الدشة والديرة

[بلاقيود]

رجعت الـ ذكريات اول ..

زمانـ الدشة والديرة ..

تذكرتـ الناس والطيبة ..

تذكرت الخوة والجيرة ..

تذكرت عيننا العودة ..

وشكثر فيها نتسبح ..

وبعد مانستمل منها ..

نروح الخباز حق نطفح ...

تذكرت العابنا أول ..

مخطة وتيلة ودوام ..

نظل نلعب .. ولانتعب ..

ودايم نوصل الارحام ..

تذكرت جارنا المرحوم

كم كورة اخد منا

اذا طبت وسط بيتهم

على الكورة يحسرنا

تذكرت المدرسة أول

وضرب واير التكييف

زمان اول مو الحين

المدرس يشتكي التنتيف

تذكرت الحرمة لو مرت

علينا فيها مانطالع

لانها امنا لو ختنا

وخوف الله لنا رادع

تذكرت شلون نتعامل

مع الجيران والاصحاب

ابد ماكنا نتجافى

ولانغلق ابد ابواب

زمان اول يليته يعود

ويعود الخير للديرة

وتعود الدشة مثل اول

عروس الطيبة والغيرة