هذه قصيدة أباذر الحلواجي ...
(( بـــــس اللـــــيله ))
بس الليلة يم احسين خلوني
باجر وين ما تريدون ودوني
---------
بس هاللــيلة فدوة خلـــــوني أبقـــى يمه
نحره يهمي دمعي واعيوني تهـــمي دمه
ابن امي وخليصي وإيامـــي بعـــده ظلمه
بس هاللــيلة ودي أقضيـــــها ويَّ جـسمه
أروي بحزني قلبه وازرع في قلبي سهمه
واكتب اعــلى خده بالدمعــة إسمي واسمه
ليلة اويه العـزيز ولا تـردوني
وباجر وين ما تريدون ودوني
---------
عند احسين اخويه تركوني هــــــالمسية
اليوم اعتب اعلــيه لن ما نهـــــــض إليه
وباجر ارحل ومن حقه العتب عـــــــليه
هذا روحي واكثـر منهو اللي ينسى خيه
ولو أفكر انـــسى ما أنسى ومــــو بديه
عايشه بوجــــوده وعاش بحنــــانه بيه
أطلب بس سواد الليل مهلوني
وباجر وين ما تريدون ودوني
---------
تغلي الليلة لو بس يـــــتأخر ارتـــحالي
وآني اللي بفــعلكم شفـــت الهظم ليالي
ما يكفي اللي شفته خليتو ظعـــني خالي
اترجاكم اقـــــــعد يم هيــــــبتي ودلالي
غالي اعلى قلبي وما بعـــده ليه غالي
راح ودمه يجري من صورتي وخيالي
بس هذا المــسه وياه عيفوني
وباجر وين ما تريدون ودوني
---------
اتمنى الــــــــــمنـــيـة ولا لحظة أمشي عنه
ماظن قلــــبه يرضى وهم هــــــذا بيه ظنه
والله جنـي اســــــمع من نحـــره آه وحنه
ارضى ابدنيتي اشلون يا ناس وصبري منه
قطعو قــــــــــلبي وياه قبل اليقطـــــعه حزنه
والله بدمــــــــي افديه ما يسوى دونه ظعنه
أول يم عديل الروح ذبحــــوني
وباجر وين ما تريدون ودوني
---------