الترف واللين في غيرها ميت ** و منها الدلع و العز ياخذ ويقتات
و ياعطرها ريح الصبا لاتلقيت ** عند الشروق امن النسانيس نسمات
كفيت يــــاربي لك الحمد كفيت ** منك الكـــرم و الجـــود ماله نهايات
من نورها مجدولة الشعر سويت ** حــــــور الجنان الفاتنات البهيات
و نهر الخمر من ريقها العذب صبيت ** ومن لونها نور البدر و المجرات
لا لامست كفــــي بها شي حسيت ** تطلع من رسوم المناطق اشــارات
مخرج ، تمهل ، انتبه ، لا أخطيت ** الشـــارع اللي تسلكه به خطورات
خفف من السرعة ، مطبات ، هديت ** أربط حزامك , قف , سكة قطارات
هذي الصراحة ياعرب حيل فكيت ** مع سـيدة كل الحســـان المهمات
اللي لها قلبي على الطيب وديت ** و اسلمت نفسي للشفـــاه النديات
و عن غيرها في محضر بليس صديت ** ماحركن في مفرق الراس شعرات
لا نادت اسمع مجتبى جيت لبيت ** سمعي مبرمج صوتها دون لصوات
محتجت اسوي له ولا يوم ابديت ** لانه معي و الروح في البزخيات
ولا قالت برقة انا اهواك سويت ** بيدي كذا وتضيع كل لبجديات
حبي لها صــــادق ولا فيه شكيت ** متحـديٍ فيه القلــــوب الوفــيات
من بارد عضامي لها العشق وجيت ** و في دافي عروقي بترتاح وتبات
2011