الرادود ابا ذر الحلواجي : رضيع الحسين
اسم القصيده : وينك يبو الفضل مَتعاين الطفل
وينك يبو الفضل ما تنـــظر الطفل
لا تعوفه ضامي وانت المــحامي
--------------------
عباس يمن عـــزمك يهد الأجــــــبال يمن سيفــــــك علـــيهم زلزال
عباس يا خوية ترضى نبقى بهالحال او نصب عينك تموت الأطفال
شوف الرباب تنوح او منها الدمع مسفوح او بيديها عبد الله
تصرخ نــريد الماي عبد الله فت احــــــشاي ظامــي ويعين الله
عباس تعطف بينا واحمل جــــــودك نعرفك يالوفيت اعـــــــــهودك
عباس عسى الله يسلّمك ويعـــــودك ويسلّم هامـــــــــــتك وازنودك
وقت الشدد معـروف يالما تهاب اســــيوف يا منكس الرايات
هذي أرض الطفوف محفوفة وانت تشوف وتعاين الصيحات
--------------------
رضيع احســـين يا عباس
يدير العـــــــــين يا عباس
فتّ العــــــــــــــــطـش دلاّله وللموتِ شبحت عيـنه
وامه الـــــــــــــرباب اقباله تصرخ بو فاضل وينه
حرم واطــــــفال يا عباس
تذوق أهــــــوال يا عباس
ما انت اللي سنّيت اعهود بين العقيلة او بيــنك
شيل العلم شيــــــــل الجود تـــــــسلم لنا جفّـــينك
--------------------
وينك يبو الفضل ما تنـــظر الطفل
لا تعوفه ضامي وانت المــحامي
--------------------
عباس يمن موج البحر جفينك تناديك العطاشى وينــــك
عباس طفـــلنه لا يهون بعينك متى يالغالي توفي بدينك
طبعك وفى واحساس تشهد علـــيك الناس ما تقـــــــــــــبل الذلة
شوف طفل عبــــاس شيل الدرع والطاس وسيف القـــــدر سلة
عباس على من هالحمل ترمونه طفلكم شالسبب عفــتونه
عباس أريدن للعــــــدى تودونه عساهم يالأخو يـــسقونه
يسنادي واعضيدي هاك اخذه من ايدي واتـــــــــــكفل بأمره
صاح اطلبي وزيدي ليت الأمـــــر بيدي حسرة وألف حسرة
--------------------
عضـــــيد حسين يا عباس
وســـــــامك وين يا عباس
مقدر أعــــــــاين حاله سامحني والله مقـــدر
يمشرد الخــــــــــــياله ما لك عــــذر تتعـــذر
نريـــــــــد الماي يا عباس
يحـــــامي حماي يا عباس
بهالحالة جيفه اتعوفه ونار الضما بيه تسعر
يالشيمتك معروفــــــه وارث شجـــاعة حيدر
--------------------
وينك يبو الفضل ما تنـــظر الطفل
لا تعوفه ضامي وانت المــحامي
--------------------