ظاهرة يعاني منها النساء أم عند زوجتي فقط ؟

[الخنفروش]

هذا موضوع حلو لقيته في منتدى سنابس وعجبني أن شاء الله يعجبكم وتتفاعلون معها (وخاصة البنات)

تحية عطرة للجميع أقدمها :

مرة على زواجنا سنيين عدة وكل مشاكلنا دائما ً بسبب ............ تافه في نظري .
حيث يدور الحوار المعتاد قبل كل مناسبة ( خطوبة أو زواج )
زوجتي : أريد أن أذهب للسوق .
أنأ : إنشاء الله بس ليش ؟
زوجتي : زواج بنت خالتي قريب
أنا : والمقصود
زوجتي : أريد أن أشتري فستان حفلة
أنا : والفساتين التي في الدولاب
زوجتي : ما أقدر ألبسهم مرة ثانية
أنا : ليش
زوجتي : كل الفساتين شافوهم عليي
أنا : طيب ويش المشكلة فيها
زوجتي : البنات يناظروني على عين وجنب ويعايروني
أنا : بس إستخدمتي كل واحدة مرة
زوجتي : أدري بس ما أقدر أللبس نفس فستان أكثر من مرة
وقالت ( ما فيه وحدة تلبس نفس الفستان مرتين )
أنا : طيب ليش
زوجتي : قلت لك البنات شافوه عليي وخلاص
أنا : شافوه عليك يعني خلاص أنتهى موضوعه لازم نرميه في الزبالة
زوجتي : لا ما نرميه في الزبالة حرام نخليه في الدولاب
أنا : بالله عليك ويش الفائدة من وجوده في الدولاب
وبدأ صوتي يرتفع تارة صوتها يرتفع تارة حتى وصلنا إلى
أنا : أنتي تعرفين أن ما عندي فلوس تكفينا مصاريف باقي الشهر وأجار الشقة وفواتير
جولاتنا وفاتورة الكهرباء ومصاريف الأولاد وأنتين عارفة وضعنا المعيشي
وعارفة البئر وغطاؤه بالله عليك من وين أجيب لك قيمة الفستان
زوجتي : والله ما أقدر ألبس أي فستان لبسته من قبل !!! ويش أسوي في كل حفلة كل
بنت تناظر فستان الثانية

ونستمر في هذا الموال لعدة أيام وما أن يحين موعد الحفلة إلا وقد اشتريت لها الفستان
طبعا ً بحجة ما ((( لو ما أسوي كذا كان وصلت للطلاق )))

هل هذه ظاهرة يعاني منها الجميع أم عند زوجتي فقط ؟

كل المعذرة للأصحاب محلات بيع وأجار الفساتين ولا يفهموني خطأ

للأمانة منقول من منتدى سنابس المنتدى الأجتماعي (منتدى العائلة)

http:// www.sanabes.com

[تاروتية كوول]

عادي
هو بصراحة مي عدلة تلبس فستان مرتين بس تقدر تأجرة وياااااااكثر المحلات الى يأجرو
او تاخد ليها فستان مأجر
وبس
ودمتم سالمين

[الخنفروش]

تاروتية كوول عادي
هو بصراحة مي عدلة تلبس فستان مرتين بس تقدر تأجرة وياااااااكثر المحلات الى يأجرو
او تاخد ليها فستان مأجر
وبس
ودمتم سالمين

سلامي
كلام حلو وجميل ولكن أنتي تقولي وياااااااكثر المحلات الى يأجرو
يعني حتى للأيجار ما يصلح والسبب كثرة اماكن الأيجار

موفقين تاروتية كوول

[بلاقيود]

خلاص البنات تعودو على جديه يعني مايقدرو يلبسو فستان مرتين وخصوصا في الاعراس ..

وتبون الصج خلاص انا واحد خلاص تعودت على هالوضع ..


يعني عادي ولبس البنت اذا تنوع حلو ...

باختصار يعني ماله داعي اسوي لي سالفة ويا المدام على شان طالبة ثوب .. يديد ..
لكن خلها تسوي الغذا ولا العشا مالح لو حالي خخخخخ شحوالكم عفر ..



يسلمو خنفروش على الموضوع

[أإجمل تآإروتي]

ههههههههههههههه
اي والله وانا وياك بكلامك اخوي بلا قيد
اتوقع ان من الاحلى لها كدا كل يوم غير لكن لو كانت ضروف الرجل غير ((بعلها يعني خخخ)) فهدا يختلف طبعا
المفروض ماتتشرط وتقدر
يسلمو على الموضوع

[special]

بصراحة مو كل مناسبة لازم أروح أشتري فستان
يعني ما أحب انو يكون الفستان فخم ومبالغ فيه
بالعكس إذا كان الفستان ناعم يطلع أحلى
و إذا كان الفسان نعومي وبسيط فهو يطلع أرخص
يعني الوحدة المفروض تلبس على حسب المناسبة

يعني حفلة خطوبة غير عرس

وبعدين ما في أحسن من البساطة تطلع الوحدة أحلى
ما يحتاج تسوي الوحدة لزوجها موال على الفاضي

و القناعة كنز لا يفنى

تقبل مروري أختك special

[@ HONEY @]

بعض البنات انا قلت بعض البنات مو كلهم

ما تفكر الا في نفسها ما يهمها الا روحها . لو هي تنحط في نفس الموقف(( هي اللي تصرف على الزوج يعني الزوج في كل مناسبه يشتري اليه شي )) اكيد ما بترضى وبتزعل



لكن اللي اشوفه ان في بنات ينحطوا على الجرح في هالاشياء ما يرضوا يكلفوا على ازواجهم حتى لو بريال لو تلبس الفستان لاكثر من مره ما يهم اهم شي ما تكلف على زوجها



بس ما في علينا ثوب واحد يكفى الى كذا مناسبه


والله يهدي بناتنا

[سر هدايتي أئمتي]

والله الموضوع مهم وأشكر الأخت ناقلة الموضوع...

من المفروض على الزوجه تراعي زوجها ومو كل مناسبه لازم ثوب جديد مثل ماقالت

اختي special كل ماصار الفستان ناعم كل ماكان احلى وألطف وحقيقةً اغلب النسوان طبعهم كذا مو كلهم يعني اذا تلبس الفستان مره وحده في مناسبه ماتلبسه مره ثانيه ليش؟لأن البنات شافوه علي من قبل ..ياسلام ..أقول من راقب الناس مات هماً ولو بتابع كلام فلانه وعلانه أكيد حياتي بتدمر مع زوجي ولأسباب تافهه الله يهدي الجميع بس..

يسلمو اختي على الموضوع موفقه
اختك/سر هدايتي أئمتي

[دمعة فاطمة]

بسم الله الرحمن الرحيم
اللهم صلِ على محمد وال محمد
موضوع رائع وحساس اخي الخنفروش

راح اعقب من خلال حياتي الزوجية
لمن تصير عندنا مناسبة وزوجي يكون متضايق ماديا
اشوف المناسبة قريبة ليي مرة مرة اروح واكون عادية جدا
ولا اضيق على زوجي
اما اذا كانت مناسبة بعيدة شوي عني مثلا بنت خالتي ولد خالي
اجلس مع زوجي ابرك لي
عندي زوجي بالدنيا
مو معناتها مااتجدد في لبسي عند زوجي
لا لمن يكون مرتاح ماديا مااقصر على روحي
اصفر جيبه تصفير :d
طبعا عشانه :ضحكتني:



اصلحنا واياكم من ها المظاهر

تقبلي تحياتي
دمعة فاطمة

[غروك وغيروك]

ياريت بس على الفستان الا مصاريف الكوافير والتصوير

[أسير الحب]

من حق البنت تدلل وتدلع وتلبس الي تبيه
انا اصف مع البنات
مايصير يشوفو الفستان عليها مرتيين

[الخنفروش]

بلا قيود كلامك سليم وحلو وخاصة التنويع ولكن في كل مناسبة انا أعتقد انها صعبة وخاصة في هالظروف القاسية والصعبة . تحياتي
اجمل تاروتي .
تحياتي لك وانا معك ايضا في التنويع ولكن مثل ما قلت الظروف (هي الحاكم)
خيه سبشل صحيح القناعه كنز لا يفنى شكرا لك موفقين
اخوي هاني .
شكر لك على مرورك الكريم.لايزعلو البنات منك انتبه لنفسك
سر هدايتي أئمتي .
خيه كلامك لطيف جدا وشكرا ع المرور من راقب الناس مات هما
عزيزتي دمعة فاطمة .
كلام رائع صحيح أهم شي زوجي حتى لو اصفر جيبه تصفير ولكن علشانه
ترانيم المحبة .
الله يساعدك شكلك زعلان ه اقول لا تهم ي نفسك موفقين وشكر لك ع المرور
اسير الحب .
كلنا معك مع البنات ياخوك لاتخاف ولكن بدون مبالغة في الصرف
ولو انني اعتقد بان هذا ليس بكلامك الحقيقي لأني اشم رائحة القهر والعلة من ردة الفعل مايصير يشوفو الفستان عليها مرتيين

تحياتي لكم جميعا

[cool girl]

هههههههه عدل كلامك اخوي بلا قيود

انا لمن اسأل نفسي ذا السؤال اقول

(مايصير البس شي مرتين)

يعني ماعندي جواب لذا السؤال من يوم انا
نونو لحد ماضبعت دحين وانا متعوده

جذيي انو ماالبس الفستان مرتين

يمكن مسألة تعود او عندنا دلع زايد والله مدري انا

احس جوابي سخيف لنو ماعندي جواب هههه

اول افتكرت انت الا متهاوش مع زوجتك اختلعت قلت خلنا نلحق عليهم
لايتهورو
عموما الله لايجيب لك مشاكل جذيي

عذرا ع الأطاله و(الظرافه الزايده ههع)

تحياتي
Cool G!rl

[الخنفروش]

cool girl مشكورررررررررررررررررررررررررين ع المرور
لازم ايصير في شوي نكهة (ضحك) تلطيف الجو
وانتي ماقصرتي رحم الله امك وابوك

[شوق الأشواق]

أول شي البنت من حقها تدلع قدام صاحباتها
وثاني شي صحيح ان البنات يطالعو الوحده عن عين وجنب لانها
لابسه نفس الفستان كذا مره
ويعني اش صار لو اشترت فستان جديد بالعكس يقولو هذي زوجها
مو مقصر عليها عايشه في عز ومعززنها ومخلينها اميره في وسط
الاميرات وماهي محتاجه لفستان فلانه ولا علانه ..
وثالث شي مو كل مناسبه هي لازم تلبس فستان عاد اذا صاحبتها
او ناس بعيدين عنها تلبس ملابس حلوه تنوره قصيره وبلوزه اتكيت
وشوية ميك أب يخليها تطلع قمر ..

و إذا على رمية الفستان في الدولاب لا ترميه في الدولاب تــأجره
توديه محل ايجار ياجروه لها وتستفيد من ورا هالفستان عشان
توفر على نفسها حنت زوجها ....

بس فعلا انتو لرجال مرتاحين وما تحسو بالحريم انتو لبسكم موحد
ثوب بيضه وشماغ ان لبسته اليوم وبكره ما حد درا بك غير الشباب
الي يلبسون البناطلين وغيره ما يبخلون على حالهم بس احنا المساكين حنايه وفستان وكوافير بالحنه ..

ههههههههه لا تزعلو مني ترا فعلا اشوف كثير يعانو من كذا ..

تقبل مروري
بالتوفيق..