عين شين قاف :)
للرادود نزار القطري ,,
غالي وروحي اشلون اتعوفك بيدك أنفاسي
عين وشين وقاف اتشوفك بعيون احساسي
يا جبريل آياتي يا تنزيل كلماتي دم اتسيل دمعاتي
اتواسي ادمومك يا حسين
*****
مشاعر هاجت ابروحي رسمت ابدمعة اجروحي
نحر مقطوع صدر واضلوع
ابقريحة غصتي ونوحي مصيبة عاشرك توحي
قوافي ادموع تصب ينبوع
انته وحدك بس اودك يا صاحب قلبي
أي وجدك كنت اعبدك لو يقبل ربي
مثلك منهو ابهاي الدنية يستاهل حبنه
ابإسمك صرنه انموت ونحيه اسمك ذوبنه
دمك صار الهامي يا خطار أحلامي ليل انهار جدامي
اتلوح ارسومك يا حسين
*****
تعجب فكري من سحرك بجه السيف اللي حز نحرك
إجه عطشان رجع رويان
وقف يترجه شط بحرك على ساحل سهم ظهرك
لقه الشريان نبع نهران
ما ترده اوهاذي وحدة من فيض الطافك
تروي كبده واحتى غمده يشكر انصافك
سيف الجاي ايحز وريدك يم عتبة راسك
واتقدمله الماي ابإيدك واتشربه ابكاسك
يشرب كاس احسانك ويشم ياس شريانك والإحساس عنوانك
تروي اخصومك يا حسين
*****
وصدرك ساعة الأذن إجه ايصلي السهم لمن
سمع تكبير قبلته اتصير
من أول نظرة بيك انجن إجه يختار اله مسكن
اوتوضه اببير دم التطهير
لليعذبك تهدي قلبك بيبانه
واليحبك قصده قربك يبقه ابنيرانه
طول يا رمضان امساكك صيام ابقينه
واهلال العيد ابشباكك ما بين لينه
صبح العيد ما أسفر ظل ابعيد متأخر واحنه انريد بس تظهر
النه انجومك يا حسين
*****
علائم سجدة اسنينك الحجر كملها بجبينك
سجت اوقوف رفعت اجفوف
لقنوتك ترفع ايدينك ترتل آية اونينك
ابدمع مذروف ووجه مخسوف
ابهالحجارة من تجاره من راسك دمه
جن تجاره عالمعاره ميزاب الرحمة
جنك كعبه ابحين اتصور دمك كسوتها
كلما تنزف اكثر واكثر تحلى نقشتها
عالتربان تتقطع يا عطشان بالمصرع والعدوان تتسرع
سلب اهدومك يا حسين
*****
أظل اتغزل ابإسمك يمن صار الرمح جسمك
إخذني اوياك يمن أهواك
دليلي هايم ابرسمك إذا انته امقطع ايلمك
المهم القاك سمه وافلاك
داوي جفني دمعي هدني لو تدري ابحالي
حتى جني امن التمني ملت آمالي
آخر كلمة ابطرف المهجة او رايد تسمعني
لو ميت أطلب واترجه يا رب ارجعني
تدري النار بعروقي اويه الزوار وابشوقي أقصد دار معشوقي
مصعب يومك يا حسين