ويش الذي ترجيــه من حكيتك لــه ... مالك ومالــه دامها النـاس تبغــــــاه
أبعد هـــــداك الله لاتقتـــــــرب لــه ... وينـك ووينه غـــامض الدرب وداه
هـي مرتيــن أحصيتـها تبتســم لــه ... ماهو ضروري زينك يكون أغــراه
هـي مرتيــن وجعلهــا فـــــدوةٍ لــه ... بس ماهقيتك تضعف قبال حسنــــاه
لاتحسب اللــي داخلك صــار مثلـه ... أتعب سرابه نـاوي القرب واضمـاه
فكـــر قبل لايحسبك منجـــرف لــه ... وأفهم شعوره زين وأعرف خفايــاه
خلك معـــي شويــات لاتلتـفـت لــه ... بـاعلمك بس كــــيف تبعد وتنـســـاه
عدي غموضه وأحـذره وانتفت لــه ... لاتجذبك في بحر الآهــات عينـــــاه
قـوي قليبك وأقفـــل البـــاب لأجلــه ... لا لا تجازف بالهــوى كـون تلقـــاه
اليوم مغـــرم ترتجـــي بس وصلــه ... وبــــــاكر تـِندّم ليتك اليــوم تســلاه
هذا الهوى إن ماشفت جده وهزلــه ... تبقى تعـاني والعنــا ميــن يبغـــــــاه
بعـض البشر تلعن أبو الحب واهله ... وبعض البشر مستانسة تقول محـلاه
09-11-15
06-12-09, 08:21 AM
انجـــــــراف
العرض الشجري