1-أول سفرة كانت .. متى؟ .... إلى؟
أممممم اول سفره كانت لي سوريا وكان عمر تقريبا 3 شهور عاد كم مده لا اعلم فكنت لا افقه شئ خخ
اما السفر الي حسيت بها من كبرت كانت ايضا سوريا اذكرها على خفيف كنت في اول ابتدائي تقريبا يمكن 15يوم تقريبا ورحنا تركيا وكانت في صفر
2- أطول سفرة كانت لمدة ....؟ إلى ...؟
كانت لايران وكان شهر كامل
على قولة اختي الله يرحمها ثلاثون يوما
3- أحلى بلد زرتها؟ ... ما الذي شدك إليها؟
أمممممممم احلى بلد كل بلد رحت له كان جميل هو مجرد ما تغير المكان حلو وتقريبا اصفهان حلوه والي شدني اليها فيها اشياء اثريه فيها جسر44قنطره
4- لو شاءت الظروف (عمل...علم .. زواج .... استقرار مثلا) أي بلد غير بلدك كنت تتمنى العيش فيه؟ وهل عرض عليك ذلك؟
ابغي اروح بولندا احسها حلوه من الصور الي شفتها
5- أحلى أكلة ذقتها كانت من ...
ماهي ....؟
امممممممم قيمه الايرانيه في حسينيه آل شيراز وجلو كباب والسلطة الايرانيه رهيبه والزبادي حقهم بعد لزيز خخخ وكل كل شئ في السفر لزيز خخخ لا بيبسي لا ماي كل حاجه لزيزه خخخخ
6- طرفة صارت لك في أحد أسفارك و لازلت/ي تذكرها؟
ههههههههههههه يا كثرهم
بس بقول قصة بنت اخوي كانت روحتنا ايران معاهم كان عمرها 5 سنوات وكان في الصيف عرست خالتها ورحنا تقريبا
المهم كان بشيراز ورحنا سوق قديمه اقدم سوق وكانت لابسه صندل عرس خالتها
المهم كان في احواض زراعه وكان ساقين الظاهر الاحواض ولا جف زين عاد داست فيه وقامت اتقول صندل العرس صندل العرس كلما مشت اشوي قالت صندل العرس ههههههههههههه ولازلنا نتذكرها لليوم
7- أجمل تذكار للحين تحتفظ/ين به كان ...؟ من ...؟
ولا حاجه ,,,ماني من الي يجمعوا خخ
8- آخر بلد زرتها...؟
اخر بلد من السعوديه المدينه
ومن العالم ايران ويالله بالعود يا رب اني وياكم والمؤمنين والمؤمنات
9- شيء لا تستغني عنه في سفرك؟
ثيابي خخخ
10- أحلى استضافة كانت من ... في ...؟
في بيت السيد الشيرازي
حيث تغذينا هناك وكان غذاهم لذيذ جذا
والتقينا باسرة أل شيراز واخذنا رمان من شجرتهم ما خالفوا وكانوا كريمين معنا
11- ماهي وسيلة تنقلك المفضلة؟
اكيد بدون منازع الطائره ونفسي اسافر في باخره
12- أكثر مطار شدك ...؟
ولا واحد يمكن احلى واحد رحته مالنا الي في البلد على قولة واحد سقفه رفيع خخخ
13- بلد ودك تزورها إن شاء الله؟
العرااااااااااااااق
يا زوار النجف وياكم اخذوني
14- قص لنا ماجرى لك في أحد سفراتك مع إرفاق صور إن أمكن؟
قصة روحتنا ايران هذي كانت معجزه الاهيه من الله
والسبب ان في هالاثناء كان اختي الله يرحمها عاود ليها رجوع المرض اللعين واخي كان يتجهز لسفره لايران لما سمع خبر رجوع المرض اللعين قال لم اذهب وراح اجلس رغم انه حجز وفيز وخلص كل شئ
الوالد قال ما يصير تكنسل روحتك خذهم معاك وفي الاثناء كنا نعمل جلسات لصلاة على محمد وآل محمد لشفاء اختي
وببركات الصلوات حجزنا التذكر والفيز وتوفقنا لذهاب لزياره الامام ضامن الجنان شهر كامل بدون متاعب والحمد لله خصوصا لاختي الله يرحمها
وبتغير الجو جميع الي بالحمله مرضوا الا اختي حيث حصنتها الصلوات على محمد وآل محمد
لحين رجوعنا
الصور ان شاء الله في القريب العاجل اقدر انزلهم
15- من تتمنى أن تسافر معه من الأعضاء؟
كلكم ابغي اسافر معاكم
لو ابو مصطفى ينظم لينا حمله اني اول وحده باسجل
16- كلمة أو (نصيحة) أخيرة للمسافرين؟
جهزوا اغراضكم اول باول
ومو حزت الحزه على شان لا ترتبكوا
ونسالكم الدعاء