أحلى موقف في المدرسة

[شمعة]

أوووووووووووه مواقف المدرسة ماتخلص ..
في ثاني متوسط كل حصة موقف مضحك ...
كنا شلة مكونة من 18بنت ... عصابة خخخخخخخخخخخ وكلنا في فرقة وحدة ..
وكل يوم نجيب لنا فطور .. خبز خباز ولبنة وجبن وبنات مرة بيض مسلوق .. ههههههه
البنات اللي قدام يسووا لنا سندويش ويمرروه لنا وره .. وخذ يا أكل ..
وأحنا ورى عندنا الشاي وخذ يا تصبيب .. ونمرر والمعلمات يشرحوا ولا دارين بالدنيا ..

مرة ماتتخيلوا وش جبنا ... هههههههههه صفرية مكرونة حمرة ... وأفندي ... هههههههه
المكرونة ما أكلناها لأن ماعرفنا كيف ناكلها .. أما الأفندي لعبنا دور فيه .. وكل معلمة تدخل تقول وش ريحة ؟؟؟ أيش هالريحة هذي ؟؟ وأحنا ميتين من الضحك ... أشقياء بقوووة ..

عندنا معلمة تاريخ من عيال الملحم ... وماتطيقنا كلش وكل تقول لنا يابقر يابهايم
يابقم .. على الأقل البقر نستفيد منه يعطينا الحليب واللحم أنتو مانستفيد منك شيء .. خخخخخخخخخخ.. وكل تشقق دفاترتنا وترميهم بالزبالة إذا ماكانوا كاملين ..
وتقول لنا انتوا حجر .. صخر .. (وأن من الحجارة لما يتفجر منه ( وأنتم مامنك فايدة .. بقم ..

مرة عااااد خلاص فاض بنا الكيل إلا نسوي لها موقف .. هي كانت ماتشوف زين مع نظارتها تقول قاع كاس ... أستغفر الله .. أكلنا علك وااااجد ... وحطيناه على الكرسي .. جت تجلس وماقامت إلا العلك كله لازق فيها .. خخخخخخخخخخ وأحنا ميتين من الضحك ...
لكن نزلتنا للمديرة كلنا ... تخيلوا الفصل كله عند الإدارة ... خخخخخخخخخ
ولنفس المعلمة ...
ومرة رحنا بلينا المساحة بماي ... ولما دخلت وحة قامت تسوي روحها تمسح السبورة ..
جت المعلمة تكتب طبعًا ولا حاجة تنكتب على السبورة ... قامت كسرت الطباشير وترميهم علينا أحنا اللي نضحك .. ههههههههههههههه

[شمعة]

أما عاد في ثاني ثانوي ..
أنا وصديقتي جالسين ورى عند الزاوية ...
أنا شاطرة بس مشاغبة حدي ..
نجيب حلاوة أبو البقرة القديم .. أبو الحليب .... البهلوان.... عرفتوه ؟؟؟
لما نفتحه تعرفوا يطلع صوت القراطسي .. جيخ جاخ .. باخ .طاخ ....خخخخخخخخ
وأنا أجيب كل يوم واااجد 20 أو 30 حبة ... وفي حصة العربي مدرستنا الله يذكرها بالخير
اسمها خيرية وطيبة مسكينة .. وهي تشرح وأحنا نفتح في الحلاوة .. والصوت يطلع .
جيخ جيخ جاخ باخ ... ولأن هي مرة هادية في الشرح والبنات نايمين فما فيه غير صوت القراطيس من عندنا .. وكل شوي تقول .. بطيخة وزينب (صديقتي) شعندكم ورى ؟؟
وأحنا نقول ماعندنا شيء معلمة ... بطيخة قومي جاوبي ... أنا كنت شاطرة فدوم أجاوب صحيح أن أنا آكل الحلاوة بس منتبهة للدرس .. وهي مسكينة كل ماقومتني عن حساب على غفلة أفشلها واجاوب وأرجع لقراطيس الحلاوة .. وهي بطيخة أنتبهي شهالصوت هذا؟؟
واحنا ماغير نقول لها .. ماعندنا شي معلمة ..
آخر شيء زهقت فينا عدل .... وأنقهرت جت ورى وتباعد الطاولة وتدخل إيدها داخل الدرج
وتطلع القراطيس حق البهلوان طبعًا واجد ... وتقول .. بطيخة وزينب ماعندكم شيء ؟؟ أجل هذا وشو؟؟
أطلعوا بره .. خخخخخخخخخخخ
طردتنا ..
في اليوم الثاني .. قالت .. بطيخة .. قومي قدام ... قعدتني أول درج .. وخلت صديقتي مسكينة لحالها ورى ... ماهان على صديقتي صارت تفتح لي نفس الحلاوة وتمرره لي .. وبعد كشفتنا .. وهالمرة ودتنا للمديرة ... ومن حساب كتبونا تعهد ... خخخخخخخخخخخخخ

[؟الــفــارس؟]

ماشاء الله على هالمواقف ترفع الراس



خيتي شمعة اشوف صاير جفاف في البقالات بهلوان ابو البقر مخلص
هههههههههههههههه عاد خليني لنا شي


ويالخوي الحراقة متأكد تنسى فلوسك ولا يبوقوهم من عندك






امممم بقول لكم موقف من مواقفي احم احم

هذا الله يسلمكم في ثالث ابتدائي يوم السبت رحت المدرسة بجدول يوم الأربعاء
ههههههههههههههه وماتذكرت الا لما نزلت المدرسة ومشى عني ابوي
وعندنا استاذ علوم الله لا يرويكم وكانت حصته الثالثه بس تالي شفت جارنا
وطلبت منه يوصلني البيت واخذت الكتب ورجعت وعدت على خير ..!

[زهرة]

كنا في ثالث متوسط ، و كنا جالسين آخير الصف ، و امسوين شلة ورى ، و متعاونين على البرو التقوى
المهم كانت حصة الجغرافيا آخير حصة ..
و احنا انا و البنت اللي بجانبي ، و البنت اللي في الجهة اللي بجنبا متعودين ان المادة اللي اتخلص حصتها نرمي الكتب + الدفاتر تحت .
يعني ما نجي لنهاية الدوام إلا تحت كومة كتب و دفاتر و حوسة ..
معلمة الحغرافبا هذي اتضحك من النوع اللي اذا اتعصب اتخليك غصبا عنكم تضحكوا
المهم جاية اتفتش على الواجب و الرسم اللي اتجي عندي و تتعرقل من الكتب

قامت و عصبت علي ، قالت زهرة اني استغرب لما اسمع المعلمات يتكلموا عنك في المكتب
في حصتي شي و عندهم شي ثاني

المشكلة انها تلبس كعب عالي شوي



ووووو سلامتكم

[زهرة]

اقتباس: المشاركة الأصلية كتبت بواسطة اثير   وروحتنا للباص عند العتبة او بعد ما نمشي بشوي .. تتعرقل واطيح اثير6

:على راسه:

رحموه تاريخها

[سلسبـيل]

ماشاء الله عليكم مواقف مضحكه والله طلعتو مو هينين
شمعه ..........شيطانه حدش:اوريك::

واني كل ماروح السوبرماركت ادور على البهلوان البقر الي تقولين عنه ماللاقيه ترايش انتين خلصتيه
مواقف الضحك والبلاسه مافي منها بس لمن يكون الطالب شاطر شاطر
مايقدورن عليه
اتذكر موقف كانوا البنات يسونه وخاصه في حصة الدين
اذا قريب بتنتهي الحصه على طول يقفلوا الكتب ويجهزوا العبايه فوق الطاوله هههههههههههه
انتي تخيلوا الموقف والمدرسه تشرح الدرس

[تاروتيه سهرانه]

أنا بعلمكم سالفه ثانيه مدرسه الفقه نفسها الى تعلم الوحيده كانت علينا وأنا في حصتها مشاغبه حدي كنت أعلك علك أبوتفاق وأسوي نفاخه وتصيدني أنتي فلانه أوقفي ..
أنا ليش خير ؟؟ قالت اجل ايش هالحركات قلت ليها مو انا هذه اللي وراي المعلمه تقول للي وراي أطلعي ولاأسمع لك صوت ..
ههههههههههههههه>> مسكينه اللي وراي ..
مره في ثالث ثانوي أختكم في الله ممتازه لكن أشغب وحده ورئيسه العصابه تسوي السوايه والبنات اللي يروحو فيها ..
طيب كانوا البنات في حصه الدين يضحكوا وأنا داك اليوم ساكته والله ماضحكت والمدرسه مره مو قلب وياي ..
فلانه أطلعي وانا واقفه مكاني والله ماني طالعه وجلست قالت ياتطلعي يا مااشرح ..
قلت ليها لحظه بأخذ غرشه الماي وعلك عشان لاامل بره ..
قامت خويتي تضحك قالت انتي بعد وراها وطلعنا وجبنا ليها المرشده الطلابيه ودخلتنا وحلفت حلف مره ثانيه ماتطلعني لان ماشاخت علي ..ههههههههههههههههههه

[شمعة]

اقتباس: خيتي شمعة اشوف صاير جفاف في البقالات بهلوان ابو البقر مخلص هههههههههههههههه عاد خليني لنا شي

اقتباس: واني كل ماروح السوبرماركت ادور على البهلوان البقر الي تقولين عنه ماللاقيه ترايش انتين خلصتيه

ههههههههههههههههههه
تخيلي من زمان ... أضرب له مشوار لتاروت (الديرة ) من عند العماني بس عشان أشتريه ..
من عام 1417هـ ... من زمان يعني ... ألحين انقرض ..

[amoonah]

هع مو جاي على بالي موووقف اذا تذكرت برجع ,,,

[أبو عبود]

من المواقف اللطيفة

طبعا تعرفوا الصواريخ و الطائرات اللي يسووها اليهال بالورق
في يوم من الأيام في ثالث ثانوي و في حصة أستاذ الفيزياء السوري
سوينا كمية تجارية و ابتدأنا نرسلها على جهة السبورة لين ما خلصت الكمية اللي عندنا
و استملينا نسوي جدد عاد صاحبي اللي جنبي يقول و لا يهمك عندي فكرة
شوي و قام عند السبورة جنب الأستاذ و جمع كل الصواريخ اللي رمينها و عودنا للحرب مرة ثانية


ما أتوقع أنكم تخيلتوا الموقف

[سلسبـيل]

ههههههههه ابو عبود عليكم سوايا
طيب شوفوا هالموقف
اختكم محلبية كانت وايد حركيه ولا زالت في المدرسه حركيه بشكل غير طبيعي
اذا سألت المعلمه سؤال محلبيه شنو تسوي تقوم من مكانها وتروح لعند المعلمه مشان تخليها تجاوب على السؤال وتأذت المعلمه مني شكلها قامت وكتبت في دفتر الواجبات
ابنتكم غايه في الذكاء والامتياز ولكنها كثيرة الحركه :ممنوع الت
وهالحاله استمرت الى المتوسطه هههههههههه

[اثير]

...

لمن كنا في ثالث متوسط كانت تعلمنا معلمة رياضيات ناااااااار وكانت حصتها ارهاب وكان اشطن البنات مجمعين في فصلنا .. لكن في حصتها هدوووء , وما احد يتكلم قدامها لكن من وراها ناخذ راحتنا , ولمن اكتشفنا ان اختها ويانا في المدرسة في صف ثاني قمنا نحط حرتنا فيها .. وكل يوم من يصيح الجرس على البيت نتراكض اني وصديقتي وندخل معركة الباص حتى نحجز اول كرسي عشان اذا ركبت خت معلمتنا نعرقل ليها ونطيحها
على الاقل نبرّد حرتنا ..

شريرين صح ؟ ..

[أطياف فرح]

سلام
مشكور أخوي على الموضوع الحلو
واحلى المواقف كانت هاذي السنة وبس في موقف في سادس أبتدائي مستحيل أنساه
وكان في فترة الامتحانات النهائية وبعد ماخلصنا الامتحان وفضت المدرسة وماصار فيها أحد تجمعنا شلة الفصل الي بيتها قريب وماتبي تروح وثانية اتحارس سواقها وكانوا أكثرهم بيوتهم قريبة ولانه مدرستنا كانت بيت فكانت صغيرة و وفصلنا كان فية باب يؤدي الى بلكونة وهاذي البلكونة كانت صغيرة وفيها غرفة صغيرة مخزن في نهايتها وكانت تشرف على الشارع يعني اي كلمة سمعنا الفراش وفراشنا مو هين وعصا دايم في ايده المهم قرارنا ان نلعب خشيشوة لعبنا وكان مخبئنا في البلكونة اني و وحدة اسمها ليلى وفاطمة والى عليها الدور اسمها رقية المهم انخشينا ونلما قربيت رقية عدنا قالت الى ليلى دخلي المخزن عشنا لا تشوفيش انا طاوعتها وكان ذاك المخزن صغير وحشرة ومافي نفس واتنفس من الباب صادت رقية كل الشلة وباقي اني ماشافتني واني اسمع اصواتهم يسؤلوا عني وين طيف وينهي ياعلي وطبعا كانت وياهم ليلى وفاطمة قرارت اطلع من المخزن واقعد عن الباب أحارسهم يصيدوني وتنتهي هل العبه رقية ذكية وكشفت ليلى وفاطمة وعرفة مكاني ولما جت تفتح الباب البلكونة ماقدرت تفتحه الباب علق ومو راضي يفتح خلاص اني خفت وصرت اصورخ افتحوا الباب افتحوا الباب والبنات يحاولوا في الباب مو راضي كنت أكثر حاجة خايفة منها الفراش اخاف يجيني ويضربني باعصا ومن كثر خوفي دزيت الباب وانكسر يدته وارتاح قلبي بس وين والباب يدتها منكسرة فلتنا من الفراش وصرنا في المديرة ياعلي من خوفنا كلنا رحنا البيت ننتظر بكرة وشو راح يصير وفي اليوم الثاني وحنا كنا نمتحن الى اجي المساعدة وتبي تروح المخزن احنا لما شفنها قلنا خلاص مايحتاج انكمل الامتحان انطالع بعض بخوف ولما قربيت من الباب مسكنا اقلوبنا لانه أشوي ويطلع من الخوف ماشفنها الى تقول الباب مكسور غريبه امس ماكان فية شي ولااااا جايبة معها المفتاح تبي تفتحه وحنا خلاص من موت من الخوف والضحك
آآآآآآآه على ذيك الايام الله يرجعها بس
مشكور اخوي
تحياتي

[القلم المتأمل]

الله يرحم أيام زمان .. ويش أخبر والله ويش اقول ؟؟؟
طيب ، وحدة وحدة : في الابتدائي : زمان كلش نحط في أكياستنا خبز وبعض الأحيان معاه اشوي تمر .. في حصة الدين ومادام المعلم يكتب على السبورة نتفت نتفة وخليتها في فمي وقمت أمضخ بصعوبة ، وما يلحق المعلم يدير رأسه إلا وأنا قد أغلقت فمي بإحكام وداخله الأكل .. المهم واحد من الطلاب اشوي مهبول وعليه حركات ، كان جايب معاه ( بصوة) طير في كيسه ، هو نسى إن في كيسه بصوه خرجت وراحت تزعي بين القاطرات ، التفت الطلاب للبصوة فصار الضحك المقهقة على حده ، أدار المعلم رأسه للطلاب بغضب فسكتواكلهم في مرة وأحجة وأنا في فمي الأكل وهو منتفخ وفيي الضحكة على الموقف أردت أن أسيطر على وضعي ولكن اللي بجنبي ما خلاني والبصوة الملعونة كأنها صاحبها تموت من الضحك وهي تمشي بجانبي ,, لا .. ما شفت نفسي إلا وينفجر فمي بالضحك ويخرج الأكل مع الكحة ، وتصير الضجة مرة أخرى ، وينكشف أمري ، خافت البصوة ووقفت ولكني أنا اللي راحت عليي من لسطارات .. وعزيزه أبو البصوة كأن ماجابها وغربلنا وطلع سلامات عليها ..

[سمرقند]

اتذكر ايام الامتحانات الشهرية كنت في اول متوسط واختي في ثاني متوسط وكان عليي امتحان انكليزي ..
امي : يلا روحوا اطلعوا لا يروح عنكم الباص
اني وختي : انزييييييين له بلبس شرابي
امي: تنظروا خمس دقايق ولا يروح عنكم الباص من اللي يوديكم بعدين ( ابوي في الشغل)
المهم طلعنا وإلا الباص خبر خير راااااح (ويروح وينسانا ننطر على الطريئ )
اني واختي خفنا امي تستحرق علينا
_ويش نمشي :
_نمشي
(المدرسه شوي بعيده ولا نندل زين)
مشينا وكان طريقنا صح بس ماصبرنا نوصل وفكرنا الطريق خطأ
لفلفنا وصرنا جريئين وسألنا الا نصادفهم في الطريق(لو سمحت وين المدرسة الفلانيه؟)
ولا اندلينابعد التعب ولما شفنا وقت الامتحان بيروح(كان الحصة الثالثه)
رجعنا البيت وطبعا اخدنا تهزيئه قووووووية وبلاش بعد..
امي اتصلت في المديرة علشان ادخلنا واتصلت في عمي يوصلنا ..
وزين لحقنا على الامتحان بعد ما فاتتنا الحصة الاولى والثانيه متسكعين في الطريق بحثا عن المدرسة المتوسطه!!

كان الجو حار وصلنا وحنا اوووفف..

سمرقند