تغيب أنت وعلى تقسى
محال فى يوم يضيق صدرى
وماممكن يقل صبرى
أما لملكتك أغلى هدية
وحات عينيك
بخاف ياروحى من بعدك
وأسلم نفسى لظنونى
ومرة اخاف عليك منى
وأضمك جوة فى عيونى
وأشيل ذكراك مشاعر
فايضة بالحنية تروينى
وتذكرنى وتصبحنى وتمسينى
ماعمرى وحياتى كل سيد
روحى بين أيديك
وحات عينيك
وحات حبك وحات حبى
وحات ريدك وحات ربى
بريدك ياأمير الكون
يا أحلى زهور فى أجمل لون
ياطيب قليب الأم
قليب الأم شوية عليك
وحات عينك
لما يطول على بعدك
أشيل الليل أسى وتعذيب
أتمنى الشمس تشرق
عشان ياجرحى تلقى طبيب
وأرجع ثانى أهوى الليل
أنا الما لاقى ليه دليل
وسط أهلى عشت غريب
دفنت الألم بدموعى
كتبت حروف تبكى النار
تشيل دمعة القاسين
بكيت بصمت فى حرقة
وذقت الغربة طعم الغربة فى الغربة
تعال أرحم قليب مشتاق
كل دقاتو بتناديك
بتحلف بيك وبتقول ليك
وحات عينيك
وحات ريداً ملك أحساس
جوة الجوع اتربع
بقيت فى كعبة اشواقك أطوف
أتوسل وأتضرع
بقيت ناسك يقضى العمر كله
عبادة وأطوع
وبهتف من صميم أعماقى ما أجمل
روائع ربى ما أبدع
وسر الحكمة تصبح كلمة
حكمتو فيك وحات عينيك