..:: معزوفة القمر ::..
جاني طيفه في سواد الليل وبلحظات شغلني
يرسم بسحر الألوان محاسنه الناعمة وخياله
ومن صغر سنه ربيع أزهاره وبدلاله قتلني
أتنفس من عبيره واطيح غشيان من جماله
منه معزوفة القمر وله سحايب المطر تغني
ولأجله قوافل شوق من نور عيني تتعنّى له
أهديه من عمري جنة ومن نار فراقه حرقني
يا حظه من يناظر ذاك الملاك ويجلس قباله
أرسم حدود شفاته لي بلاد وابّسمته أسرني
من قطيف ماي بحره لـ سروات عالي جباله
له نازلت رجال وجاه ملوك وبحروفه ملكني
صار العقل مجنون ونبض القلب في غرباله
هذي حروفي ليت منى الروح منها عرفني
وليتني أضمّه لصدري وأربط حبل وصاله