شيقول الشعر يمك يعباس
قدامك قسم كل شعر مافاد
الك موقف شرف بالطف يبو الجود
اش ما مر الزمن ماظنه ينعاد
اجيك واغترف منك كرامات
وحس لمن احضنك شرف ازداد
اوقف يم شموخك وانه مذهول
بعيد وماتحدك كل الابعاد
الملائك يم ضريحك تنزل تطوف
وتركع يم حضرتك كل الاسياد
المجد خطه ابوك بساحة الكون
وطبيعي من المجد تتفرع امجاد
خدت من حيدرة يابو الفضل زود
وعلى الصولات من صفين معتاد
اعداد اشكثر ترجف تلاقيك
وانته بهيبتك خوفت الاعداد
وفاء قدمت نفسك يعباس
ورفضت عزتك للذلة تنقاد
وطحت بكربلا بس ماطحت موت
وكانت طيحتك ياقمر ميلاد
شحّت بالعطايا جفوفها الناس
وانته بلاجفوف توزع مراد
27-02-08, 10:54 AM
العرض الشجري