اسباب ابتعاد الشباب عن الزواج

[حسون الحنون]

بسم الله الرحمن الرحيم
السلام عليكم ورحمة الله وبركاته
من الحالات اللي نشوفها في هذي الايام هي ( عدم رغبة الشباب في الزواج ) وهذي الحالة لها اسباب وخلال اسبوع عملت احصائيات وسالت بعض الشباب عن عدم رغبتهم في الزواج وكلهم ردوا علي وقالوا :-


1- انهم اذا راحوا يتقدمون لوحدة من البنات ( بنت غنية ) يرفض ابوها على طول لان الشاب اللي متقدم حق بنته مو غني ( على قد حاله ) والاب يبغى واحد غني ( هامور ) على باله سعادة بنته بالفلوس .


2- انهم يكونوا في موقف محرج وصعب لان البنت تتشرط كل اجازة تبغى تسافر وتبغى سيارة كشخة وبيت كبير وخدم وسايق وسيارة لها والرجال الى الحين ما خلص اقصاد سيارته ( يهربوا الرجال).


3- انهم الى الحين صغار على الزواج ويبغوا يستانسوا قبل الزواج وكل واحد يوصل عمره 33 وهو ما تزوج ولا يفكر يتزوج ليش ؟؟ انتوا عارفين.


4- انهم يبغوا يتعرفوا على صديقات فقط وما يفكرون في الزواج كليا.


5-انهم ما يقدروا على مصاريف الزواج وهم ما يقدروا لانهم ما يشتغلوا وطلعوا من دراستهم وصعب الواحد يلقى وظيفة من غير شهادة هالايام يعني كيف بيتزوجوا ؟؟



وهذ هي الاسباب اللي استنتجتها من الشباب

وان شاء الله يعجبكم الموضوع

وارجو الرد على الموضوع اذا كان عندكم شي انا ما ذكرته او اذا كنتوا تبغوا تعلقوا على كلامي
وفي الختام تقبلوا خالص احترامي وتقديري
دمتم في رعاية الله وحفظه

اخوكم حسن






ــــــــــــــــــــــــــــــــــــــــــــــــــ ــ
للتواصل عبر المسنجر
tarout43@hotmail.com