رساله .

[طلت قمر]

رساله .
بسم الله..


الرســـــالـــــــــة

إهداء للجميع..








يا بعد كل الرسايل.. هالرساله
توّها ما كمّلت عمر الطفوله

طفلةٍ فيها العطر يا طووول باله
ودّه يفوح و يبوح.. وهي خجوله

مثل طبع اللي كتبها من دلاله..
في مسافات الزمن و اربع فصوله

مترفٍ لا جيت أشوفه.. شاف حاله !
ما حصل لي منْه لو نظره عجوله

صار عندي راس مال.. و راس ماله :
ضحكةٍ فيها عقل.. بس مهبوووله !!

لا ضحك في مسمعي كنّي قباله
كنّي اقطف ورده و عقده و لوله

و احبس بعيني خيالٍ من جماله
و ارفع لسمعي يدي كنّي بـ اطوله !!

و ارسم لزوله شكل يشبه خياله..
في خيالي.. والاّ انا ماشفت زوله !

كلّما حرّمته.. القاني حلاله
و كلّما عنْه أبتعد.. قرّبت أنوله

كنت أفكّر مرّه..

كنت أفكّر مرّه القى لي بداله
دام وصله صعب والأصعب وصوله


قلت : ياالله نفترق.. كلّن و فاله
قال : ياالله .
قلت : لحظه
!!!!!!!!!!!!!!!!!!!!!!!!!! من يقوله ؟!


أطري الفرقا.. وانا ما من صماله
وادري ان فرقاه.. ماهي بالسهوله

كم عذولٍ قد عذلني في وصاله
مير نفسي فيه ماهيب امعذوله

ما يخلّي حالة الرجّال حاله
غير :
بنتٍ في مواقفها رجووله !

و قلبي أحلامه معه.. حسبة عياله
كيف حلمٍ توّه بعمر الطفوله ؟!!.