[نورت دنيانا]

كرات الدونت المحشية

المقادير

المكونات الجافة

كوب وثلث طحين جميع الاستعمالات

1\3 كوب سكر
1 م ك بيكنغ باودر
1\2 م ص ملح
( تخلطينهم مع بعض )
..

المكونات السائلة

1\2 كوب حليب المراعي ( اللي متوفر عندج )

1\4 كوب زيت
1\4 كوب قشطة رايبة sour cream
بيضة
1 م ص فانيليا
( تخلطينهم مع بعض )

الطريقة

بعد ما تخلطين المواد الجافة بروحها والمواد السايلة بروحها .. تجمعينهم مع بعض

وتروحين تسوين التغطية

مقادير التغطية ( تقريبية ) تقدرين تتحكمين فيها ( المهم ما تكون وايد سايله ولا وايد جامده )

1\8 كوب حليب ( تقريباً ملعقتين كبار )

1 م ك زبدة
1 م ص فانيليا سايلة
3 اكواب سكر مطحون

تسخنين الحليب والزبده والفانيليا

تحطينهم على السكر وتخلطينه

بعدين تجهزين المكان اللي راح تشتغلين فيه

وراح تحتاجين ..

زيت عشان تدهنين المكينة

فرشاه سيليكون .. عشان تستحمل الحرارة

مغرفة ايسكريم صغيرة أو ملعقة صغيرة عشان تحطين العجينة

شوكة عشان ترفعين الدونت من تغطية السكر

وشبك عشان تحطين عليه الدونت بعد ما تغطينه في السكر

وحطي لج سفرة تحت الشبك عشان ما يتوسخ المكان اللي تشتغلين فيه

تشغلين المكينه وتخلينها تحر .. بعدين تدهنين الحفر فوق وتحت وتوزعين الخليط

المكينة أوتوماتيك هي تضبط حرارتها .. لا تخافين انه يحترق

إذا حابة تسوينه مع تشوكليت تشيبس يطلع أحلى وأحلى

هذا النوع اللي استخدمته أحلى من النوع العادي .. شريته من hershey's دبي

يذوب بسرعه .. وطعمه نفس kisses الكبار شوي

وهني مع التشوكليب تشيبس

تسكرين المكينه وتحسبين أربع دقايق بالضبط

ويطلع شكلهم هيييك

طلعي الحبات من المكينه .. وصبي الدفعه الثانيه

وبعدين حطي الدونت في السكر .. تكون بردت شوي

صفي الدونت على الشبك وخليهم يبردون وطبقة السكر تنشف

وشهيه طيبه...