أحلى موقف في المدرسة

[سيدة الأحلام]

في مره......على ايام المتوسط(3)

وحده من خوياتي ..جايبه فواكه ومن ضمن الأشياء بطيخه....

الحين هي جالسه في الدرج الآخير من الفرقه الوسط

وانا جالسه في الدرج الثالث الفرقه الأولى عند النافذه........

المهم الشله ضربهم الجوع....قالوا يالله ....

قمنا نقرض في الجزر والتفاح.....

والبرتقال فوح في الفصل......الحين دخلت طا لبه قالت المعلمه الحقوا...........

انجان ما نسمعها........

قامت خويتي....تقول...............البتوووووووووووووووووو ووووول القفي البطيخخخخخخخخخه

وانجان اوقف...وارفع ايدي...والقف....والاه المعلمه واقفه عند درجي.....

وتقول..............(مدرسة عربي)!!!

ماهذا يابتوووول بطيخه.......بطيخه يا بتوووووول

وهي حاطه ايدها على جبهتها.......

واني في فمي بقايا التفاحه...وما شفت روحي ...الا اني اقول ليها

تبغي فلح.......معلمه؟؟

والبنات ما بين منسدحه من الضحك.ووحده غاصه بالجزره...

وما تردني الا .................................المشرفه ....

ايام......................لو ترجع

[حكايات الزمن]

موضوع ولا أحلى عاد هذه السوالف الا ما تخلص ههههههه

بذكر ليكم موقفين واذا ذكرت غيرهم باكتبهم

في ثالث متوسط

كان علينا استاذ مصري يدرسنا دين يحاول يخلص الدرس بسرعة علشان ياخذ له غفوة هههههههه فكل مرة ينام تبتدي السوالف وانا ذاك اليوم امزح مع واحد قدام ارمي عليه قراطيس ههههههه

فخاني التعبير وصادت الاستاذ القرطاسة في الجبهه ههههههههه

ما شفت روحي الا برى كيف ما ادري هههههههههههههه

------------------------------------------------------------------------------------------

في ثالث ثنوي

في يوم الاربعاء علينا حصتين رياضيات فأول حصة أخذناها قال الاستاذ الحصة الثانية بناخذ تمارين قلنا لا استاذ خلاص بنخلص الكتاب وكدا مو راضي فقلنا اوكي
فذاك اليوم مطر فقررنا مع الفصل ان نشحن سطاله من الماي ونكته داخل الفصل بحجه ان الفصل يخر وفعلا عبينا الفصل صح بس علشان نطلع

لما دخل الاستاذ قال وش صاير الحصة الا راحت انا جاي ما في شي قلنا له المطر زاد الا يقول اوكي فيه الفصل الا جنبكم طلعو يالله كل واحد يشيل كتبه ويجي الفصل الثاني ههههههههههههههههههههههه.


(يا ليت ترجع ايام الدراسة)

تحياتي:حيو:

[سيدة الأحلام]

ما في فايده...ولا حصة الرياضيا ت..
هههههخخخخخخ

على ايام أول ثانوي....
مدرسة الرياضيات فلسطينيه أو أردنيه ....


تلبس حجاب أبيض ....وما تغسله...قلت للبنات تتحدوني أخليها تغيره؟؟


قالو ..ايه

بس ...جت الفرصه.....

جابوا خويتي أفندي وكستن......ابو فروه

كان الوقت شتاء.....


وبدات حفلة الفندي...بعد ما تتغبى ريحته.....

انجان تفلت الطبشور .وتكول.مين عمبياكول يوسف افندي؟؟

البنات سكتوا ....قالت بتفتش.....انجان انحط القشور في شراباتنا....

وجت وتشتم...وتقول طلعوا اليوسف افندي..والبنات خبر خير...

قالت أنتي عمبتوكلي..........كلت الها لا أبله أشتميني بعد

قالت أفتحي فمك........هي قالت جديه .اني ادحنت على الدرج من الضحك

قالت بتكتبنا تعهد فرقتنا كلها....

انجان تأخذ قلم غطاه كأنه مفتوح ....الهي تقول هذا ما بكتوب.....اديني تاني

ونعطيها المقلمه كلها وطبعاً طقم أقلام....

وهي تقو ل شو كلهم عم ما بكتبوا......انجان تدور الى الدرج الي جنب فرقتنا....
وآ خذ المقص وأشتر الحجاب الأبيض المعفن من وراها وهي خبر خير....

وانتهت احصه بعدم شرح الدرس....

المهم جينا يوم ثاني عن احساب اني الي كسبت التحدي.....

وتا لي الهي ما غيرته......وشكلها ما تفصخه في بيتهم............
هههههههخخخخخخ
وراحت عليي

[فاطـمـة]

اقتباس: المشاركة الأصلية كتبت بواسطة البتول الحوراء   المهم جينا يوم ثاني عن احساب اني الي كسبت التحدي..... وتا لي الهي ما غيرته......وشكلها ما تفصخه في بيتهم............ هههههههخخخخخخ وراحت عليي

لها الدرجة ..

شكرا ً يالبتول ..منتين سهلة ..

[تسبيحة الزهراء]

هههههههههههههه

حركاااااااااااااااااات

لا ولا عاد شمووووووووعة الشطانة بعيونها
والا ابو عبود خخخخخخخخخخخخخ

الله لو ترجع ايام الدراسة

اتذكر موقف واني في ثالث متوسط كان عندنا امتحان رياضيات المهم اني شاطرة عند هذي المعلمة واحب اجلس عند الجدار وكنت اول درج المهم امتحنت الاخت من شدة الهامها وشغفها وهي تحل قامت تتسند على الجدار وصار شكلي كاني اطالع في ورقة اللي جنبي والمعلمة اللي تراقبنا الله بالخير توهم جايبينها مدرستنا وماتعرفنا المهم الا تقول ليي انتي اللي هناك طالعي في ورقتش؟ اني ماجبت خبرها شوي
الا جاية وماخذه ورقتي وحاطة عليها علامة بالاحمر تغشي وماادري ايش ومن هالكلام واني دموع >> الدمعة الساكبة
من القهر خلصت اجابات واخذت مزيل وحطيته على العلامة وعطيتها الورقة خخخخ
الا تصارخ صحيح انش ماتستحي وفوق ماانش غاشة تخفي العلامة قلت ليها اني مااغش وقارني باجاباتي واللي جنبي الا تصارخ لا تردي عليي وراجعي مدرسة المادة قلت ليها ولا يهمش باروح للمدرسة شيه بسكت واني كل هالكلام وبصياح هههههههههه
المهم ماصدقت جت الفسحة واطلع وتشوفني معلمة الرياضيات الا تقوليي وهي تضحك
ماعليش منها لا واخذتي العلامة الكاملة بعد ههههههههه
والله ايام ماتنسي

[السيدة]

هههههههههههههههههههههههههههههههههههههههههه
والله ان مواقفكم فله

اني لما كنا في اول متوسط
كانت معلمتنا الدين خبله لدرجه ماتتصوروها

المهم هي كانت والد وتوها راجعه من اجازة الأمومه

دخلت علينا
وهي ماشاء الله عليها تخلص الدرس بسرعه

المهم خلصت الدرس
وراحت قعدت على طاولتها

وتحط ايدها على خدها
وشو الا وهي في سابع نومه

كانت الي قاعده في الدرج الأول تلبس نظاره
والعلبه حق نظارتها لما نسكرها تطلع صوت قوي
وانتبهت ان المعلمه نايمه
كان
مانسمع الا طراااااااااااااااااخ
والمعلمه الخبله تقعد ومع الخلعه تقول وعي تصارخ

(بس يابنات )

ــــــــــــــــــــــــــــــــــــــــــــــــــ ـــــــــــــــــــــــــــــــــــ
الموقف الثاني

لما كنت في ثاني متوسط
كان علينا فقه وهاذي المعلمه مي احسن من اللي قبلها خخخخخخخخ

المهم كنت اني شاطره بس فيني شوي مشاغبه وبالذات في حصة الدين
كنت في قاعده اول درج

وهي تشرح تروح وتجي
واني مستمله حديييييييي

وهي ماره جنبي والا امد رجولي وتتعرقل بس ماطاحت خخخخخخخ

وقامت تقول ليي النحيسه كسر في رجولك انشالله
خخخخخخخخخخخخخخ

وااله انها خبله

وتسلم اخوي على الموضوع

[أبو عبود]

من المواقف اللطيفة

عندما كنت في أول ثانوي

كان أستاذ الرياضيات مسكين و على نياته و شخصيته ضعيفة و ما أحد يفهم عليه

طبعا مادتي المفضلة الرياضيات لكن هذا الأستاذ كان محبط بالنسبة لي و أعتبر مستواي أعلى من شرحه فكنت أطنشه و أفتحها ديوانية مع الشباب
في يوم من الأيام كان يشرح لهم شيء يتعلق بالمثلثات إذا ما خاب ظني و طبعا ما أحد فاهم
و أنا غير منتبه و الشباب يسألوني كيف هذي صارت كذه يا أبو عبود الله يرحم والديك شوف لنا حل
و في نفس الوقت هو جالس يعيدها مرة و مرتين و ثلاث و نفس الحكاية
في الأخير أنا استمليت و فلت له دقيقة أستاذ فسكت المسكين فقمت من جحري و نطيت عليه و قلت له عطني الطبشور و عطاني اياه >>>تباعد شوي >>يا شباب ترى الأستاذ كان يحاول يقول لكم أن الموضوع كذه و كذه (شرحتها لهم في دقيقة) الكل فهم
قالوا الشباب اييييييييييييييييه كا قلت لنا من أول كذه أستاذ

و الله مسكين المدرس للحين ندمان على احراجي له

[السيدة]

مسكين

عفر الا عور بفادي الأستاذ

عسى بس ماتشوفه الحين؟؟؟؟؟

[بـــيــنـه]

السلاام

مواقف واجد في المدرسة ولا بتخلص

كانت مدرستنا الكيمياء وكان في الشرح مادة انسيتها ما تتفاعل في الليل
الحين البنات سألوها ليش؟؟ اني قلت بصوت عالي لانها اتخاف من الظلمة
وطلعت فيي المعلمة بديك النظرة خلتني انزل راسي من الفشيلة

واخر درس تشرحه المدرسة في المنهج كان صنع الصابون وقمنا كلنا نبغى نسوي
صابون وخلينا المعمل فوضى بعدين احنا قمنا نظفنا
لا وكتبت على شاشة الشرح "أختي الطالبة أعتذر عن اي كلمة تلفظت بها سوا كان
بقصد او بدون قصد.. بعدين قمت اصيح لانها كانت معلمة مافي اطيب منها

ونشالله السنه الجايه وهي اخر سنه اللي في المدرسة تكون ايام حلوة


تقبلوا تحياتي..

[بـــيــنـه]

اقتباس: وتقول..............(مدرسة عربي)!!! ماهذا يابتوووول بطيخه.......بطيخه يا بتوووووول

ذكرتيني بمعلمة العربي عندنا يوم اصدرو المدرسة القرار ان اللي ماتصف عدل او تتأخر
عن الطابور بيعطوها تعهد وذاك اليوم اني ماصفيت جت اللي وقالت انت قفي مكانك؟
مااسمك؟قفي في الصف جيدا؟؟
خلتني اموت من الضحك من كلامها

ويوم كنت في اول تانوي قالت الينا معلمة العربي انسوي لوحة للمادة
الحين بدال مايكتبو اسمي في اللوحة ........ سموني حنين ومن ذلك اليوم والبنات اسموني حنين
وعلشان كده سميت نك نيمي حنين لاني حبيت هذا الاسم

معذرة للاطالة

تقبلوا تحياتي..

[البلوره الشفافه]

هلاهلا والله طلعت فضايح الاعضاء

واحلى مواقف خلاص باقوليكم موقفي

لم كنت في اول ثانوي هي ابو المواقف لان مجتمعين شله الادب والهدوء في
فصل واحد..
نجي الى الموقف كانت مدرستنا الدين متزوجه وغايبه اسبوع إجازه بعد مارجعت من

دخلت علينا و قلنا اليها مبرووك ابله بدات تشرح في الدرس اما احنا قمنا سوينا الفصل
حفلة :قليل حيا قمنا نطبل والي تغني اشر لي بالمنديل و اغلب البنات ماسكين كلينكس
واني كنت اطبل على طاوله والي وراي قامت ترقص هذا كلها والمدرسه كانت تشرح
لم تكتب على السبوره احنا نسوي الاحتفال فرجانين اليها عروس

وبعدين قالت الين عطونا اسماكم قلنا اليها ليش احنا ماسوين شي تقول كل هالازعاج
وماسويتو شي ..
قلنا الحين بتنزل الى الاداره وبتقوليهم لكن مر اليوم والاداره ماطلبونا
يوم ثاني كانت الحصه ثالثه الي جي مساعدة المديره تقول اسماءنا قلنا وصلنا خير
كنا احنا 8طالبات الي سوينا الاحتفال يليق بمقامها وكانت ماتستاهله
رحنا الاداره قالوا الينا مامنسميكم الا طقاقات قالوا لين تكتبوا تعهد الله لايرويكم ذاك تعهد اول مره اشوف تعهد كل الطالبات فيه وقالو الينا اكتبو ا السبب طقاقات في الحصه

وكنت اني اول وحده مستأنسه بكتب تعهد اول مره اكتب قالوالي اكتبي السبب طقاقه في الحصه قلت اليهم مابكتب لني اني جالسه في درج الاول اقول ليها كيف اني ماسويت شي واني كانت مهنتي طق على طاوله وكتبت في تعهد الابتسامه في الحصه
مساكين صاحباتي خلوهم يكتبوا طقاقات في الحصه ...


والله مواقف المدرسه ماتخلص

[شمعة]

ههههههههههههههه البلووووورة طقاقة مرة وحدة !!!!

[الحنان الفاطمي]

والله أيام الدارسه كانت حركات ياريت ترجع بس
المهم في يوم من الأيام في المرحله الثانويه كان درس في الأدب يعني حصة عربي
ومعلمتنا مذكورة بالخير تتكلم عربي فصحه
المهم في ذاك اليوم كانت تسال بنت شنو نوع الأستعاره والبنت من البدايه مو معانا هي واللي جنبها قالت لها فلانه قومي
المفروض الأستعارة مكنية قالت تصريحيه
قالت لها المعلمه لانش مو معانا كل ضحك من بداية الحصه وأنا شفتش تضحكين
والبنت تقول لها أنا أصلا ماأضحك المعلمه أصرت ان البنت تضحك والطالبه أصرت انها ما تضحك بعدين
البنت صبرها نفذ منها وقالت لها بيني وبينش الأدارة وقامت الطالبه بتطلع بره الفصل وهي طالعه
قالت إلى المعلمة اسمحي لي أقول عنش حوله
ردت عليها المعلمة وانتي أحول
في البداية البنات ساكتين وفجأة أنقلب الفصل كل ضحك


مع تحياتي
الحنان الفاطمي

[حروف مبعثرة]

هههههههههههههههههههههههههههههههههههههههههههههههههه هههههههههههههه..

ضحتوني من قلب....

عاد ابو عبود....كسر خاطري الاستاذ...بس يستاهل....خخخ..


بصراحة من الضحك نسيت كل المواقف...

[حروف مبعثرة]

ما اذكر موقف يضحك....بس هذا اخطر موقف مريت فيه بحياتي الدراسية...خخ...

طبعا احنا اللعام كنا اختبارات دورية..كان عندنا اختبار احياء...

ومدرستنا..ميح في الشرح....مادري كيف تخصصت احياء..

المهم...

يوم الاختبار راقبت علينا مدرسة ثانية وغيرت اماكنا ولعبت في الفصل لعاب...

اني وصاحباتي قعدنا جنب بعض بدون ما تحس....

بدأ الاختبار...تورطت في كم ؤال...واللي جنبي اتورطت في الرسمة مي عارفة كل البيانات...

كان تهمس في اذوني..بدلي الورق...قلبي يدق.طق طق..من الخوف...ما اعرف ابدل اوراق...

كان تقوم صاحبتي وتسحب ورقتي وتعطيني ورقتها...وحلت ليي وحليت ليها..

بالبداية المعلم ما حست....بس لما قمنا وسلمنا الاوراق..مااخدت ورقتي..سلمت ورقة صاحبتي..ونفس الشي هي سلمت ورقتي...

واحنا البهايم ما ندري المعلمة تعرف اسامينا..كانتصيدنا...وتقول لي..لا تفكري ان الشاطر ينغفر له اي شي يسويه..كان قلبي يوقف..بس ما بينت لها..وقعدت اسوي روحي مسكينة..خخ..وما سويت شي..حقرتها وقعدت على كرسيي...

صج خفت بعدين قلت يالله ما علي...مواول وحدة اني اسوي هالحركات...

بس صاحبتي مسكينة زين ما طاحت عليي...لأن خافت يودوني الادارة بسببها...يوم تسحب ورقتي....

وعدا اليوم على خير...ومعلمتنا الاحياء سوت لي استجواب في مكتبها..تقولي شتبين اسوي فيك...قلت ليها على هواش...حتى اذا تبغي تلغي الدرجة كيف...بس طلعت جدعة..حطت ليي علامة كاملة عشان اني شاطرة وياها..خخخخ