فلنسافر مع الأعضاء

[تاروتيه سهرانه]

اللهم صلِ على محمدو آل محمد
’,خيتو أم مرتجى,’
شكراً لكِ على هذه الأستضآفه الجميله والمسليه
1- أول سفرة كانت .. متى؟ .... إلى؟

أولـ سفرة وأنا في بطن أمي إلى الأمآم الحسين ..
وبعدهآ عمري يمكن سنه إيضاً كآنت إلى الأمآم الحسين علية السلآم .
2- أطول سفرة كانت لمدة ....؟ إلى ...؟
شهرين في العرآق وقتهآ كآن عمري سنتين .

3- أحلى بلد زرتها؟ ... ما الذي شدك إليها؟

إيرآن .. كلـ فيهآ عجبني وحده حرم الأمآم الرضآ عليه السلآم جنه .
4- لو شاءت الظروف (عمل...علم .. زواج .... استقرار مثلا) أي بلد غير بلدك كنت تتمنى العيش فيه؟ وهل عرض عليك ذلك؟
خآطري الصرآحه في مكآنين إيرآن / الهند ..
لآ مآبعد عرضو علي ههههههههه, إن شاء في المستقبل ههههههه .

5- أحلى أكلة ذقتها كانت من ...
ماهي ....؟

وآجد / بس تـ عجبني (قيمة ) العر اقين .
6- طرفة صارت لك في أحد أسفارك و لازلت/ي تذكرها ؟
في منطقة طريبيل وأحنآ رآيحين العرآق قبل 8 سنوآت كآن تفتيش وهيكو ..
وفي كلآب التفتيش وأنتو بكرآمه ..
فأنا كنت وآقفه ننتظر يخلص التفتيش وقريب مني في كلب بوليسي أسود وش طوله وأنا عبآلي حرمه جآلسه ,
رحت أمشي من جهته كآن ينبح ذاك الكلب نبحه طيحتني من طولي ورجآيلي تصفق في بعضها , وجمدت لين مآجآ أبوي لي ولآ فوق كل هالخلعه زفني قدآم أصحآبه وقآل لي
عميه مآتشوفي
7- أجمل تذكار للحين تحتفظ/ين به كان ...؟ من ...؟

صورة الأمآم علي إبن موسى الرضآ من إيرآن / ترآب من قبر الإمآم الحسين .
8- آخر بلد زرتها...؟

الكويت في محرم .
9- شيء لا تستغني عنه في سفرك؟

كلـ شيء مهم لآ أستطيع الأستغنآء عنه الفلوس/الملآبس /الكآميرآ / الجوآل .
10- أحلى استضافة كانت من ... في ...؟
مطآر مشهد في شهر رمضآن أولـ مآ وصلنآ وزعوآ علينآ ورد روز أحمر .

11- ماهي وسيلة تنقلك المفضلة؟
أكيد الطائره أريح بس أحب البآصآت .

12- أكثر مطار شدك ...؟
مطآر البحرين يـ ع ـجبني أكثر من مطآر الملك فهد مدري ليش ..!


13- بلد ودك تزورها إن شاء الله؟

أبي أروح مكه مآرحت
14- قص لنا ماجرى لك في أحد سفراتك مع إرفاق صور إن أمكن؟

_
15- من تتمنى أن تسافر معه من الأعضاء؟
مع البنوتآت كلهم .
16- كلمة أو (نصيحة) أخيرة للمسافرين؟
تفقدوآ جوآزاتكم
وأقطعوآ البورد
عشآن ننطلق هههههه
و جدد الله سفركم

[أم مرتجى]

تسلمي خيو تاروتيه سهرانه على قبول الدعوة

وجدد الله سفرك يارب


بس ماأخترتي أحد بعدك ،،

[تاروتية]

جدد الله سفرك تاروتية سهرانه

عحبتني قصتك مع الكلب

[وجه البـــــدر]

اقتباس: في منطقة طريبيل وأحنآ رآيحين العرآق قبل 8 سنوآت كآن تفتيش وهيكو .. وفي كلآب التفتيش وأنتو بكرآمه .. فأنا كنت وآقفه ننتظر يخلص التفتيش وقريب مني في كلب بوليسي أسود وش طوله وأنا عبآلي حرمه جآلسه , رحت أمشي من جهته كآن ينبح ذاك الكلب نبحه طيحتني من طولي ورجآيلي تصفق في بعضها , وجمدت لين مآجآ أبوي لي ولآ فوق كل هالخلعه زفني قدآم أصحآبه وقآل لي عميه مآتشوفي

ياغناتي كسرتي بخاطري والله
بس الضاهر ان ابوك مثل ابوي وقت التفتيش لازم يتوتروا مدري ليش ؟؟؟ كلا معصبين
جدد الله سفركم ان شاء الله

[~{رۉعـﮧ بگلّمتيے »]

جدد الله سفرك تاروتية سهرانه

[أم مرتجى]

ونجدد رحلاتنا بعضوة جديدة

أمل عمري

فلتتفضل مصحوبة بالصلاة على محمد وآل محمد ،،

[أمل عمري]

اللهم صلِ على محمد وآل محمد وعجل فرجهم أجمعين

أولاً أوجه خالص شكري وتقديري إلى العزيزة أم مرتجى على هذي الأستضافة الرائعة

~

نبدأ مشوار الرحلآت على بركة الله

1- أول سفرة كانت .. متى؟ .... إلى؟

اول سفرة سافرتها لما كان عمري 4 سنوات إلى المدينة

2- أطول سفرة كانت لمدة ....؟ إلى ...؟

42 يوم في ضيافة الإمام الرضا واخته المعصومة عليهما السلآم

3- أحلى بلد زرتها؟ ... ما الذي شدك إليها؟

إيـــرآنـ بطبيعتها وكل شي فيها والأهم وجود ضامن الجنان

4- لو شاءت الظروف (عمل...علم .. زواج .... استقرار مثلا) أي بلد غير بلدك كنت تتمنى العيش فيه؟ وهل عرض عليك ذلك؟

اتمنى الدراسة والعمل في كندآ لكن لفترة محددة وليس للإستقرار << ما أقدر على الغربة

وماحد عرض عليّ هالعرض

5- أحلى أكلة ذقتها كانت من ...
ماهي ....؟

والله كثير لكن اكثر شي اذكره البيتزا في إيرآن لذيذة
ورقائق البطاطا بجبنة شيدر في سوريا

6- طرفة صارت لك في أحد أسفارك و لازلت/ي تذكرها ؟

صارت مواقف كثيرة لكن عندي موقفين ما أنساهم

الأول صار لي في المره الأولى اللي سافرنا فيها إيران تقريباً قبل 8 سنوات
كنا داخلين محل يبيع مكسرات إحنا على بالنا إنهم عادي يخلونا نذوق قبل لا نشتري
واللي يبيع رجال عجوز ,, سألناه عادي نجرب !! هز راسه وقمنا إحنا نجرّب في النخج والحب والمشكله إن مكسراته شوية بايته وغيرنا راينا ما بنشتري من عنده ,, استسمحناه العذر وجينا بنطلع من المحل ,, كان ما اشوف إلا الرجال يصارخ ويهدر وماحد فاهم له ويش يقول (كلنا حريم)
قالت امي يمكن عشان ذقنا من المكسرات وما شرينا من عنده ,, قامت امي وعطته ابو قروش لا يصير في ذمتنا دام انه مو راضي

وأني واقفه عند الباب واطلع في الرجال وهو مستحرق ويشبر وكان ما اشوف إلا ذاك القرش المعدني طاير ويضرب عظمة الخشم وتسيل دماميني !! والدموع اربع اربع و النحيس ما كأنه مسوي شي ولا جاب خبر << للحين ما انساها لذاك الشايب
الحمدلله ما طيّر عيوني
ـ ـ ـ ـ ـ ـ

الموقف الثاني صار ليي اللعام في العراق ( زيارة الأربعين )
كان قروب الحملة طالعين رحلة للمزارات وكاميرتي لازم احملها عشان التصوير وهذاك اليوم رحنا عند نهر الحجة وتعرقلت بحجرة وطاحت الكاميرا من عندي وشلتها بعدما تأكدت إنها سليمة وطول ما احنا نمشي واني اطخطخ صور منا ومناك وللمزارات والشوارع
وتاليها رجعنا الفندق ,, حبيت اشوف الصور اللي إلتقطتهم إلا الكاميرا مافيها الصور للمكانات اللي زرناهم !!

آخر شي طلع كرت الذاكره زايح عن مكانه من طيحة الكاميرا

وهذي آخر صورة صورتها بالكاميرا قبل لا تطيح

7- أجمل تذكار للحين تحتفظ/ين به كان ...؟ من ...؟

كل مره نسافر فيها أحتفظ بتذكار من كل بلد واكثر شي صور

8- آخر بلد زرتها...؟

سوريـآ هذا العام في زيارة الأربعين

9- شيء لا تستغني عنه في سفرك؟

اشياء كثيرة ( القرآن - مفاتيح الجنان - الكاميرا - الجوال - مخدتي الصغيرة << ما اسافر بدونها - حبوب فيفادول وادوية لكل شي...)

10- أحلى استضافة كانت من ... في ...؟

احلى استضافة كانت من عائلة كويتية من معارفنا في إيرآن
متجنسين إيرآني وعايشين فيها

11- ماهي وسيلة تنقلك المفضلة؟

أحب أسافر بالباص عشآن أحس بحلآوة السفر

لكن الطائرة مريحة أكثر

12- أكثر مطار شدك ...؟

مطار دبي فخم جداً

\

13- بلد ودك تزورها إن شاء الله؟

اتمنى زيارة دول كثيرة ومنها اليابان

ودي استكشف فيها

14- قص لنا ماجرى لك في أحد سفراتك مع إرفاق صور إن أمكن؟

اللعام كنا في العراق لزيارة الأربعين 1429هـ
كان من ضمن برنامج رحلتنا ,, زيارة الكاظميين سلآم الله عليهم ونقضي ليلة في الكاظمية ويوم ثاني نتوجه للنجف الأشرف
لكن هذيك الليلة من اكثر الليالي رعب في حياتي
رحلتنا للكاظمية من كربلا كانت شاقة وطويلة والكل تعبانين وناموا ما عدا اني كنت متفلزنة وماقدرت انام من السخونة والزكام والكهربا في الفندق كله منطفية حتى ما اشوف ايدي من الظلام وكنت أسمع صوت خطوات في الغرفة وأحد يلعب بالنعال ( تكرموا ) وصوت ولف الماي يفتح ويتسكر << كلهم نايمين واني ميته من الخوف ولاني قادرة اتكلم ولا اقوم لأمي واللي زاد الطين بله نسمع صوت الدبابات وصوت الطائرات وقدائف مدفعية وهذي الي خلت الكل يوتعي من الفزعة << أشوى تالي قعدوا وناوسوني

للأسف ماصورت داخل الفندق .. لكن هذي لقطات للكاظمية

وهذي الصورة لما طلعنا من الحرم ,, اختلعنا لما شفنا جنود في كل مكان

لأن منطقة الكاظمية ما فيها امان

الحمدلله على سلآمة جميع الزوار والله يعودنا وياكم

15- من تتمنى أن تسافر معه من الأعضاء؟

كل العضوات حبوبات واتمنى الله يجمعني وياهم عند سيد الشهداء عليه السلآم

16- كلمة أو (نصيحة) أخيرة للمسافرين؟

عامل الناس في بلدهم كما تحب أن يعاملوك

\

أعتذر على الإطاله

وربي يعطيكم ألف عافية

[تاروتيه سهرانه]

اقتباس: المشاركة الأصلية كتبت بواسطة أم مرتجى   تسلمي خيو تاروتيه سهرانه على قبول الدعوة وجدد الله سفرك يارب بس ماأخترتي أحد بعدك ،،

الله يسلمك يآرب

أعتذر مآنتبهت إن أني اللي أختآر العضو بعدي

السموحه ..!

[تاروتيه سهرانه]

اقتباس: 14- قص لنا ماجرى لك في أحد سفراتك مع إرفاق صور إن أمكن؟ اللعام كنا في العراق لزيارة الأربعين 1429هـ كان من ضمن برنامج رحلتنا ,, زيارة الكاظميين سلآم الله عليهم ونقضي ليلة في الكاظمية ويوم ثاني نتوجه للنجف الأشرف لكن هذيك الليلة من اكثر الليالي رعب في حياتي رحلتنا للكاظمية من كربلا كانت شاقة وطويلة والكل تعبانين وناموا ما عدا اني كنت متفلزنة وماقدرت انام من السخونة والزكام والكهربا في الفندق كله منطفية حتى ما اشوف ايدي من الظلام وكنت أسمع صوت خطوات في الغرفة وأحد يلعب بالنعال ( تكرموا ) وصوت ولف الماي يفتح ويتسكر << كلهم نايمين واني ميته من الخوف ولاني قادرة اتكلم ولا اقوم لأمي واللي زاد الطين بله نسمع صوت الدبابات وصوت الطائرات وقدائف مدفعية وهذي الي خلت الكل يوتعي من الفزعة << أشوى تالي قعدوا وناوسوني للأسف ماصورت داخل الفندق .. لكن هذي لقطات للكاظمية

مين اللي كآن يلعب بالنعآل ويفتح المآي
>>
يعني بسم الله وبالله

كيف قدرتي تسكتي
لوأنا مكآنك صرخت صرخه قعدت الفندق المجآور

_____


أملـ عمري جدد الله سفركِ
ومطآر دبي وآيد عجبني ..

[أمل عمري]

والله يا تاروتية هذيك الليلة لا تنسى
من الخوف لساني كأنه مربوط وموقادره اتكلم

اكتشفنا يوم ثاني إن بعض الزوار اللي كانوا معانا بالسكن صار ليهم مواقف في نفس الليلة وحركات تخويف اكثر ..

خالتي كانت معانا في الفندق لكن في غرفة ثانية وكان معاها ولدها الصغير كان عمره شهرين
طبعاً الكهربا منطفية وماسمعت إلا بصريخ ولدها وضمته عشان تحسسه بالأمان
ولما طلع النهار يوم ثاني جت خالتي غرفتنا مختلعة وتقول شوفوا ويش في ايد ولدي !! طبعة اصابع !!

طبعاً من قبل كنت متكلمة ليهم عن الأصوات اللي سمعتها وماصدقوني يقولوا ليي انتين تهلوسي من السخونه لكن طبعات الأصابع اثبتت ليهم إن الفندق مسكوووون


\\

أخــــتـار بعـدي الحلوة

SanfoOoOora

[البتول النوراء]

جدد الله سفركم يا رب

والله يعودنا وياكم لزيارة محمد وآهل بيته الطاهرين

الواحد قلبه ينشرح لما يسمع الناس راحت

الحمد لله على ولاية امير المؤمنين وأهل بيته الطاهرين

[SanfoOoOora]

اشكر اختي ام مرتجى على الاستضافة وانشالله اكون خفيفه الظل عليكم
1- أول سفرة كانت .. متى؟ .... إلى؟
اول سفرة الى ايرلندا وكنت بنت شهور

2- أطول سفرة كانت لمدة ....؟ إلى ...؟
اطول سفرة الى امريكا وقعدنا 3 شهور


3- أحلى بلد زرتها؟ ... ما الذي شدك إليها؟
ماليزيا طبعا <<< لانها تجمع التحضر والطبيعه في نفس الوقت


4- لو شاءت الظروف (عمل...علم .. زواج .... استقرار مثلا) أي بلد غير بلدك كنت تتمنى العيش فيه؟ وهل عرض عليك ذلك؟
الامارات او قطر- لا لم يعرض علي


5- أحلى أكلة ذقتها كانت من ...
ماهي ....؟
صراحه انا من النوعيه الي اخاف اجرب برى بس الان اضطريت اجرب.
جربت باستا ايطاليه في بريطانيا <<< وقفت فوق راس الطباخه عشان لا تحط لي wine وتوابعه


6- طرفة صارت لك في أحد أسفارك و لازلت/ي تذكرها ؟
ماذكر عمري كم كان بس كنا رايحين تركيا وكنا في قارب رايحين الجزء الاروبي من تركيا و ناكل عسكريم في كاسات وفيها مظلة صغيرة <<<كنت مخترشة فيه حدي لدرجه اني طيحت الكاس وكسرته وكانت اول علقه اخذها من ابوي الله يحفظه


7- أجمل تذكار للحين تحتفظ/ين به كان ...؟ من ...؟
مجسم للفراعنه واهرامات من ماليزيا <<< وش دخل؟؟؟


8- آخر بلد زرتها...؟
بلد الغربة بريطانيا


9- شيء لا تستغني عنه في سفرك؟
بللللل سؤال محرج عاد انا بنيه واشياء واجد مااستغني عنها

10- أحلى استضافة كانت من ... في ...؟
من بنت خالي الغاليه في دبي دار الحي


11- ماهي وسيلة تنقلك المفضلة؟
من بلد الى بلد اكيد طيارة مع ان ودي اجرب سفينه



12- أكثر مطار شدك ...؟
مطار ماليزيا


13- بلد ودك تزورها إن شاء الله؟
ايران انشالله


14- قص لنا ماجرى لك في أحد سفراتك مع إرفاق صور إن أمكن؟
...................................

15- من تتمنى أن تسافر معه من الأعضاء؟
مع عسولي واذا حصل لي مع الغالية اميرة السلام


16- كلمة أو (نصيحة) أخيرة للمسافرين؟
نوعوا سفراتكم عشان اذا استضافتكم ام مرتجى عندكم تجارب وذكريات واجد تشاركونا فيها
لا امزح
احترموا قوانين ونظم البلد الي تسافروا عليه


انشالله مامللتكم بهدرتني وشكرا عالاستضافه مرة اخرى

[أمل عمري]

سنفورة

الله يكتب لكم زيارة الإمام الرضا سلام الله عليه

\

ضحكتيني بسالفة المظلة ههههههه

[أم مرتجى]

سنفوره رحلة ممتعة

الله يجدد سفركم ويرزقنا وياكم زيارة ضامن الجنان ،،

[أم مرتجى]

وتستمر الرحلات مع الأعضاء ورحلتنا اليوم مع غاليتنا

معزوفة القمر