نسل الحوت

[شروفه]

السلام عليكم ورحمة الله وبركاته

أول مايخطب الشاب البنت على طول قبل كل شئ وش يسوو ؟؟ يوزعو سمك

هذي العادة مازالت لحد الآن موجوده في تاروت كانت دائما تشغل بالي والي اليوم الي سألت فيه جدي الله يخليه بالمشاركة مع أمي العزيزة ..

وكان جوابه لازم شئ من الحوت اذا ماحصل الحوت شئ من نسله لانه يعتقدو الناس انه يبارك الي المخطوبين والحوت شئ عظيم وكبير والزواج نفس الشئ (( من داك اليوم الي اليوم وأني افكر في هذي الجملة ))

وغير كذا العروس ماتأكل من السمك .. ويوزعو على الأهل والحبايب والأصدقاء

أغلب المناطق هذي العادة كغيرها أندثرت لكن في تاروت مازالت موجوده لاني من قبل كم اسبوع سمعت انه ووحده انخطبت ووزعو سمكها


اني في نظري انه مستحيل تظل عادة طول هذي السنين لمجرد أعتقاد !!

أتوقع انه وراها قصة لكن وين الي يقول لينا هذي القصة


الي عنده أي معلومة رجاء لابخل علينا

[ملكة الحزن]

السلام عليكم و رحمة الله و بركاته

فعلاً العادة مازالت ، لكن ليست كما السابق .
فالبعض اليوم يفضل ان يقدم الخطيب مبلغاً بدل ( الحوت ) او السمك ..

شكراً لكِ عزيزتي شروفة

أختكم ملكة

[باب العين]

سلام وتحية واحترام .

هناك شيئ غريب أيضاً بالنسبة للسمك الموزع ، فهو لا يؤكل الا مقلياً ويعرف الجميع ذلك .

على ما أظن أن توزيع السمك على الجيران والمعارف بمثابة اعلان وتعريف بأن هذه الفتاة قد خطبت ، لذلك يسمى خطبة

[ميثاق]

[align=center]هنا عندنا كانوا اهل العروس يقسموا بيدان(اللوز) كل بيت شوي..
لما سألت قالوا هذا بمثابة الاعلان ان فلانه انخطبت لفلان..
لكن الحين العادات هذي اندثرت وحل محلها الكيك..
في كل عقد قران ام العروس والمعرس يدوروا بيت بيت يقسموا كيك..
بس هذا الامر يخص الاقارب والمعارف والجيران فقط..

اما السمك انا ماسمعت انه في اي منطقة غير تاروت لانها تتميز بهالعادة لحالها..

تحياتي لك شروفة وعقبال ماناكل من السمك حقك [/align]

[شروفه]

اشكركم جميعا

أختي ميثاق كان في الأول بعض المناطق توزع سمك بس اندثرث مثل غيرها


وين باقي الأعضاء نريد نوصل الي منشأ هذا الأعتقاد

[نور الشمس]

قليل جداً من يوزع السمك هذه الأيام .. ولكن ان شاء الله نستطيع أن نأتي لك بمعلومة مفيدة ..

تحياتي

سأعود قريباً

نور

[شروفه]

ننتظركِ أختي الحبيبة نور

[نور الشمس]

اسمحوا لي .. ما لقيت جواب شافي .. بس لسه عندي فضول ..

تحياتي

نور

[عوامي]

كشخة

يوزعوون سمك

اول مرة اسمع

بس ليش سمك بذات
وليش مقلي بذات

تحياتي
عوامي

[شروفه]

بس ليش سمك بذات؟
لانه من نسل الحوت

وليش مقلي بذات؟
ماادري هذي معلومة من الأخ باب العين

[قلب من دانتيل]

اختي شروفة
بالرغم من ان هذي الحركة حلوة واجد وتفرح الواحد لكنها ياخسارة اندثرت وصار الناس ياخذوا بدلها فلوس على حسب علمي مادري ان كنت غلطانه صححوا غلطي ..
بس

[نور الشمس]

فعلاً صارت العروس تطلب فلوس بدل السمك .. بس مع هذا لازم المعرس يجيب شوية سمك لأهل العروس ..

مرة وحدة تقول .. أخوها مستغرب ليش الناس توزع سمك .. وهو ما يحب السمك وقال ليهم إذا خطبت باوزع همبرغر ..ههههههه

تحياتي

نور

[عوامي]

صراحة اول مره اسمع

تحياتي
عوامي