[ALIGN=CENTER]احيانا تكون فترة الخطوبه كافيه او غير كافيه
علشان انه الزوجين اللي راح يرتبطون ببعض
يتعرفون على بعض اكثر
ويتفهمون ان الحياة الزوجيه راح تكون حياة ابديه
مع بعضهم البعض
يا انهم يعيشون بسعادة مع بعض
او انهم يعيشون بعذاب
فخاطرة رمّــاس عن بنت متزوجه سميتها ريم
فالخاطرة تحكي قصه البنت وحالتها !!!
من هنا بدئت قصه البنت ريم
حسبته عطشان وينتظر مطر السحابه
ومن دون الناس اختارته من بد هالملايين
وتشجعت وتحليت باقوى انواع الشجاعه
قلت اني البنت اللي راح اكون ورى هالرجل العظيم
بس مدري احس يارمّــاس ان قلبي مو بصوابه
و اشك ان زواجنا بيستمر على مدى الايام و السنين
لانه دوم يا رمّــاس كلامي ما يود سماعه
يقول لي تراكم انتو انتو مجرد حريم
ويهددني بكلامه ويطلع ويسهر مع اصحابه
على كذا ابيج تكونين حلوة واحلى من كل المزايين
ولا يهتم فيني كثر ما يهتم هو بذراعه
ويكرر مثله علي يقول العقل السليم في الجسم السليم
تراني احس يا رمّــاس اني مثل اللي يعيشون في الغابه
تراني ما احن بس ...! الا اثنينا نعيش دوم بحنين
لانه دوم ما يشتهي يناظر في وجهي لو ساعه
التجي الى الله الرحمن الرحيم
بحالتي الصعبه وعيشه الكآبه
انه يفرحني دوم معاه اللهم آآآآمين
اتخلص ... بحق محمد وآله اللي ماخاب من تمسك بهالشفاعه
؛؛؛؛؛؛؛؛؛؛؛؛؛؛؛
هذي قصه البنت ريم
اللي يفتكر انها عايشه في كآبه تراه صادق
واللي يقول انه البنت هذي عايشه عيشه هنا مع زوجها هم
انه صادق
رمّــاس كتب خاطرتين في وقت واحد
اذا قريت السطر الاول اقرى سطر واترك سطر
تلاقي البنت عايشه بعيشه سعيدة مع زوجها
اذا بديت من السطر الثاني
اقرى سطر واترك سطر
راح تلاقي العكس
البنت تعيسه مرة
هذا مجرد احساس رمّــاس
احساس متواضع ارجو ان يحوز على اعجابكم
لاتي حاولت بقدر المستطاع ان اقدم اخر خواطري بمجهود
متواضع مني
تحياتي لكم
اخوكم
رمّــاس[/ALIGN]
31-03-03, 02:09 PM
العرض الشجري