السلام عليكم ورحمة الله وبركاته :
اذا احترقت لمباتكم وش تسوون فيها تعالوا شوفوا
مسائكم وصباحكم رضى الرحمن
كيفكم يالغوالي"
المهم حبيت انزل لكم صور لكم
كذا يعني
وصراحه شئ لايفوووووووووووتكم~
إذا احترقت هاللمبة وش تسوون بها
تعالوا نشوف برا وش يسوون بها ،
اول شي يجمع له هالعده ( زرادية - سطل - اسمنت - مسمار ربط تقريباً مقاس 3.5 - سكروب - فرشة أسنان - ملعقة - عصا عشان يحرك به الأسمنت - طبعا موية عشان الإسمنت ) ،
اول شي بالزرادية وبالسكروب وبما يلزم نفتح الفتحة أسفل اللمبة لين تصير بالشكل هذا ،
وبالفرشاة والمعجون .. قصدي الموية ننظف ما بداخل اللمبة إلين تلق لق ،
بعدين نسوي الخلطة (سمنت + موية وشوية تراب ) ونحركها بعصا الجريش لين تضبط ،
الحين نحط الأسمنت جوا اللمبة ونعبيها على الآخر ،
بعدين نحط المسمار بالعكس يعني نخلي راسه جوا ونبدأ نعبي اللمبة بالإسمنت لين تفلل ،
وتخليه فترة تقريباً 72 ساعة عشان يجف الإسمنت ويصير يابس مثل الحصاة ،
بعد مانشف اللي جوا اللمبة تماماً نكسر القزازة حقت اللمبة ولا نبقي منها ولا كسرة ابد ،
تصير بالشكل الرخامي هذا الرهيب ،
نجيب الدريل ونفتح بالجدار فتحة ،
بعدين نجيب اللمبة اللي كانت لمبة قصدي وندخلها بالفتحة ،
طبعاً ابو الشباب تعب كل هالتعب عشان يعلق طاقيته
المهم انه بيصير معلاق على الجدار بطريقة مبتكرة وحلوه ، وتقدر تحط اكثر من وحده جنب بعض 
لكم ودي
