زوجة االولد والعمه !!!!!!!!!!!!! ارجو الدخول للنقاش!!!!

[سر هدايتي أئمتي]

.. المكتوب مبين من عنوانه ..
زوجة الابن والعمه او المتعارف عليه في دول الخليج الخاله وهي ام الزوج وعندنا هنا في منطقتنا نسميها العمه.. قبل لا أطرح مثل هذا الموضوع من المعروف جدا علاقة زوجة الابن مع ام الزوج علاقه لايمكن ان نفهمها !!بعض زوجات الابن تكون طيبه والعمه تكون العكس .. وبعض العمات يكونوا طيبين وزوجة الابن تكون العكس .. وايضا وهذي نادرا مانشوفها ان العمه وزوجة الابن متفقات مع بعض!!
سؤالي يقول واحط جنبه ثلالث علامات استفهام ؟؟؟ لاني موفاهمه شنو السبب اللي يخلي علاقة زوجة الابن والعمه علاقه غريبه؟؟؟
طبعا اني ماأعم وهذا الشي ماينطبق طبعا على كل الناس بس الاغلبيه..
ليش بعض العمات يغاروا من زوجة الولد؟؟
ليش زوجة الولد ماتحب ان عمتها تدَخل ولو في شي بسيط من حياتها؟؟
ليش ماتعتبر الزوجه ان ام زوجها مثل امها تشكي لها همومها ومشاكلها؟؟ ليش مايكون البساط احمدي على قولتهم؟؟:بالحضن:
ليش وليش وليش ؟؟؟ أسئله كثيره ومعقده بين مرت الولد والعمه
لازم نشوف حل لهذه المسأله واتمنى من الجميع المشاركه وطرح الأراء:لازم:

[بلاقيود]

بتكلم عن نفسي

عمتي مثل امي وتحبني مثل لا مو مثل لاني ولدها

وامي نفس الشي بالنسبة لزوجتي


المرض اللي تتكلمون عنه مادري عنه



تحياتي

[GOOD]

هدا يعتمدعلى ثقافة العمة وزوج البنت ، مثلا حتى لو تدخلت العمة في بعض الامور الخاصة بزوج بنتها ، من المفروض ان زوج البنت يعمل تنازلات علشان زوجته أم عياله ولا يثير الجدل وتتفرع المشاكل ، وبأمانه يعتبر عمته مثل والدته ، تقبلي مروري يااختي سر هدايتي

[نور قلبي علي]

بسم الله الرحمن الرحيم

اختي الفاضلة لو جينا لعد الاسباب لوجدناها كثيرة
ولكن في الاغلاب نجد ان البداية تكون طيبة وانه سبب ما او شخص ما تدخل واثر في العلاقة اي ان الكلام او الفتن ا نه فلانه قالت وفلانه سوت هو اللي يغير الانفوس على بعضها وبعض الاحيان يزيدوا في الكلام ويقول كلام ماقلاته العمة او مرة الولد ليش ؟؟ عشان التخريب وهذا كله بسبب الحسد والغيرة ..

والحل هو ان نرفض هذه العقول الحجرية التي تعمل على تخريب البيوت
وان نكون في ثقة عمياء من اهلنا قبل ان نثق بمن ينمون ويغتابون

فعمتي هي امي وزوجة ابني هي ابنتي وزوج ابنتي هو ولدي
ودمتم بخير احبتي

[سر هدايتي أئمتي]

اخي بلا قيود الله يدوم المحبه بينك وبين عمتك وهذا اللي نتمناه اشكرك على مرورك العطر
اخي goodمرورك اسعدني والله كلامك مضبوط الثقافه مهمه شاكره لك مرورك اخي الفاضل
اختي عواميه اشكرش جزيل الشكر على مرورك نورتي صفحتي المتواضعه

[ذكريات المتحف]

هههههههههههههههه
تغار ممكن من زوجه ولدها
من صغرنا والاولاد مدللين عند امهم والبنات عند ابوهم

[سر هدايتي أئمتي]

اسعدني مرورك اختي ملاك بين البشر

[سر هدايتي أئمتي]

على فكره اختي ملاك بين البشر ترى تحصل كثييييييييييييير ان العمه تغار من مرت الولد واني شايفه هذه الظاهره قدام عيني لا تستغربي يعني،،،،

[thief]

صحيح العلاقه بينهم غريبه

يعني يحبوا بعض عادي بس حتى المحبه في حدود لان لأقل سبب ممكن تتحول الى

كره و عداوه

ممكن زوجه الولد تحب عمتها لكن مستحيييييييييييييييييييل تعادل أمها

و نفس الشي العمه ممكن تحب زوجه ولدها لكن مستحييييييييل تعادل بنتها

و في أحيان كثيره سبب غيره العمه من زوجه ولدها هي بناتها خصوصا اذا كانوا

متأخرات في الزواج فيكون عندهم غيره من زوجه أخوهم فبالتالي يحرضوا أمهم على

زوجه ولدها ( هالحاله شفتها في ثلاث عوائل)

هذي وجهه نظري

شكرررررررا على طرح الموضوع

[سر هدايتي أئمتي]

مشكوووووووووووووووووووره على مرورك العطر اختي

[com]

كثير من العمات يسيؤون المعاملة مع زوجة أبنهم وزوج بنتهم ، ماأدري ليش؟ على العلم أن الأهتمام بهم هو لصالح التكاتف الأجتماعي فيما بينهم ، وزوجة الأبن بمثابة البنت وزوج البنت بمثابة الأبن ، بس القصور في الثقافة الأجتماعية مشكلة كبيرة تخوضها العمات الله يهديهم

[$ ملكه جمال $]

اعتقد ان العمه او ام الولد تعتقد في داخلها انها ربت هالولد وتعبت عليه وبالاخير تجئ وحده ثانيه وتاخذ ولدها منها

اما بالنسبه لزوجه الولد اعتقد انها تفكر ان عمتها تبغى تتحكم في تربيه اولادها وتتحكم في حياتها

بحكم انها اكبر وانها هي اللي ربت الولد وتعرف وش يحب ووش ما يحب

خصوصا اذا كان الولد متعلق بأمه ويمدح طبخها ويقول لزوجته صيري زي امي

او من هالكلام

[المنتهي]

والله موضووع صراحه حماااس ... ومسلسل واقعي يومي ...

في البدايه انا مع كلام الاخت ملكة جمال لانه كلام واقعي وصحيح بعد .. واكيد 100%

**اسباب عدم وجود المشاكل بين زوجه الابن وعمتها ::

*_ اذا كانت العمه زوجها متوفي .. وساكنه مع ولدها ...

*_ ما عندها الا هالولد .. فتحب هالولد ومرته لان ما عندها الا هو فتعوض عن النقص اللي هي فيه ...


*_ ان مرة الولد تكون كالخادمه لعمتها .. من اصغر شي لاكبر شي .. يعني العمه تحط رجول على رجول . وما قصورها الا تعميره وغيري حجر وحطي حجر .. وتصير تحت الكنتروول حق عمتها ...

*_ في جميع تحركات زوجة الولد .. لازم تقول لعمتها .. هداني برووح عمه اشتري ليي اغراض عاد خاصه لو مو خاصه ... يعني لازم ياخدوها وياهم .. كورنيش دارين لو الخبر .. .. لو الشبيلي...


ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــ
وفي الاخير .. مهما فعلت ومهما سويت .. فالعمه حية ٌ رقطه...

المثال :
ولو مرضت .. مرة الولد .. وقام زوجها وياها .. يروح وياها .. المستشفى .. وفي طريقهم .. مروا على مجمع او بقاله او محل .. ورجعوا البيت وفي يدها كيس وتضحك .. هنا تقول العمه .. كذبوا عليي ما راحو المستشفى .. وتشب الحريقه ..

وتنسى العمه اللي سوته .. زوجة ولدها فيها . . كل هالسنين.. وتقوم الغوله بينهم ..



اما اذا جيتو لاسباب وجود المشاكل وهي عديده .. ويصعب ذكرها ... ولكن في مقدمتها .. الحسد والغيره وكبر السن .. خلاص تتعيلف بكل صغيره وكبيره .. وانتم اعلم بها ...




تقبلوا تحياتي

ابو نهى ^_^

[سر هدايتي أئمتي]

أشكرك أخي com على مرورك،، بالفعل أسعدني شاكره تواجدك في صفحتي


أختي ملكه جمال شاكره لك مرورك لصفحتي المتواضعه دمتي بود


اخي المنتهي أشكرك على إبداء رايك ومشاركتك في صفحتي موفق الى خير

[شيعيه]

بس اللي يقهر ان الحق في نظر الناس يكون مع العمه
حتى لو كانت زوجة ولدهـا - لاتهش ولاتنش -
يعني العمه تهاوش وتعصب وبالأخير تصير مظلومه وزوجة الولد ظالمه

ان سكنت وياهم هاوشوهـا على الدخله والطلعه
وان سكنت في شقه قالوا ماتبغاااانا

والله بلشه

على كل شي تعلق بالهـا العمه
لاويه العيش ماصخ ؟؟ عفر امش ماعلمتش الطبااااخ
شوووفي بناتي << لازم تدخلهـم في الوسطه

شي طبيعي تنقهر مرت الولد

واصلاً إذا ماصارت مشاكل فتأكدوا انهـا ماتكلمهم هههههههـــــ


تحياتي /

شيعيه