تدري ؟؟

[ابو نور]

تدري ذاك اليوم ما صدقت انك تحبني
وما حسبت ينصاد بشباكك هذا الحوت

يا كثرها الدانات من حولي وما عجبني
فيهم لولو تعدى غلاها عقيق وياقوت

تدري نبضي سابق البرق لا غبت عني
وقبلك لا ريح تهزه ولا سنا سهم يفوت

حتى الموت ذقته في عروقي ما خوفني
كل البشر لا وقف نبضها دقايق وتموت

وقف نبضي والموت على صدري خنقني
كاتم على انفاسي وانا اصرخ بلا صوت

بس من شفتك يالملاك وحسيتك تعشقني
نسيت ناسي بحبك وعشقتك في تاروت

يا الحنون جنوني بك من هالعالم اخذني
وتفجر داخلي نبع احساس كان مكبوت

تدري اني احبك ويا حبذا تكون بحضني
وكل يوم فيك اموت واعيش وارد اموت