[المتدقدق]

مساكم الله بالخير

اقتباس: المشاركة الأصلية كتبت بواسطة cool girl   هههههههههههههههههههههههه الله يغربلك يالمتدقدق موتتني ضحك عليك قعدت اضحك زي الميانين بحااالي خخخخخـ كله كوووم وسالفة صروال جدتك كوم ثااني وانت يالمتدقدق كل حكايه لازم تحصل لك كم شدخه ولا تجووز عن سواياك خخخخ يالله ننتظر بقايا القصص ع احر من الجمر ترى صرت مشهور طلعت كل العيله تقره قصصك حتى الا موب مشاركين بالمنتدى يتابعوننك تحياتي cool g!rl

مو بس انتين يكول گيرل اللي مات من الضحك, pحتى مكدادوه ضحك ضحك لزين شرگ ابريگه ولا گدر يرد هواه!!!...لو ما أنطته حبابته أم جعفر جمع على ضهره, انكان راح فيها....هادي هيه يا (البنت الهادئه) براءة أيام زمان....حلاوة أيام زمان....أناسة أيام زمان.....صحيح هي مرت علينا أيام سوده و امنيله ابنيله, لكن ما كان موجود عندنا مرض من الأمراض العصريه اللي منتشره هليام مفل المرض النفسي أو الضغط أو السكري و غيرهم...يالبنت الهادئه طلبش على العين و الراس بس صبرو اشوي اتروح ضحكتكم الحين عشان الجاي ما يبصگ...سعدت جدن جدن بوجودك في صفحتي...أبلغي سلامي و تحياتي للأسره الفاضله و لكل المتابعين معك...

اقتباس: قفص الحريه عفر في كلمات واجد مافهمتهم مشكورين

أهلن و سهلن بالأخ العزيز قفص الحريه في صفحتنا....الصراحه أنا أعتب عليك أخي العزيز, اتگول عفر في كلمات واجد مافهمتهم؟؟...كان حطيت خط تحت الكلمه اللي ما عرفتها....هداويش فيك انت, حط خط تحتهم و لك الحگ إدا ما ترجمتهم لك....بس الصراحه أنا مسرور واجد اني شفتك ويانا في العشه....على فكره أنا بعد مانا عارف, اشلون اسمك قفص الحريه؟...القفص قفص ينحبس الواحد فيه, كيف يكون حر طليق....لاتزعل عاد غناتي ترى أنا أتكشمر وياك...

اقتباس: تاروتيه كوول ههههههههههههههههه قصصك رائعة وكلامك ينن بنتظار قصص جديدة

الله لا يروعش في حبيب يا (تاروتييه هادئه)....الأروع من قصصي هو ذوقك الراقي الذي استساغها و كلامك هذا أيضن يينن و يشجع الواحد على بذل المزيد....شكرن لتواجدك معنا و أعدك بالقديم من القصص و ليس جديدها...لأن جميع القصص التي سردتها وسأسردها هي من ذلك الماضي الجميل...

اقتباس: عجيب عود حجي مكي ..!! هههههههههـ اهم شي فجرت المواهب بس .. يالله ويا سالفة جديدة

أنا فجرت مواهبي مواهبي صحيح, بس لا ضربه انفجر راسي ابمضراب الهريس داك....احدر يبلا قيود يلحبيب اتمنيك نفس اتسوي زيي, ترى هليام ماكو مضراب هريس, ماكو الا اكلاش....اسم الله عليك من لكلاش و أهل لكلاش....اتقول يالله سالفه؟؟!!!!....اببلاش علمبالك؟!!!....لا اعيوني, ما باجيب سالفه جديده إلا أول تودع في حساب منتدى التراث سالفه لو سالفتين صارو لك عشان احنا نستانس بعد....يالله ولا تطول....شاكر من الأعماق تواجدك أخي العزيز.

اقتباس: هههههههههههههههههههههههههههااااااااااااااااي والله مو طبيعي يسلموا يالمتدقدق

أهلن بالغالي ضل و قمر اللي نور عشتنا الليله...اتگول مو طبيعي؟!!!...حياة النبي كل اللي شفته طبيعي اميه في الميه و ابدون مكياج....هادي هي عيشتنا البسيطه الخاليه من المنغصات و المبهدلات....أهل اللول يسكنو في البيت الواحد اربع عوايل ما حد يتضايگ من الفاني, و الحين يا كافي الشر الولد من يگول با عرس, طلع عن امه و أبوه وسكن في شگه لا بروحه...زين لا مر عليهم من العيد للعيد....تسلم يلحبيب ضل و قمر و يسلم من يعز عليك بعد...و نراك قريبن في موضوع جديد.

حرسكم الله مع السلامه