السلام عليكم ورحمة الله وبركاته
أعجبني هذا الشعر وأحببت مشاركتكم به
...................
[poem font="Simplified Arabic,5,black,bold,normal" bkcolor="transparent" bkimage="" border="none,4," type=1 line=0 align=center use=ex num="0,black"]
ماكل من يركب على الخيل خيال=ولا كل خيل تعجبك هي أصيــله
ولا كل من يعجبك هرجه برجال =بعض العرب ملــــــــسون وايده بخيله
الكل يلبس ثوب وشماغ وعقال =وعند اللزوم افعالهم هي قليــله
الرجل تثبت له أقاويل بافعال =لاقال شئ ونفذه هو دلـــيله
والرجل لاشفته مع القيل والقال =ابعد عنه هذا صفاته عليـــله
والكذب خله عنك مافاد لو طال =قول الصدق ياصاح غنم وجميـــله
وخلك شجاع وذي صفات للابطال =اللي كما سيوف تبارق سليـله
واللي شراك اشريه لو كان بالمال =خلك معه وان مــــــال دور بديله
واصبر ترى الدنيا تبدل بها أحوال =وما كل شئ صافي تشـــــوفه تجي له
وبعد الكدر تشرب صفا عذب وزلال =هذا الزمن فيه استــــقامه وميله
وصاحب خليل لو جفا الوقت مامال =ترى الرجل يعرف بقيمة خليــله
واقفل على سرك بكتمان واقفال =بعض العرب يسمع وينوي بحـــيله
وخلك أمين إذا توليت الأعمال =من خان في يوم الحشر يا حليــله
خل التواضع فيك واضح بالافعال =ترى الكبر يردي بيوم وليـــله
ولا تحسد اللي عنده اموال وعيال =وش ينفعك لو كان حـــسدك يزيله
ولا تزور تقلب الزين بطــال =الله عليم بالنوايا الدخــيله
وخلك رزين ترى المخفه للاطفال =واصفح عن المخـــــطي ولو زاد قيله
واحمل همومك لو تزن وزن الاثقال =بكره تروح وتنجلي لو ثقــيله
وصل الفروض ولاتنسيك الاشغال =محدن في الدنيـــــا درى وش بقي له
وزور الاقارب للرحم كون وصـال =وخلك عظيم الشان وسط القــبيله
وصلاة ربي عد ماهل همــال =على النبي اللي صفـــــاته جلـيله [/poem]
و سلامتكم
للأمانة منقووول
مع تحياتي