إحساسك في ورطة مع جميع الاعضاء ..!!!

[شموع الامل]

السلام عليكم ورحمه الله وبركاته ..}
اعضاء منتدانا الغالي..
عندي موضوع وان شاء الله يعجبكم..
وهو اني راح ادعي عضو على حسب اختياري..
والعضو اللي اختاره لما يخلص من الاجابه..
عالاسئله يختار اهو عضو ويورطه بالورطه..
بحيث يرسل له رابط الموضوع برساله خاصه ..
اتمنى التفاعل وعساكم عالقوة..
والموضوع هو (( احساسك في ورطه ))
في البدايه
عرفنا عن نفسك
اللقب/
هوايتك/
1-ضع مسج حب من اختيارك نبي نشوف ذوقك؟
2-اكتب مسج عتاب من راسك ؟
3-بعد الخيانة إنتهت رغبتي فيك .. و إن كنت تذكرنا ترانا نسيناك
(( وش احساسك لما يوصلك هذا المسج على جوالك وش راح ترد ))
4_ لك وحشه ماهي لغيرك من الناس .. انت اللي .. بس .. اقدر اسميك غالي...!! نبي تحط لنا رد على هذا المسج بمسج من احساسك
5-من هو فنانك المفضل ؟ وش الشيء اللي يخليه يكون قريب الي قلبك واحساسك؟
6_ شاعرك المفضل ؟ ومسج من اشعاره وقريبه الي قلبك واحساسك؟
7-نبي احساسك باللحظه هذه توصفه لنا بمسج ؟
8_الطيب أساسك و الفخر للي يماشيك ، و الذوق شخصك ، و يا سعد من هو يخاويك (احساسك لما يوصلك هالمسج ))
9-هل انت انسان حساس؟
10_ نبي تحط لنا صوره تعبر عن احساسك ؟
11-وش احساسك لمن تحط موضوع وتعبان عليه مره ويجي واحد يرد عليك يقولك(( يسلمو _ شكرآ ))
12-وش اكثر احساس تحسه بأيامك ؟
13-وبعد نهاية الاسئله وش احساسك الحين ؟

((تنبيه ))
لاتنسى بااختيار عضو وتورطه بالورطه ارسل له رابط الموضوع برساله خاصه عشان ماينسى

[البتول النوراء]

يالله اختاري عضووووووووووو يا شموع


اذا علي اني الي اختار اخترتش خخخ

[شموع الامل]

أختار العضو مجتبى الحسين

[شموع الامل]

اقتباس: المشاركة الأصلية كتبت بواسطة البتول النوراء  يالله اختاري عضووووووووووو يا شموع اذا علي اني الي اختار اخترتش خخخ

ههههه
يالله ان شاء يجي دورش بسرعه شكلش مستعتلة >> متسعجلة
يلا اخترنا
ونشوف اخونا جاهز ولا لا ورطناه

[المحتاره]

مشكوووره شموع على الموضوع
وننتظر مجتبى
يعطيك ربي الف صحه وعافيه
تقبلي مروووري .. تحيااااتي

[بنوتة حزينة]

سلآآآآمووو

يسلموو غلآآآي ع الموزوع النايس

مرهـ حلـــــوو

لاعدمنا ابداعج خيتوو

دائما مبدعه ونشيطهـ

ربي مايحرمنا منكـ

ننتظر ابداعج القادمـ

العضو مجتبى في انتظاركـ خيوو

تحيتي

بنووتة
.

.

:)

[البتول النوراء]

اقتباس: المشاركة الأصلية كتبت بواسطة شموع الامل   ههههه يالله ان شاء يجي دورش بسرعه شكلش مستعتلة >> متسعجلة يلا اخترنا ونشوف اخونا جاهز ولا لا ورطناه

والله مو مستعتله ’’’بس ما شفتش حطيتي قلت باحت بدلس ,,,بدلش

ويش الي حادني خخ

[أجمل إحساس]

موضوع

[نـور الدنيا]

والله حركات هالموضوع

يالله ننتظر أخونا مجتبى ..

[ظل وقمر]

يالله توريطة كبيرة أنتظروني

[ظل وقمر]

اللقب/

ظــل وقمــر

هوايتك/ ترجمة المشاعر
1-ضع مسج حب من اختيارك نبي نشوف ذوقك؟
هذا المسج احبه واجد :
كلمة احبك غاليه بين الاحباب
لاقالها خلي احس بغلاها
اعطش لها دايم وادورلها اسباب
ابيه ينطقها يردد صداها
كن العسل من شفته فوقها ذاب
زود على كلمة احبك حلاها
ياليتني وياه في صفحة كتاب
قصة غراام وكل عاشق قراها

2-اكتب مسج عتاب من راسك ؟
يامقفي(ن) عني بلا أية أسبــاب / من علمك تقفى وعني تغيبــي
ومن علمك تهجـر وتقسى وتغتاب / من علمك تجرح وأنت طبيبـي
مو كان وعدك بالحياه نبقى أحباب / أبقى حبيبك وأنت تبقى حبيبـي
وسلامتكم ( يمكن أكملها بالأدبي لأنها حلوه

4_ لك وحشه ماهي لغيرك من الناس .. انت اللي .. بس .. اقدر اسميك غالي...!! نبي تحط لنا رد على هذا المسج بمسج من احساسك
مايوحشك غالي يبو قلب ألماس / قدرك رفيع ومنزلك دوم عالي
حلو وطيب إجتماعي وحساس / كريم وأبيض قلب يبن الحلالي
صدقني ياخلي على كثرة الناس / مافيه مثلك يمتلك هالخصالي
وسلامتكم
6_ شاعرك المفضل ؟ ومسج من اشعاره وقريبه الي قلبك واحساسك؟
سعد علوش
وهذه القصيدة التي أعشقها:
صار الزمان أشكال و حروف و أنقاط
صوره و أسم والناس تنفي و تنقا

كنها على ظهر الشيم تضرب سياط
يا سين يالشيمه و يا مل فرقا

كل شي يهون و ينسى كون الاحباط
الاحباط لو يروح ذكراه تبقا

لا صرت صح ووقتك اغلاط بغلاط
ليه اتعذبه و تتعب و تشقا

رح القمر و أفرش على سطحه بساط
و خل الحثال ان كان به خير يرقا

و أختار من تعشق و تغليه بفراط
اللي علا شانه ثرا الارض يسقا

راعي الجروح اللي بتموز و أشباط
اللي لكل الزين مجمع و ملقا

7-نبي احساسك باللحظه هذه توصفه لنا بمسج ؟
إحساسي مامثله على الأرض إحساس / غريب مثل الدمع فارق جفوني
غامض وشاغل خاطري ألف هوجاس / ضايق وكن الكون نقطه بعيوني
وسلامتكم
8_الطيب أساسك و الفخر للي يماشيك ، و الذوق شخصك ، و يا سعد من هو يخاويك (احساسك لما يوصلك هالمسج ))
أكيد بفرح لأنه شئ جميل أن يكون الأنسان في هذا الموقع وبهذه الصفات

.

9-هل انت انسان حساس؟
نعم

10-وش إحساسك لمن تحط موضوع وتعبان عليه مره ويجي واحد يرد عليك يقولك (( يسلمو _ شكرآ ))

إحساسي محبط جداً

11-نبي تحط لنا صورة تعبر عن إحساسك

12-وش اكثر احساس تحسه بأيامك ؟
إحساسي في أبيات
أحس ماباقي من العمر واجد / وإن الحياه سجني همي وعذابي
يارب خذني لك تايب وساجد / وارحمني برحمتك عند الحسابِ
وظللني بظلك يوم الشدايد / ونجينـي من ظغط القبر والعقابِ
وسلامتكم

13-وبعد نهاية الاسئله وش احساسك الحين ؟
سعيد جداً بهذه الدعوه لكن تعبت واجد وباقوم أنام
أشكر أختي المميزه دائماً ,’،,،’ شموع الأمل ,’،,،’ على الدعوه التي حركت قلمي الخامل
فترجمت بعضاً من أحاسيسي

دمتِ بكل ود

[شموع الامل]

هلا ومرحبااا
خيووو / مجتبى الحسين
مشكور خيووو ماشاء الله عليك وعلى قلمك الصراحة قمة في الروعه والابداع ومشكورعلى تلبية الدعوة
وعلى تواجدك في الموضوع الذي زاد نوراً بتواجدك فيه
وإجابات رهيبه رهيبة والله
وربي يعطيك ألف عافيه
ويسعد أيامك
مودتي

وننتظر منك إختيار أحد الاعضاء للمشاركة معنا

[ظل وقمر]

العفو خيوو شموع الأمل أحرجتيني

أختار أخونا العزيز بلاقيود

[المحتاره]

ننتظر بلاقيود

[نـور الدنيا]

بإنتظار أخونا بلا قيود