قلب من دانتيل عضو شرف
رد: طلاق قبل الزفاف !!!
المشكلة ان في ناس عندها قناعات قبل الخطوبة وبعد الخطوبة وعقد القران تتغير هذي القناعات *يعني استغرب مثلا من بنات الا طيب غصب تعال كل شي من عندك ولا انت بخيل ماادري كيف ماتستحي الوحدة لمن تكون مخطوبة تستحي تتشرط على زوجها في اشياء ماله داعي زوجي يجيبها لي طالما يعطيني مصروفي خلاص اشتريها لي من غير مااكثر عليه طلبات ولاوحدة تقول لي هو مسؤول لا الرجال مو مسؤول عن طلبات بايخة وجودها زي عدمها .. هني تصير الغبرة ليش لانها تفكر ان خطيبها بخيل *بيأثثوا الشقة قالت فلانة مي احسن مني اذا مااجهز من ميرينيوس ولا كيكا ولا مدري وشو مابرتاح بالي ومايغلى عليي اني بنت العز والدلال .. وترى ها نصيحة للبنات اكره ماعلى الرجال وحدة تقول له مايخصني هني يحل الغضب عليها والنيران تشعلل *بعضهم زي ماقالت ياسمين يايطلعني ياماابغاه ليش يعني لهالدرجة عايشين الكبت ونبغى نفرغه من نحصل الرجل .. *ولا وحدة هديك السنة قالت اعرس بس بشرط اجيب ام سلطان ومو على كيفك تدفع النص بالنص صحيح هو ماطلقها بس لو اني مكانه اطلقها *ولا الثانية الا يانسافر اروربا ولا مدري وين ولا مايحلى العرس الا بشهر عسل من الطراز الغالي نجي للرجال *وحدة عاشت مع خطيبها 4 سنين تخيلوا بعد الاربع سنين الا هو يقول ليها طول هالفترة حاولت اتقبل انش زوجتي بس اكتشفت انش زي اختي << ياسلام *ولا الاخ الثاني الا يقول ابغى وحدة تشبه نوال الزغبي يوم حصلوا لها وحدة مقاربة ليها استانس يوم شافها قال لا ماتشبهها يقوم ويطلق.. *ولا الاخ اللي يقول دوروا ليي ومو مهم الشكل ويوم حصلوا له بنت مؤدبة قال فيها شامة في ايدها دخد لك ويش هالحالة ..ويقوم ويفسخ العقد.. *ولا داك بعد الا يقول ماحبيتها جسمها من فوق اضعف من تحت *ولا دولاك الي ليلة عرسهم تقول العروس ان رجل اختها يبغى يسلم عليها وهي بزينتها ومصرين اهلها كلهم ان رجل اختها يشوفها من حقه الرجال يطلقها وفعلا طلقها أجل زوج اختش يشوفش خير قاعدين في لبنان . *والا دولاك بعد ليلة حفلتهم اهل العروس يبغوا اغاني واهل المعرس مايبغوا تقوم الغبرة في ديك الصالة وكلمة من المعرس وكلمة من العروس وتقوم العروس تفصخ الدبلة وترميها في وجهه ويقوم هو ويطيح فيها ضرب ويطلقها ويطلع .. لحول خلاص ماابغي اكمل ناس ترفع الضغط .:امايي: وعشان نتفادى حالات الطلاق قبل الدخلة لازم يكون كل طرف مقنع بالثاني ولازم ماتتدخل الاهل ولازم البنت والولد يكون عندهم شخصية ومايمشوا حياتهم على نمط حياة ناس ثانيين.. في هالايام الناس تميل لخطبة صغيرات السن وصغيرات السن ماشاء الله اذا كان مو كلهم بعضهم كل وحدة عقلها قد السمسمة يعني شافت في بيت اهلها ماعون بـ 600 ريال قالت مايخصني ابغي زيه ..يعني ماتقدر اذا زوجها يقدر او لا.. والشباب بعد عليهم مطاليب في البنت الا بيخطبوها ويا يبغوها ملاك مايتحصل نفسها وحدةثانية ولابيطلقوا بنت الناس .. الانسان قبل كل شي لازم يفكر شلون بيتعايش مع شريكة حياته وكذلك البنت الزواج مو لعبة والطلاق هالايام مثل شربة الماي.. طولنا عليكم بس من زود الحرة من هالناس الفاضية..