أكاديمية الوعود الزائفة

[eve]

أكاديمية التعلم الكندية
مرحباً بكم في أكاديمية التخلف :
هذه الأكاديمية التي تذهب موظفاتها لطالبات الثانوية وتقول إن الأكاديمية لديها شهادات معتمده من وزارة التربيه والتعليم وإن بإمكان الطالبات إكمال دراستهن في الجامعات الحكومية وأيضاً توجد وظائف مضمونه..
طبعاً يوجد تخصصات منها:
تأهيل معلمات, شبكات,ادارة اعمال,سكرتاريه,برمجة,مساعدة ادارية
وكل دبلوم له سعره الخاص فأنا طالبة تأهل كان المبلغ 19 الف ريال من غير المواصلات وغير ان حفل التخرج كان لها رسوم 150 ريال ودورة معارف بـ 250 ريال يعني( السالفه ومافيها اخذ فلوس وبس) ..
بدأنا الدراسة وكنا ندرس مواد غير الموجوده في الخطه الدراسية وهنا بداية النزاع بين الطالبات والادارة طبعا الادارة ماعندها أي حل غير اكتبوا خطاب واكتبوا فيه أسمائكم وتواقيعكم و ما فيه فايدة
طبعا أول دفعه تخرجت كان حفلة التخرج في الأندلس وكانت توجد شركات للتقديم واعتقد تم قبول البعض نسبة قليلة جداً والباقي في المنزل ..
الدفعة الثانيه ألا وهي دفعتي فكانت حفلة التخرج في السيف في الخبر وبوجود الأميرة وسلمتنا شهادات تخرج وهي مجرد ورقة لا أكثر ولا يوجد فيها حتى أسمائنا وبعدها تخرجنا واستلمنا وثيقة لكن بدون ختم لا وزارة ولا مؤسسة يعني أنا مثلاً نجحت بمعدل A+ ولكن شهادة غير معتمدة ..طبعاً أنا طموحي أن أكمل دراستي وآخذ البكلريوس وقالت لي المديرة اني اقدر أكمل دراستي في جامعه الفيصل وإذا ماقبلوني أكلمها ... وبالفعل كلمت جامعه الفيصل وبمجرد أن قلت للعميد ابو أحمد إني خريجة الاكاديمية قال لي إن الشهادة غير مقبولة في جميع الجامعات عدا العربيه المفتوحة ...بعدها كلمت مديرة الأكاديمية الأستاذة هناء وقلت لها إني كلمت الفيصل وماقبلوني ..قال لي أكيد علشان الشهادة مو مصدقة مافيها ختم قلت لها لا يا استاذه ماسألني عن ختم ولا مصدقة أو لا ..بس قلت له الاكاديمية قال لي مو مقبولة سجلي من جديد بشهادة الثانوية وادرسي من البداية ..وكلمتهم بنفسها وقالوا لها نفس الكلام وردت علي ..
بالعربي ياناس الاكاديمة تاخذ فلوس على الفاضي .. لاوظايف ولا تكملة دراسة وكلامهم كله كذب في كذب
إحنا انصدنا وانخدعنا بكلامهم وحبيت انشر الموضوع علشان لا أحد ينصاد ويطيح في نفس الفخ
ولازلت بلا شهادة
وبإنتظار إختبار المؤسسة ويقال انه بكون في شهر جمادى الثاني يعني في الاجازة
مدري يلعبوا على مين هم والاختبار في مواد غير اللي درسناها .. هل يعقل؟!
وطبعاً الامتحان مؤجل كان المفروض بعد عيد الحج

تقبلو تحيااتي
eve

[الحراقة]

مسلسل من الخداع والتلاعب بالناس وذلك فقط في سبيل الحصول على المال بأي طريقة..
أين المصداقية؟؟
وأين المسؤلين عن هؤلاء؟؟


:(
الله يعينك أختي..



تحياتي لك..

[حروف مبعثرة]

مو جديد..
دائما يستغلون الناس بهذه الاعلانات الزائفة..
الله لا يحط احد بهالموقف..
موفقة دائما عزيزتي..

[eve]

الله المعين ...وهذا تحذير لكي لا يقع أحد في هذي الاكاديمية النصابة
وتسلمووو ع المرور

[eve]

اليوم كلمتني الاكاديمية يقولون:
تحدد موعد الاختبار الشامل بتاريخ 24/6
سألتها وين بكون الاختبار قالت لي ماندري لسه ما تحدد المكان,قلت لها طيب وش نذاكر قالت لي كتبكم كلها ذاكروها
طيب في دورس ما أخذناها قالت اقريها طيب والدورة اللي وعدتونا بها وجينا لكم في شهر ذي القعده وما اخذناها قالت لي لحظة وعطتني اداريه ثانيه وقالت لي اول شي مشكورة على المقال قلت لها العفو ماسويت شي , المهم قالت لي الدورة اخذتوها قلت وش اخذناها جينا يومين وكانت الاستاذه متفاجأة لأن اللي في الملزمة كل شي مادرسناه فعطتنا الاجابات بدون ما ندري وش سالفتها ولما كلمنا المديرة (هناء) قالت بنشوف لكم حل وسكتو
وعلشان كذا يوم السبت الساعه اربع العصر لازم نروح لهم
ليش فرع الدمام أخذو دورة واحنا لا؟؟
أنا وحده ماراح اسكت لأن الساكت عن الحق شيطان أخرس
وإن شاء البنات يحطو ايدهم بإيدي

[Angelo]

مشكوره على التحذير eve

[البتول العذراء]

كلامك صحيح أختي eve

أمس كلموا وكنت نايمة وقالوا لأخوي

عن الأختبار
سمعت بنات أدارة أعمال ..

بيروحون السبت يعترضون

أن شاء الله كلنا بنروح ..معاكم

[البتول النوراء]

مالت عليهم

والله كل الكلام الي قالته ايفي صح

ولا عاد احنا الشبكات

امتحنا في مواد ما درسناها

شفتوا الخيبه

جابو لينا استاذه لو حطوني مكانها اعرف احسن منها

والله بيني وبينكم صيحوا البنات خخخخ

بس الله ينتقم منهم الي باقونا

تعالو في التسويق يلمعوا الكلام يخلوه يبرق

الله يساعدنا خيوه ايفي

الي يعرف احد يبي يقدم فيها ينصحه ترى تعليمهم خرطي

يمكن الدمام احسن من القطيف

روحوا نيو هوراين افضل


تحياتي البتولية الورديه

[أسيل]

أخت صديقتي درست هناك وكانت تعاني طبعاً بس اذكر موقف لايُنسى
تخيلوا في إحدى الدورس قالت لهم الأستاذه أنها هي من صنعت الترانسستور :ضحكتني: !
ردوا عليها لا اساتذاه يمكن انتش صنعتي اللي بيدك فأجابت بالنفي !!
تظن أنها الوحيده التي قرأت عن الترانسستور وانهم لأول مرة يتعرفون عليها !!

على العموم أعانكم الله ويسر لكم أموركم .

[eve]

مشكورين على المرور والرد
والله المعين
وعلى فكره رحت يوم السبت وما راح إلا خمس او ست بنات

[رمش الغروب]

صاحبتي توها تدرس هناك ماصار ليها كم شهر بس ما ادري وشو وضعها ؟!
الله يعينك خيوه والله على الظالم وما ضاع حق وراه مطالب..

[eve]

الله يعينها أنا لودريت ما كملت

[زهرة الحب]

يا ساتر أستر!!,, صحيح لا ادرس في الاكاديمية لكن كل المعاهد التي على حسابنا تخوف!! ,, الصراحة أني أعتبر نفسي لسهـ على البر وانتظر البنات المتخرجات حتى أتأكد من شهاداتهم ,, ومن البداية وضحوا لينا اختبار شامل ,, نختبر المواد كاملة يعني ( 25) مادة,, وهم يعطونا ملازم نذاكر منها ,, وبعد الاختبار يتم تصديق الشهادة من المؤسسة العامة للتعليم الفني والتدريب المهني..


الله يعينك غناتي ,,
وإن شاء الله البنات يستفيدوا ..

[البتول العذراء]

eve

أنا كنت أبي أروح بس ما أمداني

بتروحوا اللحين تختبروا لو لالالالالالالالالا؟؟؟

يقولوا تجيبي الشهادة اللي عطوك إياها

[eve]

خيتو في دورة تبدأ من يوم السبت بلغي البنات
وانا عن نفسي وديت اوراقي و وقعت