تعالوا يابنات

[نورت دنيانا]

السلام عليكم يابنات ..شوفوا حركات البنات أيام الإمتحانات

1- الثلاث وجبات الرئيسية لازم تقعد عليها أول وحده وماتقوم الا آخر وحده جوعانة المسكينة
ياحراااام ،، واحيانا تزيد وجبات اضافية اذا كانت المادة دسمة


لازم تتغذى ولا أشلون تنجح

2- تقعد تسوي روحها ملانه وتعبانه ويااااااربيه ماني قادرة اذاكر مادري شفيني حاسة بلوعه يمه
الظاهراحد قاري علي والا صاكني عين .. تقعد امها تقول باسم الله عليك.. تعالي اقرا عليك يابنيتي..
كل هذا عشان اذا سقطت يقولون عين .
عيني عليها بارده

3- بعضهم ينزل عليها وسواس نظافة ايام الامتحانات تاخذ شاور الصبح والليل وتستشور شعرها كل مرة
طبعا مايصير تخليه يخرب بكره كيف تروح المدرسة .. والكتاب على جنب طبعا هذي من واجباتها اليومية
ماتقدر تتركها عشان تذاكر مايصير
لا معاها حق أهم شي الشكل

4- هذي تخلي الكتاب على جنب وتقوم تقايس ملابس السهرات اللي عندها عشان بعد الامتحانات على طول
في عرس فلانه بنت فلان لازم تحدد وش تلبس من الحين ... لا وبعضهم ليلة الاختبار عند الخياطة رايحه تسوي بروفه
بصراحه مافي وقت

5- وبعضهم تنزل عليها صلة الرحم فجأه تقوم تكلم وحده من صديقاتها اللي من ايام أول ..
من زمان ماكلمتها تبي تشوف وش صار عليها وتشغلها عن المذاكره

ماهي ملامه صلة الرحم واجبه

6- وهاذي تنزل عليها الشطارة فجأة تقوم تسوي العشا لاهلها.. وتغسل المواعين عن خدامتهم
وتقولها طلعي نامي انتي خلاص انا اكمل

ياريت كل يوم أمتحان

7- وهاذي تموووت على شي اسمه تليفون قالبتها تشات حشا مو مسجات وماتحس بالوقت الا قبل الفجر بساعتين

زحمه مسجات وتلفونات وأمتحان مايمدي

8- وهاذي المسكينه اللي تعور القلب لاقفلت معها قضبت المخده ونامت و لما تقوم .. تقول يووووووه راحت علي نومه
لاأمتحان ولاوجع قلب


9- وهاذي ايام الامتحانات تنزل عليها حالات غريبه كل شوي مشتهيه اكله معينه .. وامها ايه يابنيتي شنو تبين بس ..
يعني تبي تساعدها عشان تفتح نفسها للدراسه .. هذا النوع ماتنتهي الامتحانات الا واهيا زايده 4 كيلو ..

[أم أحمد]

ههههههههههههههههه
والله ضحكتيني خيوه وذكرتيني بفعآيلي آيآم الدرآسه
تسلمي غناتوه

[نورت دنيانا]

اللهم صلي على محمد وآل محمد

هلا وغلا بخيتي الغاليا أم أحمد ..ماتخلا أيام

الإمتحانات من هالأشياء وكل شي يصير مهم كأن

الواحد في قفص مو إمتحان

[القلب السليم]

ههههههه ..

كل شيء ولا الوجبات الاضافية حتى الى مو حلو تاكلة هههه ..
تسلمي نورت دنيانا ..خيوة أني كانت تجيني حالة غير شكل ..
أذا أذن المغرب يبداء عندي لصياح أحس الوقت أنتهاءههههه
وبعد أيام الاختبارات مابي أمي تطلع من البيت >>>أحس بالامان والراحة لما أشوفها

[نورت دنيانا]

اقتباس: المشاركة الأصلية كتبت بواسطة القلب السليم  ههههههه .. كل شيء ولا الوجبات الاضافية حتى الى مو حلو تاكلة هههه .. تسلمي نورت دنيانا ..خيوة أني كانت تجيني حالة غير شكل .. أذا أذن المغرب يبداء عندي لصياح أحس الوقت أنتهاءههههه وبعد أيام الاختبارات مابي أمي تطلع من البيت >>>أحس بالامان والراحة لما أشوفها

اللهم صلي على محمد وآل محمد

ههههه والله حالتك مستعصيه خيتي القلب السليم مسكينه أمك

ويش ذنبها تنحبس ..

أشكر مرورك غاليتي وذمتي بخير..