يايابويه صاحت الزهره
يايابويه صاحت الزهره ******* يابويه او بالقلب حسره
تخليني ياضى عيني ******* تخليني ياضى عيني
يايابويه صاحت الزهره
**************************
يابويه من بعد عينك قومك ما يخلوني
بين الباب والحايط بالقوة يعصروني
تالي يابعد روحي من بيتي يطردوني
تخليني ياضى عيني ******* تخليني ياضى عيني
يايابويه صاحت الزهره
***************************
يابويه لوعتي لوعه من بعدك يانور العين
شسوي يابعد روحي بعدك بالحسن وحسين
لورادوا ينشدوني شجاوبهم وقولن وين
تخليني ياضى عيني ******* تخليني ياضى عيني
يايابويه صاحت الزهره
****************************
على صدر النبي طاحت اويلي او تذرف الدمعه
وحيدر يهمل ادموعه ويعيانها وكثر همه
ساعة ايعاينه الهادي وساعة حيدر ايشمه
تخليني ياضى عيني ******* تخليني ياضى عيني
يايابويه صاحت الزهره
*************************
ياحيدر شيل الوسادة ابويه خلصت ايامه
ياحيدر راح ابويه راح عجل عطني العمامه
من بعده شلي ابدنياي الدهر يضربنا بسهامه
تخليني ياضى عيني ******* تخليني ياضى عيني
يايابويه صاحت الزهره
***************************
والهادي على فراشه اويلي وسلمت روحه
وحيدر والحسن وحسين ابقلبهم زادت اجروحه
وجبريل ارتفع صوته وجمرة الدمعه مسفوحه
تخليني ياضى عيني ******* تخليني ياضى عيني
يايابويه صاحت الزهره
***************************
ومن بعد النبي طه كل الشيعه محزونه
يامتي يطلع المهدي وبجده يعزونه
طالت غيبته طالت متى صوته يسمعونه
تخليني ياضى عيني ******* تخليني ياضى عيني
يايابويه صاحت الزهره
***************************