بسم الله
باب العين والنشافه .
أذكر مره من المرات على أيام الكوره أول ما سجل نادي الهدى رسمي في رعاية الشباب .
طبعا أنا مو من تاروت لكن حبيت هالقرية ولا زلت أموت في حبها وفي حب كل من هو تاروتي وعذرا من الجميع ( القلب وما يهوى )
المهم نرجع الى سالفتنا سالفت باب العين … أول ما سجل النادي صاروا ايدورن على لاعبين كرة قدم طبعا ولا أمدح في روحي كنت ولا زلت لاعب مميز بس فضلت الوظيفه على الكوره … المهم سجلت في نادي الهدى وكنت ألعب في الثلاث الدرجات الأشبال والشباب والدرجه الأولى لأن جسمي أضخم من باب العين ابمرتين ونص … المهم اتعرفت على باب العين في النادي كنت ألعب وياه في درجة الشباب والأولى …
بعد هاالمقدمه الممله ليكم سالفة باب العين .
في سنه من لسنين اتوفقنا وفزنا على كل الأنديه اللي في مجموعتنا وطلعنا بعدها الى جده للتصفيه …
طبعا سكنونا في فندق ومن حسن الحظ كنت أنا وباب العين في غرفه وحده … على شان النحاسه … المهم طلعنا جوله في مدينة جده ورحنا أحد المجمعات … وحنا نتمشا قال ليي باب العين اسمع ياالقرمبع ؟؟ قلت له ويه ويش يمبا ؟؟ قال ليي باريق على إيدي باالما يعني محتاج الحمام أعزكم الله … قلت له روح قال ما أندل الحمامات من أي ديل يعني في أي جهه … شاهدنا … رحت وياه دورة المياه دليته بكانها…
دش باب العين داخل الحمام … وقبل ما يدش الحمام قام وشغل نشافة الأيدي طبعا أنا استغربت من هاالحركه … وسألت باب العين وقلت له لاويش امشغل النشافه ؟؟ قال ليي مو شغلك ودش الحمام … طبعا أنا انقهرت ومقعت الواير مال النشافه يعني شلت الواير وطفيت النشافه … بعدها صاح باب العين شغلها لاتفضحنا شغلها ياالقرمبع … طبعا أنا ما شغلتها … وشوي يجماعة الخير اشتغلت السيمفونيات عند باب العين … سمعنا كل المقامات من الحمام وطبعا الجماعه شاهدين على كلامي … يوم طلع سألناه ويش فيك عفر ويش ماكل من نايبه اتنيبك على هاالأصوات اللي طلعت منك ؟؟ ( من الفشله سكت مارد ) تدرون طلع باب العين امعبي جنطته كلها تمر وطول الليل يحصم كنه اجريدي الجالبوت كله ياكل … ومن زود الأكل طلع عليه ابروز يعني رادي .
الى اللقاء في قصه أخرى بعنوان باب العين والكيماوي ترقبوها … ( لاتهتمون ترى فيه قصص اتموت من الضحك عن باب العين ) والله لفضحك ياالمصقوع
القرمبع 
11-07-02, 03:01 AM
العرض الشجري
المواضيع المتشابهه