برياني هندي ..برياني الملل..

[قلب من دانتيل]

مرحبتين

أني اقول ليكم ليش برياني الملل بكل بساطة لان الدجاج مقطع مكعبات جاهز مو اني الا اقطعه

الطبخة سريعة التحضير لكنها من جد لذيذة

نحط الصور بعدين المقادير عكس الناس

من قرب

المقادير..

صحن دجاج مقطع ..
3 علب زبادي
بهارات منوعة وملح ..
ملعقتين ليمون ..
أرز أي نوع ..

الطريقة ..
اخلطي الزبادي مع الدجاج والبهارات والملح وحطيهم على النار ليما ينضج الدجاج وتصير فيه عصارة الزبادي.. اخر شي ضيفي ملعقتين الليمون..

الرز .. اطبخيه عادي وحطي فيه بهارات صحيحة وملح ..

لما ينضج..

حطي طبقة رز بالقدر بعدين الدجاج بعدين طبقة الرز بعدين عصارة الزبادي والبهارات فوق الرز طبعا
اخذي فنجان ماي واخلطيه مع مطحون الزعفران وكبيه فوق الرز
وقلي بصل واسلقي بيض ماحطيت بيض مسوى مخلص

واستوت الطبخة ..

[أم فيصل]

عاشت الايدين

جوعتينا يختي

شدعوه خيتوو ماتوقعتش بخيله >> يعني ارسلي ليي صحن نغصه هههه

[أجمل إحساس]

أهم شي التلفيق في الطبخه
حتى إذا مافي صحون نقدر ناكل الرز وهو في الصفريه مايخالف

اقتباس: واسلقي بيض ماحطيت بيض مسوى مخلص

[..سر وجودي..]

عاشت عاشت وعاش البرياني..
وش هالحركااااااااااااات..لا وبعد مسوية لينا اغرائات من البداية..
تسلميييييييييييييي على هالطبق الجميل..

[قلب من دانتيل]

اقتباس: المشاركة الأصلية كتبت بواسطة أم فيصل   عاشت الايدين جوعتينا يختي شدعوه خيتوو ماتوقعتش بخيله >> يعني ارسلي ليي صحن نغصه هههه

حياش ام الفصل تفضلي القدر بقده بس جيبيه ليي مغسول

وعاشت ايامش غناتي.

[قلب من دانتيل]

اقتباس: المشاركة الأصلية كتبت بواسطة أجمل إحساس   أهم شي التلفيق في الطبخه حتى إذا مافي صحون نقدر ناكل الرز وهو في الصفريه مايخالف

شوف باقولك اني مالفقت بالطبخة اني قلت خلص البيض
وبعدين وش فيها لو اكلنا الرز وهو داخل القدر بالعكس نخفف ضغط غسيل المواعين ونوفر وقت وفوق هذا كله تواضع
اقول شوف لك يوم وتعال ليي اسويها لك واخليك ماتدل طريق الرجعة لبيت ابويي

[قلب من دانتيل]

اقتباس: المشاركة الأصلية كتبت بواسطة ..سر وجودي..   عاشت عاشت وعاش البرياني.. وش هالحركااااااااااااات..لا وبعد مسوية لينا اغرائات من البداية.. تسلميييييييييييييي على هالطبق الجميل..

الله يسلمش خيو تفضلي صحن وفوقهم بيض مسلوق مع الصحن

[قفص الحرية]

ماعندك بيضه
كان قلتي لي اجيب لك مقابل صحن منه
واذا ماتبي بيضه عادي
بس اهم شي الصحن تجيبي ليي
شهي مره
تسلم ايدك
ومالي من دخل ابغى صحن

[عاشق السماء]

ما شاء الله تسلم أيدك خيووووووووو

شكلها الأكلة طيبة ومشهية

بس ويش الفايدة أختي تحموقنا ولا احنا شايفين شي

تحياتي السماوية

[زهراء الصفار]

ذكرتيني مرة كنت جاية من الأمتحان ...
وقلت لازم ..اسوي برياني . وطبعاً اول مرة بحياتي اسووويه ..
تعرفي الواحد بعد الأمتحانات طاقات وأشعاعات نوووية تطلع منه ...
سويته وجتني صدمه عاطفية ...
ومن يومها ماطبخت

طبعاً من حلاوته ...... كل افكر ناس جايبنه الييي مو اني اللي طبخته

جوعتني ........شكله يمي
بس ماالي خلق أطبخ

[قلب من دانتيل]

اقتباس: المشاركة الأصلية كتبت بواسطة قفص الحرية  ماعندك بيضه

اقتباس: المشاركة الأصلية كتبت بواسطة قفص الحرية  كان قلتي لي اجيب لك مقابل صحن منه واذا ماتبي بيضه عادي بس اهم شي الصحن تجيبي ليي شهي مره تسلم ايدك ومالي من دخل ابغى صحن

اهلين قفص الحرية
والله لو ادري عندش بيض دقيت عليش
بس بجد كنت افكر فيه عندنا بيض اخرتها افتح الثلاجة الا ماكو بيض وقلت حسافة والله العروسة ناقصنها شي الا هو التاج قصدي البيض

ماعلينا خيوه صدقيني هالمرة تعالوا كلكم بيت أبويي شقتي بعيدة عليكم واجد واني اسوي ليكم أحلى برياني هندي وكل وحدة تطلع بقدرها بعد..

لاخلا ولاعدم خيوه.

[قلب من دانتيل]

اقتباس: المشاركة الأصلية كتبت بواسطة عاشق السماء   ما شاء الله تسلم أيدك خيووووووووو شكلها الأكلة طيبة ومشهية بس ويش الفايدة أختي تحموقنا ولا احنا شايفين شي تحياتي السماوية

هلا اخوي عاشق السماء
اي والله طيبة من غير مدح ,, كل مرة اسويها لناس وتعجبهم
المهم اذا خاطرك فيها جيب خواتك ويا البنات اللي بيجوا بيت ابويي واني اسوي قدر الحيدري وأنجب لك صحن غزير

[قلب من دانتيل]

اقتباس: المشاركة الأصلية كتبت بواسطة زهراء الصفار   ذكرتيني مرة كنت جاية من الأمتحان ... وقلت لازم ..اسوي برياني . وطبعاً اول مرة بحياتي اسووويه .. تعرفي الواحد بعد الأمتحانات طاقات وأشعاعات نوووية تطلع منه ... سويته وجتني صدمه عاطفية ... ومن يومها ماطبخت طبعاً من حلاوته ...... كل افكر ناس جايبنه الييي مو اني اللي طبخته جوعتني ........شكله يمي بس ماالي خلق أطبخ

يؤ عجل لاتكثري من الصدمات العاطفية لا تدحنوا جوع خيوه
لو عندش صورة اتحفينا به خلنا نستمتع
وعلى سالفة مالش خلق تطبخي داني اقولش برياني ملل له يعني الا عجزانة تسوي غدا معتبر تسوي هالطبخة اللذيذة والسريعة

جربيه وماراح تندمي.

[قفص الحرية]

اقتباس: المشاركة الأصلية كتبت بواسطة قلب من دانتيل   اهلين قفص الحرية والله لو ادري عندش بيض دقيت عليش بس بجد كنت افكر فيه عندنا بيض اخرتها افتح الثلاجة الا ماكو بيض وقلت حسافة والله العروسة ناقصنها شي الا هو التاج قصدي البيض ماعلينا خيوه صدقيني هالمرة تعالوا كلكم بيت أبويي شقتي بعيدة عليكم واجد واني اسوي ليكم أحلى برياني هندي وكل وحدة تطلع بقدرها بعد.. لاخلا ولاعدم خيوه.

تخيلي رايحه من هنا الى شقتك وحامله معاي بيضة لو ثنتين ويطلعو خراب ههههـ
عروس وفوق راسها بيضه احلى من التاج
إلا وين شقتك ووين بيت اهلك عشان بروح هههه
هههـ

[عاشق السماء]

اقتباس: المشاركة الأصلية كتبت بواسطة قلب من دانتيل   هلا اخوي عاشق السماء اي والله طيبة من غير مدح ,, كل مرة اسويها لناس وتعجبهم المهم اذا خاطرك فيها جيب خواتك ويا البنات اللي بيجوا بيت ابويي واني اسوي قدر الحيدري وأنجب لك صحن غزير

هذا من طيبك أختي وكرم أخلاقك
كان زين يروحوا الخوات العزيزات
بس يالله شوفت الطبخة تكفي بس ما تغني

الله يعطيش الصحة والعافية ومشكورة أختي