الرادود ابا ذر الحلواجي : رضيع الحسين
اسم القصيده : عند الله يعبد الله يرونك
عــــند الله يعبـــــــد الله يــــــرونك
الزهــــره وأبو الزهره يحضرونك
حيدر والبتولة وعين الله ورسوله للجنة يزفونك
-----------------
روح ابمهجتي روح يضمك حـــضن جدك
ويسقيــــــــك بحنانه ويروي عطش جبدك
روح الفاطـمة اهناك تـبل وجنــــــات خدك
روح ابحــــجر حيدر وذوق أيـــــام سعـدك
وآني بدمـــــع عيني بهز أعــــــواد مهدك
روح وخـــذني وياك مَريد الدنيــــــه بعدك
ظهري اعليك محني عبد الله يعبد الله
يترقبك حــــــــضني عبد الله يعبد الله
حيدر والنبي وفاطـم يريدونك
روح ابدمـك وخلهم يشوفونك
-----------------
روح امـــــودع الله ينجمة شـــوق تزهر
تسقيك الـــــــبتولة وأبو الحسنين حيدر
ريت الماي بعــــدك يعيني لا حـــلى ومَر
وش ذنــب الجـنيته عليك القــــوم تجسر
ولا رحـمة ولا دين عليك اســــهام تمطر
ليت الهـــادي جدك إليك بعيــــــــن ينظر
الله اوياك يا بني عبد الله يعبد الله
يلفقـــدك شعبني عبد الله يعبد الله
يمــــــــــفجر عذاباتي على هونك
يعميني الحزن من تغمض اعيونك
-----------------
يا بني ما نســـــيتك وحق دمـــــك اليجري
تدري اشـكـثر همي على فرقـــــاك تــدري
ربيتك وللـــــــــيوم يحـــــن لرباك صدري
وسفه تموت ضامي ومـــــاي النهر يجري
سهم الصاب نحـرك يريـــــته صاب نحري
يلعـمرك فديـــــــــته أخذ ويــــاك عمــــري
آه اعليك يا بني عبد الله يعبد الله
يلفقـــدك ذهلني عبد الله يعبد الله
قطرة ماي يوليدي ما يسقونك
وبسهم الغدر ظامي يخضبونك
-----------------
يا مــــــهـــــدٍ رويته وسقيته ادموع عــندم
يا حـــــــلمٍ بنـــــيته وعلى صدري تهــــدم
مـــــــرمرني زماني وصار العــــيد ماتــــم
وين امصاب موسى وعذابه ومحنة الــــيم
موسى بحضــن امه تهنّى وشمله الـــــــتم
وإنت اقبال عــــيني أشوفك غـــــارق ابدم
طال اعــليك حزني عبد الله يعبد الله
خذني اوياك خذني عبد الله يعبد الله
آني الحشّمِت بيـــــهم يودونك
ما ظنيت يالغــــــالي يذبحونك