تجمع احلى اعضاء

[قلب من دانتيل]

هلووووووووووو جميعا بدون استثناء

ابشركم وصلت ارض الوطن
لذلك مابتشوفوني واجد هالايام

المهم كلكم يعني وزنتوا
اني سلمكم الله بقول ليكم معلومة
اني الحمد لله صايرة انزل بسرعة لان زيادة كم الكيلو اللي عندي مو من بلع انما نتائج حمل وولادة .
لاني من قبل الريجيم ووزني ثابت مايتيغير سوا اكلت رز او شوكلت او اي شي مايزيد ولاينقص
الحمد لله من بديت الريجيم اثار الحمل والولادة بدأت تتلاشى
وقريبا ان شالله بالارادة بوصل لمقاسي الاولي

المهم عشان لااصك نفسي عين والعين حق ههههههههههههههههه
صلوا على النبي واله وباقي يوم واكمل شهر من بديت دشتي ونزلت 11 كيلو

الاسبوع الاول نزلت 6كيلو
والبقية على بقية ايام الشهر هذا الاطاف
تقريبا باليوم انزل 300 غرام
لاني اتقيد بالنظام ولايمكن اني اخبص
عندي هدف ولازم اوصل له

بس تصحيح معلومة تراني مو من الاحجام الكبيرة تراني صغننة ولابيني وبين الضخامة اي شي عشان يعني لااحد يتخيلني درام ديزل ههههههههههههههههههههههههههه

وان شالله اوصل للوزن المطلوب..

[ام عباس وزينب]

اقتباس: درام ديزل

شكلش خخخخخ نحاسه

سبيشل
اني اسوي رجيم ومو رجيم ---- يوه جيف تصير دي بعد
امشي على النظام الي عطوني اياه حتى لاتنزل نسبة الهيمو جلوبين
وماقدرت اعتمد لا على دشتي ولا النقاط

نظامي
ثلاث وجبات باليوم
ابديها بالغذاء ثمان ملاعق بس واعتمد واجد على المشوي والمطبوخ بدل القلي
وبعدها الساعه سبع المغرب موعد سندويشه صعننه واذا في فاكه غريبه عجيبه من الي احبها آكلها

الى العشا بآخر اليل 12 ويكون ساندوش واحد او ثمان لقم كله بالعد
او اقدر الاكل قد قبضةة اليد
تظمي يدك
نفس حجمها تاكلي
معلوم او مافي معلوم
غريب مو تقول الواحد لازم ياكل قد قبظة ايده لانه هذا حجم المعده والقلب

واتبع وياهم رجيم الماي
وخبصت هاليومين لاني محتره وااااجد وماامبى ابكس ابو العبس

والوزن السبوع الي بجي وبديت صحيح بحبوب يساعد على تنزيل الوزن اسمه جلو كو فاج بنسبة 850

الله يستر عندي احساس ان الوزن طافر

[أجمل إحساس]

اقتباس: المشاركة الأصلية كتبت بواسطة special   الصلاة على النبي و آله ,, مبروك النزول ,, زين تمام اجمل الله ينولك مرادك ,, 3 اشهر و انت بالمرحلة الاولى واااجد مو له ..

لا لا دشتي هذا الاسبوع الثالث فيه يوم السبت أدخل الاسبوع الرابع شهر بالضبط على دشتي

الرجيم الي قبل دشتي كنت قاطع الدهون وسكريات والغازات
كان أكلي خفيف وأستخدم الخبز الاسمر
والرياضه وحبوب الزنجبيل وشاي بايوجي

[أجمل إحساس]

اقتباس: المشاركة الأصلية كتبت بواسطة ام عباس وزينب  يلا تحمس حتى تصير حليو زي الي في الصوره اني وزني السبوع الجاي الله يستر خربطت الرجيم ده الاسبوع من القهر اكلت اسكريم واجد وذكرت الحين عندي في الثلاجه بقوم آكل

ههههههـ ,, أهم شي ماخربتي الرجيم على آآيسكريم أبو ريال بس
أخربيه على باسكن أو كرسبي

[special]

قلب من دانتيل
الف الحمد لله على السلامة
قرت عيونك اجملو
ما شاء الله عليش الصلاة على محمد و آله انجاز تمامو
الله يخلف تعبتش و تقر عيونش و تحقق امنيتش ..

اجمل احساس
لا تحد ام عباس و زينب على الشر لا كل يوم تحرمصنا خلها على اللي عندها ابرك لها و لنا

[ام عباس وزينب]

اقتباس: المشاركة الأصلية كتبت بواسطة أجمل إحساس   ههههههـ ,, أهم شي ماخربتي الرجيم على آآيسكريم أبو ريال بس أخربيه على باسكن أو كرسبي

والله ماادري بجم طلعت من المستشفى سيييييييييييييده البقال جنبها على طول طلعت في الثلاجه قلت الي بطيح عيوني عليه باخذه ابرد قلبي
اني مادفعت طبعا وش دراني البركه في جيوب الرجال :d

[special]

شحوالكم ,,
خبصت اليوم ,,
رومانتكة حسبت بعض الاشياء بقولهم لش
الاندومي =10 نقاط
بونتي قطعة وحدة =3نقاط

[~{رۉعـﮧ بگلّمتيے »]

حماااس عدل
أنا نزلت 3ونص تقريبا بس أسبوع

[قلب من دانتيل]

هلووووووووو

اخباركم جميعا دشتيين ونقاطيين..

اني هالسبوع متوعكة جدا
بس للحين محافظة على الريجيم بدون تخبيص لكني مااعمل الرياضة
دعواتكم لي بالشفاء العاجل..

[romanticrose]

قلب من دانتيل ..
شكله العدوة انتقلت لي بعد و مازلت محافظة على
الرجيم ..
و دعواتكم بالشفاء العاجل

[special]

قلب من دانتيل و رومانتكة سلامتكم يا حلوات ما عليكم الشر ..

[أجمل إحساس]

لا زلت أصارع الجوع

غداي 2 همبرغر وجبن شرايح وسلطه
+ طن مــــاي ^_^

اقتباس: بونتي قطعة وحدة =3نقاط

اقتباس:

الله يرحم والديش ياسبيشل لاتكتبي كلام جارح

[اميرة السلام]

اقتباس: المشاركة الأصلية كتبت بواسطة أجمل إحساس   لا زلت أصارع الجوع غداي 2 همبرغر وجبن شرايح وسلطه + طن مــــاي ^_^ الله يرحم والديش ياسبيشل لاتكتبي كلام جارح

ههههههههههه

هلكتني اخ اجمل احساس

شكلي بسجل وياكم بس بدون نظام نقاط ولا نظام السيد دشتي

بدخل معاكم بنظام اميرة السلام الناجح 100%

يمكن من بكرة يالله شجعوني

[أجمل إحساس]

اقتباس: المشاركة الأصلية كتبت بواسطة اميرة السلام   ههههههههههه هلكتني اخ اجمل احساس شكلي بسجل وياكم بس بدون نظام نقاط ولا نظام السيد دشتي بدخل معاكم بنظام اميرة السلام الناجح 100% يمكن من بكرة يالله شجعوني

سبيشلوا طايحه تحمرص فينا برجيم النقاط حقها
يالله همتك برجيم دشتي ترى تنزيله للوزن مرره حلو

عشاي اليوم كان سلطه وكفته لحم يم يم >>> جداب مو يم يم
لــكن الحمدلله على كل حال .

[اميرة السلام]

اقتباس: المشاركة الأصلية كتبت بواسطة أجمل إحساس  سبيشلوا طايحه تحمرص فينا برجيم النقاط حقها يالله همتك برجيم دشتي ترى تنزيله للوزن مرره حلو عشاي اليوم كان سلطه وكفته لحم يم يم >>> جداب مو يم يم لــكن الحمدلله على كل حال .[/center]

مشكلتي اني علاقتي ضعيفة جداً مع جميع اللحوم

السمك احبه والربيان نص ونص والدجاج ماعندي وياه علاقة اصلاً

والاخ دشتي يعتمد على اللحوم .... اني ادري عنه ينزل الوزن

بسرعة بس شكلي بستمر على نظام اميرة السلام وبس

انتو اتبعوا نظام دشتي بس انتبهوا لحالكم لان حماي سواه والحين

يعاني من المرارة وهذا واحد من الف الي اعرفهم صار ليهم كذا