شريك حياتي في طريقه للتشيع

[ام فراس 2010]

يالله شقد اتحملتي عن جد صبورة الله يخلف على صبرجش ياختي

[أم أحمد]

خيوه كلا انتين في بالي
وكلا افتح المنتدى بدون تسجيل بس عشآن أطمن عليش
اتمنى لش نهآيه سعيده من كل قلبي ولليآهل الشفآء يارب

[special]

الله يعوضش على الصبر فرحه كبيرة تسجدي شكراً لله ..

[ياوديعة علي]

الله يفرجها بحق محمد وآله
دعواتنا الك بالخير والسعاده والله يجعل هالشي بميزان اعمالك

[..سر وجودي..]

الله يعافيه ويشافيه يارب بحق محمد واله.. بس ماقلتي لينا وش سميتيه..؟؟

بانتظارك وربي يعينك..

[اميرة السلام]

الله يكون في العون

معاناة صحيح

ننتظر التكملة بكل شووووووق

[ظل وقمر]

أول قصة أتابعها بشغف و اهتمام ..

أكملي وعسى ربي يكون في عونش حقيقة

[بنت عوامي]

ياااااااااعلي القصه اتصيح من الصياح
متابعه بعنف وبشده وبقوه واللي يتوكل على الله ويتمسك بأهل البيت مايخيب خيتوو

[أنوار الأمل]

الله يعطيك صبر خيتي اوان
الغربة صعبة وبظروف مثل ظروفك
تكون أصعب وأمر ،،
الله يهونها عليك ويجعل خاتمتك خير ،،

[روح المسك]

؛؛
ماشــاء اللهـ عليكـ..
صبركـ يوزن صبر جبال..
الاوضاع الي عشتيها ما حد يقدر يقيمها الا الي جربها او جرب جزء منها..
بالاخص مواضيع العواصف والمطالبات الماليه وفوووق هذا مشاكل الملحقيه الي قلوب بعضهم مافيها ذرة رحمهـ

أكرر ماشاء الله عليكـ

[SanfoOoOora]

كان الله بعونك...
لكن الله اذا حب عبد ابتلاه...
والله يشافي البيبي... قلبي عورني عليه

اقتباس: وابجي واهم يو يمي ومسكوني اللي تحضن واللي تهدي فيني قالوا لي كلام والله العظيم بشر قلوبهم بيضة وماراح تصدقون اللي سووه لي وطبعا كله من رحمة رب العالمين .... قالوا لي مانبي منج شي تبرعت العيادة انها تدفع تكاليف الولادة

هذا احس موقف انساني جميييل وكبيييير ويمكن 1% تلاقيه عندنا ....
الله يفرج عنش ويساعدش....

[اوان الورد]

دخلت وطبعا 9 طوابق انا مادري وين اروح قلت يلا اروح للتاسع اللي فيه مدير الملحق خل ادخل عليه يمكن يقدر يساعدني وانا قاعدة انتظر يه لي واحد مابي اقول اسمه بعد... ورحت معاه المكتب قلت له اسمي ومعلوماتي وفعلا ماكو شي فاحيانا بعض الملفات تضيع ويفقدونها ولسوء حظي كنت منهم... قلت له ابي تعجيل التحاق ببعثة لان عندي ظروف وايد صعبة ووضعي مايسمح اني اظل هني فقلت له السالفة وقام سكر الباب وانا قلبي ينشلع قلت له لو سمحت خلي الباب مفتوح قال لا عشان تتكلمين براحتج قلت لا مرتاحة والباب مفتوح ويه قعد قبالي والله حسيت انه راح يسوي شي والله اسحب حالي واطلع وهو ينادي العن ابوها بعثة اذا بيصير شي جذي اما انا والله كنت ابي انضم عشان وضعي مو عشان الدراسة وقمت ابجي ولفت نظر الجميع وانا بالطابق التاسع قعدت في غرفة الاجتماعات وانا افكر شسوي وين اروح ومر واحد اسمه محمد الطرباق شافني وطاف ورد رجع ويه لي قالي شفيج يابنتي انا والله ابجي مثل اليهال تعرفون الياهل اللي مايعرف يتكلم مثل اللي يشهق مو عارفة اتكلم والكل ساكت ويطالع دخلت معاه مكتبه قلت له لاتقفل الباب خلييييييه قال والله بخليه بس اهدأي ودشت معاه الموظفة سكرتيرته عفراء هذي عراقية عشان يخليني اتطمن وقلت لهم بسالفتي من البداية.. ماجذب عليكم دمعت عينه وعفرا طلعت من المكتب قلت له انا مابي احد يشفق علي ابي تساعدوني واذا ماتسوون لي شي بروح للسفارة كاهي يمكم .. قال لا نطري اعطيني اوراقج كلها وانا وعد مني اساعدج مع اني مو تابع قسم الطلاب الدارسين على حسابهم الخاص وكتب رسالة للدكتور محمد العيسى ودزتها السكرتيرة ورحت انتظر ليما جا دوري ودشيت وهو يقرا الرسالة طالعني انا مافهمت نظرته انا نزلت راسي ونادى السكرتير ماله محمد الحمدان وقال له تسوي اوراقها لها الحيييين.. انا طبعا استانست وقلت يارب على بابك تنفرج وعبيت النماذج من جديد وكل شي سويته والساعه 5 طلعت على نهاية دوامهم ومنها تاكدت اني خلصت اوراقي عشان انضم ورديت الفندق وكنت يوعاااااانة حدي ولاادري شنو اكل ولاادل اماكن هناك قلت يلا اطلع اتمشى واسال يمكن الاقي مطعم قريب سالت الفندق قالوا لي في مطعم هندي قريب وحلال وطبعا بررررررررررد حيل والهوا قوي وصلت الدون تون " وسط المدينة وتكون احياء حية فيها ناس ومطاعم وكليبات" وشفت لوحة المطعم ودخلت وشفت المنيو وطلبت ..كان غالي بس قلت والله ماخلي في خاطري بطلب ...اللي في الكاشير نيبالية وتطالعني وتبتسم ومسلمة بعد وانا مو عارفة اكل يت لي قالت لي انتي من وين قلت لها من السعودية قالت اوو مو مبين قلت لها ليش قالت مادري شكلج مو سعودي انا اشوف وايد سعوديين وسعوديات يجون هني بس شكلج غير .....الموهم قعدنا نسولف ونستني والله.. وخلصت قالت لي اذا تبين بعد بحط لج صحن ثاني قلت لها لا شكرا الحمد لله شبعت وانا ماقلت لها شي عن نفسي اصلا قمت وغسلت ورحت بحاسبها قالت لي من صجج عيب علي اخذ منج اول مرة تجين وانا حبيتج قلت لها مايصير لازم تاخذين هذي فلوسج ومايصير انا اكل واطلع .. مني مناك مارضت تاخذ انا عاد شكرتها وايد جيت بطلع الا وتعطيني كيس قلت لها هذا شنو قالت هذي وجبة اخذيها معاج البيت قلت لها هالمرة مايصير لازم احاسبج قالت لا هذا طبق يديد وتونا قاعدين نجربه قلت لها اها اذا جذي حلو.. طلعت وانا امشي بالشارع وافكر اقول يارب انت ميسر لي اموري يعني شنو هذا اللي قاعد يصير لي رحمتك يارب تنزل على كل العباد رديت الفندق ونمت عشان اصحى بدري واروح المطار وبدت رحلتي ... اكره شي بالحياة الطيران الامريكي الداخلي خااااااااايس الطيارة صغييييرة وصوت المروحات يهز البدن ماتوصل المكان الا وانت تهتز وراسك مفتر ... الموووهم وصلت واخذت حبيبي ولدي مع رفيجتي طبعا ورجعنا ونمنا وانا انتظر ..ماطلع لي رقم ملف وادخل على البوابة واحط رقمي وماكو شي قلت معقولة نكبوا فيني ورفيجتي تقول لي نطري والمدة خلاص قربت تخلص وظليت ادق عليهم ويقولون لي زحمه وضغط دوام لازم تتحملين واتصل لمحمد الطرباق اللي وعدني انه راح يساعدني ورد علي وقلت له قالي انا قلت لج راح اساعدج وانا قد كلمتي بس انتي انتظري قلت انشالله ... وصلنا لتاريخ 1 مارش وانا يالله شراح يصير ماعرف انام ولااكل وبس اطالع ولدي اقول شنو الله كاتب لي اظل معاه ولا اروح عنه ومااتخيل اني اخليه قلبي يعورني..... تاريخ4 لميت اغراضي وجهزت كل شي عشان لو صار شي وجوني الامغريشن الا وانا جاهزة دقيت على الاستاذ محمد الطرباق قلت له اخر شي باجر بمشي قالي اسمعي ابيج ترسلين لي اوراقج مرة ثانية والصدفة اني كنت مسوية لهم سكان وحافظتهم بملف مضغوط هذا اول مارحت امريكا مسويتهم والله وادز الايميل له ويدق علي مراسل قالي ساعديني عشان اساعدج قلت له امرني قالي الاوراق كاملة؟ قلت له اي انشالله قال ماراح اطالع راح افتح لج ملف واعطيج رقم طلابي وخلاص تعتبرين مبتعثة قلت له اي كاملة انشالله قال خلاص اوك وصكيت التلفون وانا ادعي يارب يارب على بابك ياكريم كنت ارددها وايد وزيارة ام البنين ماطفيتها اصلا طول الوقت تشتغل ويت الساعه 5 وخلص دوامهم وماياني شي وانا :( .... قعدت الصبح وانا احس اني انتظر شي تلفون ايميل احد يطق الباب مادري ان شي قاعده انتظره واطالع البلكون اقول الحين الامغريشن بيجوني وبياخذون ولدي وبيسفروني مع اني مادري شراح يسوون لي بس يه في بالي هالشي وتمر الساعات .................................................. .....................................
والله والله وربي يشهد علي الساعه 5 بالضبببببببط اشوف مسج ياني من الملحق انا فزييييييت وافتح الايميل الا الضمان المالي وصل ورقمي الطلابي وكل شي تعرفون لما الواحد يبجي بهسترة ..... اللهم صلي على محمد وال محمد جد جد ماتتخيلوا منظري شلووون ضميت ولدي وقعدت ابجي فرحااااااااانة ..... الحمد لله يارب الصبر نعمة والله العظيم والحمد لله مليوووووون مرة

[زهراء الصفار]

ربش مسهل عليش ....بعد هالتعب
سبحان الله ..حتى الي فالمطعم ماأخذت الفلوس .....
تستوي مسلسل قصتش
بس جد للمرة الألف تعب والله ....... الله يعينش
صار خاطري اشوف النونو ..مادري ليش ؟؟؟

[ام فراس 2010]

يامسهل الامور يالله .......

[..سر وجودي..]

ام البنين ماتخيب ياغناتي ..

مو بس الرجال صاح حتى اني صحت..
اني في السعودية واحس اني في غربة كيف انتي ..

الله يساعدش..

بس فرحت لش واجد واجد.