هنا يا أم البنين هنا أعزيج وتعزيني
كاني جيت دوهانه فقدت حسين واخوانه طال السفر واحزانه
بيمن بعد تتسلين لو بيمن تسليني
**********
قعدي وياي أفصل لج مصاب الصار يا ام عباس
سووا لج أولادج صيت عالي وحازوا النوماس
أريد أشرح مصايبهم ولو هي بالضمير أمواس
قعدي قبالي ونوحي فكرهم فزر جروحي يا روحي من الجسد روحي
فت مصابهم قلبي وراح الشوف من عيني
**********
هنا يا أم البنين هنا أعزيج وتعزيني
كاني جيت دوهانه فقدت حسين واخوانه طال السفر واحزانه
بيمن بعد تتسلين لو بيمن تسليني
**********
طلع عباس واخوانه وللميدان طرشهم
واحد من بعد واحد على العدوان ما اوحشهم
طبق خلصوا عمت عيني وحر الترب مفرشهم
هذا يجذب الونة وذاك بدمه محنى وهذا انذبح ما اتهنى
ثلاثة وجروا جانون حدر الضلع جاويني
**********
هنا يا أم البنين هنا أعزيج وتعزيني
كاني جيت دوهانه فقدت حسين واخوانه طال السفر واحزانه
بيمن بعد تتسلين لو بيمن تسليني
**********
يا ام عباس لو شفتي اش فعل عباس بالحومة
سطى عليها وطشرها وسيطر على الملزومة
وملك هالمشرعة قوة سيفه وشاعت علومه
نزل بيها وملا جوده وهل دمعه على خدوده عليها حول بزوده
لكن شرب لو عطشان بالله لا تسإليني
**********
هنا يا أم البنين هنا أعزيج وتعزيني
كاني جيت دوهانه فقدت حسين واخوانه طال السفر واحزانه
بيمن بعد تتسلين لو بيمن تسليني
**********
تقلها شلون أبو فاضل يذوق الماي قبل حسين
بأبوه المرتضى وافي وعزوته هاشم الطيبين
قالت طلع يتلظى بضماه ويهل ماي العين
ما همه عطش قلبه وعلى الجيش البلى صبه وفرت غصب عن دربه
يقول شلون أروي حشاي وسكينة تتانيني
**********
هنا يا أم البنين هنا أعزيج وتعزيني
كاني جيت دوهانه فقدت حسين واخوانه طال السفر واحزانه
بيمن بعد تتسلين لو بيمن تسليني
**********
تقلها الخبر ما يحتاج شبيلي وعارفته زين
ما احد يظن بالعباس يشرب قبل أخوه احسين
يا زينب وأكثر ظنوني بعطشهم راحوا الإثنين
عندي هالخبر معلوم من حينه النهر ملزوم والعيلة بظماها تحوم
لكن عن فعل عباس بالعدوان خبريني
**********
هنا يا أم البنين هنا أعزيج وتعزيني
كاني جيت دوهانه فقدت حسين واخوانه طال السفر واحزانه
بيمن بعد تتسلين لو بيمن تسليني
**********
تقلها فلهن زلوفه ومهجة فاطم يشوفه
وفرت غصب من خوفه وراح فلولها الكوفة
ساعة وأمنت كلها أثاري طاحن جفوفه
يا ام عباس أظن تدرين سهم اللي نشب بالعين فتت قلب أخوه حسين
يا ام عباس والعامود هدم عالي حصوني
**********
هنا يا أم البنين هنا أعزيج وتعزيني
كاني جيت دوهانه فقدت حسين واخوانه طال السفر واحزانه
بيمن بعد تتسلين لو بيمن تسليني
**********
طاح وظل أخوه حسين حاير بين عدوانه
وصل يمه وعاينها بغير جفوف ذرعانه
شاوصف حال أبو السجاد يوم وحيدته جانه
يمشي ويجذب الحسرة على عضيده انكسر ظهره فقد عباس شيجبره
أقله وين خيك طاح ما يقدر يحاجيني
**********
هنا يا أم البنين هنا أعزيج وتعزيني
كاني جيت دوهانه فقدت حسين واخوانه طال السفر واحزانه
بيمن بعد تتسلين لو بيمن تسليني
**********
تقلها شلون يا زينب نشرتي مصيبة أولادي
أبو فاضل ثمر قلبي وأخوته مهجة أفادي
علي هانت مصايبهم بذبحة مهجة الهادي
أولادي طبق والعزوة لابن خير الورى فدوة بيه الخلف والسلوة
تعزيني بذبحتهم يا زينب لو تهنيني
**********
هنا يا أم البنين هنا أعزيج وتعزيني
كاني جيت دوهانه فقدت حسين واخوانه طال السفر واحزانه
بيمن بعد تتسلين لو بيمن تسليني