الحــــــــــنـايه .. بين مؤيد ومعارض ..

[شيعيه]

السلام عليكم فتايا ...

شخباركم .. إن شاءالله تمام ,,

هالشهر صفر .. ماباقي شي على شهر ربيع والخيرات والمعاريس جايه

ايامكم فرح ان شاء الله ..


المهم في ظاهره قاعده تنتشر هالأيام ..


العروس تبغي تحجز حنايه ومن زمااااااان حاطه في بالها وحده ..
ومستحيل تغيرها <<< حناها رووووعه

المهم تكلمها .. ويتفقوا على السعر
لكن ..
الحنايه : فلانه ترى اني ماأطلع احني برا .. انتين تعالي !!

بحجة ان الحنايه ماتقدر تطلع او مايمدها ( مشوار) اللي في صفوى واللي في الدمام واللي ... واللي ..


ايه والوقت احنا نشوف ..
من بعد صلاة المغرب مايخلصوا الا الساعه وحده او ثنتين ونص والبعض يوصلوا إلى الساعه ثلاث الفجر .. :كشافات:


براكم الحنايه بعد ماتخلص مو تحتاج راحه ؟؟
ومن تخلص شغلها بتقوم ..


إذا راحت العروس إلى الحنايه .. كيف الوضع بيكون ..


هل الحنايه بتترك العروس؟؟ ( بترتاح - بتتعشى - بتشوف البيت والأولاد)
او بتهمل بيتها وزوجها - إذا كانت متزوجه - وبتبسط ويا العروس لين تروح يعني للصبح؟
ام العروس بتكون مطمئنه وبالها مرتاح و بنتها نايمه بره البيت ؟؟ لآن طبيعي مابتقوم والحناء مانشف ؟؟
وشي ثاني العروس مابتاخد القبيله كلها وياها .. يعني إذا زادت ثنتين - تستحي تاخد الجيش كله- العروس
بتاخذ راحتها في بيت مووو بيتها ؟؟


اتمنى مشاركتكم ..
واتمنى مشاركة الحنايات وشنو رايهم ..



تحياتي

شيعيه