وسيلة تعليمية..

[حروف مبعثرة]

السلام عليكم ورحمة الله وبركاته..

اللهم صلي على محمد وآل محمد..

حبيت احط لكم صور حق شغل اختي فاطم الى وسيلة تعليمية للاطفال وبصراحة كانت مسويتها لولد اختي لانه من ذوي الاحتياجات الخاصة
لكم الصور




وهذي الي تحت كل جزء وبشرح لكم كيف يتم تعليم الطفل



طبعا هذا اسمه ماذا تنتج تعلم الطفل ويش ينتج كل حيوان
الحيوان يكون ملزوق بالوسيلة
اما الانتاج فينشال لانه مثبت بطقطق او لصقات مثل حق الجزم والعبي
فالبتالي الطفل يلصق الانتاج اعلى الحيوان المناسب
الصوف > للخروف
والحليب>للبقرة
والبيض >للدجاج



بالنسبه الى هذي المربع الي على اليمين القطعة الي تحت تحتوي على4خانات من الالوان والقطعة الي
فوقها تتحرك
والمربع الي على اليسار فيه اشياء بنفس الالوان الموجودة بالمربع الي على اليمين وهم كذلك القطعة الي فوقه تتحرك
فبالتالي الطفل يحاول يبحث عن الغرض في المربع الي باليسار باللون المثيل للون الي انت تحطيه بالمربع الي على اليمين
ملاحظة
اذا قدرات الطفل مو عالية حطي القطعة الي تتحرك فوق باللون الاسود او الابيض



بالنسبة الى هذي فيها نوعين من المهارات مطابقة اللون والشكل نفس الشي الاشكال الي باليمين ممكن انها تنشال واتنحط باللصق يعني تشيلي كل الاشكال والطفل يطابق
ملاحظة
ايضا هنا اذا كانت قدرات الطفل مو عاليه تكتفي بان تصنعي الاشكال من لون واحد ليركز الطفل على شي واحد

طبعا لاننسى ان تكوني مع الطفل وسؤاله اثناء تعليمه للمهارات وذالك لتشجيع وتسهيل المهمة
..

اتمنى انها تحوز على رضاكم
وعذروني على التصوير لانه بالجوال

تحياتي لكم

اخت فاطم
حروف مبعثرة

[أروع ملاك]

مشكورة على المجهود اخت فاطم
ويعطيكم الف عافية
وانشالله تخدموا اختكم وابنها دوووووم ويخليكم حق بعض ويخليني حبايبي.

أخوكم
أروع ملاك

[حروف مبعثرة]

ويعطيك الف عافية على تواجدك ..

[الحراقة]

عمل رائع..
وذكرتيني بمادة "إعداد برامج للمعاقين عقلياً"

ياما سوينا مثل هالاعمل وشرحناها..


تحياتي لك..

[حروف مبعثرة]

موفق اخي الكريم الحراقة..

اتمنى انها عجبتك...

وتسلم على ردك اللطيف..

[شفتِ دمعتي؟؟]

والله وسيلة تعليمية جميله ومفيدة ...
ومشكووره حروف مبعثرة على نقل الوسيلة ..

[سيدة الأحلام]

ما تخيلتها أبدا بهالطريقه...

مره حليوه ومتعوب عليها.........


عليش أفكار فاطم........وتنفيذ موبهين

مشكوره حروف ......وفاطم

[الكلمة الطيبة]

عمل رائع ومتميز
وبالذات انها مصنوعة من خامات متوفرة وبسيطة

بس ممكن سؤال من وين جبتي هالفكرة الرائعة ؟؟؟؟؟

تسلمي اختي حروف وفاطم


تحياتي
الكلمة الطيبة

[حروف مبعثرة]

شفت دمعتي...
شكرا على مرورك اللطيف..

البتول الحوراء..
شكرا عالمجاملة اللطيفة..

الكلمة الطيبة....
تسلمي على مرورك..
دائما ما يكون الشيء البسيط له لمسة رائعة..

تماما كتواجدكم في صفحتي البسيطة..

في حفظ الله..