حبيــــــــــــــــتها
ياقلب .. حبيتها من جد .. صدقني
ماغابت عن الخيال ودايما تطري
ياقلب .. حبيتها .. وش لون .. فهمني ؟
وش لون حبيتها من دون لاتدري ؟
ماكنت اظنه يجي يوم وتسكني
لاني من الحب خلقه .. ضايقٍ صدري
لكن هالبنت فيها شيء يجذبني
من غير ما اشعر اجي واقووول : ياااعمري
اللي تبينه ينفذ لك غصب عني
لو راحت الروح فدوة رمشك الخدري
ياطلةٍ في بهاها دوم.. تفتني
ياريحة الورد كله .. ياشذى العطري
نظرتك يالغاليه لاجات .. تقسمني
ما اقدر اقاوم جمالٍ .. فاتنٍ .. سحري
يا ابو الترف والحلا .. والملح .. والحسني
سلمتك القلب بيدي واملكي .. امري
خافي من الله فيّ .. وفي صغر سني
ولاتجرحيني تراي .. بمقتبل عمري
ابيك توفين لي .. ولك الوفا مني
نبغى نتعاهد نعيش اليسر والعسري
تكفين يالغاليه لاتخلفي ظني
وخليك جنبي .. وظلي حافظه قدري
ومادام راسي عزيز وشايله متني
لاأصبر على الحب لو هو مارضى .. صبري
وبا اكتب لك ابيات شعري .. والشعر فني
يابعد روح الخيال .. ويابعد شعري
لولاك ما انتي عزيزه ماضحك سني
وماكان قلت القصايد فيك .. من بدري
تدرين يابنت شـ اللي فيك .. جنني ؟؟؟
اني هويتك .. وحبيتك .. وانا مدري