زيت زيتون و فـلـفـل لشعرك..... مجربة

[همس المشاعر]

السلام عليكم ورحمة الله وبركاته
كيفكم
كيف احوالكم مع رمضان

احم احم
اليوم جبت لكم وصفه ايش اقول عنها سحريه
بس بجد هالوصفه حلوة وانا استفدت من وراها انا
صدق احترقت في البدايه بس استفدت منها حيل
وخاصه انها خففت التساقط اللي عندي وكان بالهبل
وخففت هم التقصف
انا بالعاده اقص اطرافه كل شهر والحين من استخدمت هالوصف
صار الي شهر تقريبا ماقصيت الاطراف
لاني ماشوف انه متقصف ولا شي ونصيحه مني انكم تستخدموها
بس تحذروا اول مرة
لانها مابتحرق فروة الراس لا بتحرق اياديكم
فنصيحه مني البسوا قفاز عشان يدكم
او تسوون زي ماسويت خلطت الخلطه وحطيتهم في علبه وحده
وتركتها يومين او ثلاثه ولمااستخدمتها ومن غير قفاز مااتحرقت ايادي
ادري الحين انتون مستغربين شلون احترقت وشنو هالخلطه
والحين لكم الخلطه وتراها مجربه كثير
وانا ماجربتها الا يوم شفت كل الردودو يمدحوها فقلت مع القوم ياشقرا
ادري طولت بالقرقر ونسيت الوصفه

الوصفه هي
تجيبي زيت زيتون وفلفل اخضر الحار <<فلفل الهنود عرفتوه ادري بتهونوا
المهم تاخذي الفلفل و تشيلي البذور اللي داخله
وبعدين تحطيه في الخلاط الكهربائي وبعدين تخلطيه مع زيت الزتون
وتحطيه على الشعر
بس زي ماقلت لكم اما قفاز او تخلطوهم وتتركوهم يومين عشان الحرارة تبرد
جربوها بس انتبهوا
لا يصير لكم شي و
تقولوا مني