يا اني يا السواقين

[حلم البنفسج]

صباح الورد ياحلوووين
جمعه مباركه
اتمنى تكونوووو بخير وسعاده
هذي الصفحه بنخليها عن الشكاوي على السواقين :d
مو بظبط كده
بس خلينا نواسي بعضنا لان الوضع لا يطاق
لو يخلونا نسوق ارحم من الحاله
اف
خلينا اقوليكم قصتي
اني هذي رابع سنه لي
وغيرت 5 باصات خاصه
وجربت باص الجامعه وياليت ماجربته
اول ماقبلوني
صديقتي قررت تركب مع واحد من اهلهم
وقلت خلاص اركب معاها بدل ماادور
مع العلم اني ماكنت مرتاحه
بس ويش اسوي مجبر اخاك لابطل
ركبت معاه
الرجال محترم
بس يقهر يرفع الضغط
يحش في البنات اذا تأخروا
الباص حقه مو مريح مافيه ستاير
وفوق هذا كله مو ضابط وقته
وفي مره من المرات
طلعنا الساعه 3 ودقينا عليه
وقال مااقدر ارجعكم ؟؟؟
وجلسنا في الجامعه لحد مادقيت على اخوي وكان توه جاي من العمل
ورجعنا
وبعدين طلعت وقلت خلاص اجرب باص الكليه
يمكن ارتاح
وجربته وشفت العجايب
باص الحكومه مافي مكيف
طبعا اظن تعرفوهم الباصات الصفراء
بس بصراحه الباص كان مريح
لان ماني مجبره اكلم السواق واقوله ابطلع في ده الوقت او داك الوقت
وغير هذا السرعه كانت جنونيه كل يومين على وشك نسوي حادث اني احب السرعه بس بعدين كرهتها لان تكسرت
لان حتى المطبه مايخفف علشان ينتقم من البنات ؟؟؟ههههه
وغير هذا طبعا كانت البنات مجننين السواق
واني ماادري ويش السالفه لانا كنا جدد بس بصراحه اني مختلعه من سوالف البنات يوم وحده حاطه له علك على السيت
خخخخخخخ ويوم ثاني يجي يهزء فينا
والغريبه ان احنا كنا قليلين داك اليوم شككوني حتى في نفسي ؟؟؟
ويوم الله يسامحهم البنات الي قاعدين ورا ماادري ويش سووو
وماشفنا السواق الا معصب ويقول ان الي ورا خلووو سياره تلحق الباص
وصارت مشكله وقال ان انتون قليلين ادب
وابشتكي عليكم وابجيب ليكم الهيئه واني مختلعه
؟؟؟
ولا وناقص يتهمنا معاهم ؟؟؟؟؟؟؟؟؟
والغريبه هو سواق حكومي يعني الراتب يمشي الك
طايح تهزيء فينا ؟؟؟؟
يكفي ان الوحده بيتها ماادري في وين وهو يوقف ماادري في وين ؟؟؟
بعد فتره طلعت ركبت مع واحد من اهل صديقه من صديقاتي
اقوله الدوم 11 يجي لي 9
اقوله امتحاني 11 يجي لي من قبل 9
ويمر بدون مايقول
ويوصل بيت صديقتي وصديقتي نايمه ؟؟؟؟
واحيانا يرمينا على اي سواق ثاني
وفي مره سوها
وركبنا مع واحد
مو طبيعي
مابقول ويش قال عنه ابو صديقتي يوم شافه
رجعنا للباص الحكومي
وبدت سوالف غريبه ومشاكل مي واقعيه تصير
السواق يقول عنه مغازلجي
وماشاء الله على عيونه ؟؟؟
اني مالي شغل في كلامهم
ومو مهم عندي بس صارت لي قصه اني غنيه عنها

بس مابقولها كانت مع وحده من بنات الباص
ورجعت طلعت
وركبت مع واحد كبير في 50 يمكن وعن جد ارتحت
ركبت معاه فتره وجربته
وبصراحه ماعله كلام الوقت مظبوط
المكيف بارد الرجال محترم لابعد حد
والحين للاسف لما جيت ابرجع لنفس الميكروا قال لي
اصبري ابشوف في الش مكان او لا
بعديني اتصل علي
وقال لي ماعندي مكان لش
بس انا عطيت رقمش لاجماعه ؟؟؟؟؟؟؟؟؟؟؟
اني اختلعت وقلت له من هم
قال لي ابو فلان
طلع نفس الشخص الي ركبت وياه من قبل وكان يتأخر ويرمينا على اي احد ؟؟؟؟
اني بصراحه سكتت عنه وسكر
لكن سؤالي بالله عليكم
هذا رقمي امانه المفروض
ليش هو يروح ويعطي الرقم واحد ثاني وبدون اذن ؟؟؟
ليش السواقيين يتصرفوا تصرفات اعظم من الجهال ؟؟؟
ليش لما يقهروهم البنات يتابعوهم ويعاندوا ؟؟؟؟؟
وليش باصات الحكومه بهالشكل ؟؟؟
والله لو احنا هنود ماسووو فينا كده ؟؟؟
وليش السواقيين الي توظفهم الحكومه بهالشكل من الاخلاق والتصرفات ؟؟؟؟